كيف تصطادين عريسا

الحلقة الخامسه والاخيره

محمود: تفضل
اصاله : السلام عليكم
فراس ومحمود: عليكم السلام
فرااس: حييي هوااا انتييي
اصاله: الله ع الصدفه الغريبه
محمود: تعرفو بعض ؟
فراس: بصراحه مكدا مره تلاقينا قبل وبعديين في نيو لوك وكدا
اصاله: ايه نوعا ما نيو لوك
فراس: طالع عليك
محمود: احم احم خلي معاكم ساره بنتي نبي خبرتها تكبر
اصاله: ان شاء الله
فراس: هيي عن ادنك اني بنشوف شغلي
محمود: تفضل
محمود حس ان فراس انعجب بأصاله وطارتله
مايبيش الشي هذا يصير ع خاطر يبيه لي بنته
__
اصاله: وين هذي ساره مختفيه
فراس: من هذي
اصاله: بنت الاستاد محمود
فراس: اها
اصاله: سااامي
سامي: ايوا
أصاله: وين ساره
سامي: وين نندري توقع عندي
اصاله: مبردك باهي سالم
سامي: ماجاش وهذي حاير فيها
اصاله: يستر الله وخلاص
فراس: باهي اتصلي بيهم
اصاله: اتصلت بكري ماتردش نحسابها ف المصرف
فراس: ان شاء الله خير
اصاله: ان شاء الله هيي نبدو
فراس: لالا خلي بنت الاستاد محمود تجي قبل خلي نهدرزو
اصاله: اممم عادي
___
ساره تبكي
وسالم يبكي بأعلى صوته
امه توفت واول رقم اتصل بيه كان ساره ساعداته ومشت معاهم للمستشفى بس للاسف ماقدروش ينقدوها
ساره او مره تشوف سالم مكسور ويبكي قبل ديما العكس
ساره اتصلت ب أصاله وقالتلها وعطت علم للكل وجو للمستشفى عند سالم
عزوه ويصبرو فيه
بس هوا مش قادر يطلع من جنب امه
كان الكل جنبه بس حس ان ساره بس يلي جنبه
محمود تل ساره من يدها وبصوت واطي: شن بينك وبينه
ساره: مابيني وبينه شيء نحي الناس تتفرج علينا
محمود: حسابي معاك بعدين
بعد ساعات
سالم استوعب ان امه ماتت وخلاص
الدفن بعد العصر
ساره كان بودها تقعد مع سالم
وسالم كان يتمنى ان تقعد معاه ساره لانه حس بالامان جنبها مع ان يكرهها
هل هذا هوا شعور الحب؟
___
فراس: فوتي اليوم وخلاص اني بنروح
اصاله: حتى اني نحس ف روحي مهدوده
فراس بأبتسامه: سلامتك
اصاله: الله يسلمك
فراس هايم ف اصاله يشوف لي عيونها
اصاله: احم هيي سلام
فراس: سلامات
___
ف الليل
رنا: نبي نطلع معاش متحمله ريحة المستشفى نهائي
سهى: كتبلك الدكتور خروج بس نفكر ف حوشنا دروج وانتي رجلك مكسور
رنا: عادي نقعد ف حوش حنينه
سهى: ايه عادي نقعد معاك الفتره هذي
رنا: تمام
احمد: هيي بتطلعي
رنا: الحمد لله تخيلو ان عيد ميلادي اليوم ☹ واني حالتي حاله
سهى: معليشي ي قلبي حفلته تتأجل
جابو الكرسي لي رنا
وقعمزت فيه وطلعوها وركبت السياره وطلعو
__
اصاله درست قدام حوش رنا ومشغوله لانه ماتردش لا هي ولا امها
اصاله: ها عبدو انت يا بارد وين رنا
عبدو كان ف ايديه حاجات الزينه متع عيد الميلاد
عبدو:
عبدو كان ف ايديه حاجات الزينه متع عيد الميلاد
عبدو:رنا طاحت من الدروج ورجلها انشعب
اصاله: حيي وينها توا داخل
عبدو: جيتي ف وقتك هما قريب يوصلو مزال شوية زينه تعالي ساعديني
اصاله قامت حواجبها : شن هالحب فجأه
عبدو: مدخلكش😒
اصاله خشت وقعدت تساعد ف عبدو كان منظر الجنان يهبببل
اصابه نزلت هديتها وحطتها
اصاله: وين هديتك
عبدو: مفاجأه
احمد: السلام عليكم
رنا: ياااربييي محلااااااه اصاله
اصاله: الحمد لله ع سلامتك وكل سنه وانتي طيبه ي قلبي
رنا: يعمري شكرااا
اصاله:تبو الحق راهو مش اني عبدو يلي دار هذا كله
رنا شبحتله بأستغراب
سهى: ما شاء الله حفلتك جاهزه يا رنا
اصاله: هيا نقصو الكيكه
قصو الكيكه
ركبو احمد وسهى
عبدو انتهز الفرصه وطلع هديته كانت دبله
عبدو: ر رنا تقبلي تتزوجيني
رنا ابتسمت: ايييه موافقه
ولبسها الدبله
اصاله: ي عمري الف مبروك ان شاء الله ربي يهنيكم
رنا: تسلمي ي عمري
عبدو: امتى تبي نكلم بوك والخطبه رسمي
رنا: من غدوه 🙂
عبدو: هههه طول عمرك مستعجله حاضر
____
محمود: تكلمييييي شن بينك وبين ساللم
ساره: مابيني وبينه شي
محمود:تمام ميه ميه اني ح نكلم بو فراس ونقوله موافق ع ولدك فراس ونخلو الخطبه عن قريب
ساره: مش علي كيفك هذي حياتي وانت مش ح تتحكم فيها ولو درتهاا والله ننتحر ومن فوق
محمود زمط ريقه
وساره ركبت تبكي
حست ان تحب سالم ومش مفارق عيونها
قامت تليفونها واتصلت بيه
سالم ف صوته العبره: ايوا
ساره: اني ماما توفت وخلتني واني صغيره وربي عطاني اب يشوف فيا انسانه يقضي فيها مصلحته ومع هذا متحمله وماوقفتش حياتي ولا ح نوقفها
سالم: خ خيره صوتك احكيلي
ساره: لالا شيء حسيت روحي مضايقه ومافيش مش عارفه كيف اتصلت بيك
سالم: ادوي ماننساش كيف وقفتي معاي ف اقسى اوقاتي
ساره تبكي وتحكيله
سالم كيف بيرد عليها
ساره سبقاته: اني نحبك
وسكرت الخط
سالم ابتسم وهوا ف قلبه حزن كبير
____
فراس: كييف
اب فراس محمد: والله هوا يلي عرض عليك بنته
فراس: مستحيل مانبيهاش وبعدين مش من جوي البنت
محمد: كيف عرفتها مش من جوك ترا وانت شفتها اليوم بس
فراس: البنت اتيكيت ومكياج اني مانحبش هكي
محمد: خلاص نقوله لا
فراس: ايه وبعدين هذا مايتحشمش يعرض ف بنته
محمد: يلي شكيت فيه ان طمع
فراس: هههه وقاعد شاك
____
بعد اسبوع
سالم: ساره
ساره: نعم
سالم :استاحشتك
ساره نزلت راسها
سالم: خيرك امس كله ماكلمتينيش
ساره: لالا شي توا عندي شغل باي
سالم كان قلبه ياكل فيه خايف ساره اضيع منه
___
اصاله: انتي ي دراه
ساره: ها
اصاله: خيرك رخيتي ب سالم
ساره: مش يزيد يحبني ويخاف نضيع منه ويجي يخطبني
اصاله: الله ع الخطط واللاعيب
ساره: ايه انتي ماتبيش تنفدي يلي نقولك فيه كان هذا جبتي فراس للطريق اهو رنا عرسها الاسبوع الجاي
اصاله: اني نحبه فراس بس مش قادره انفد يلي تقولي فيه نبيه يحبني ليا اني لي نفسي نبي نقعد ع طبيعتي ويحبني بيها
ساره تفنص
اصاله ها خيرك وتلفتت
فراس: هههههههههههه سمعت
ساره: عن اذنكم
اصاله خدت ورقه وحطتها ع وجهها : مش اني يلي قلت هكي
فراس: تعرفي الحمد لله جتني من ربي
اصاله: كيف
فراس: ليا هلبا نخطط كيف بنوصلك المعلومه
اصاله: معلومة شن
فراس : انيييي نحببببك
اصاله: حييي فضحتني وطي صوتك
فراس: خلاص ها باي بنمشي لي مكتبي
اصاله:هههه تمام
اصاله: حست مع فراس يلي ماحساتاش مع عمر وخطيبها يلي قبله
___
تم الدوام
وساره روحت قفلت تليفونها ورقدت للساعه تمانيه ف ليل
الخدامه: ماما ماما قومي
ساره: بسم الله شن في
الخدامه: بابا يبيك ضروري تحت
ساره: تمام
نزلت شعرهامشفشف ببجامه ومن غير مكياج
ساره: نعم
محمود: سالم جي خطبك
ساره بفرحه: قول والله
محمود: تكلمي ف بوك مش صاحبك ره
ساره قعمزت جنب بوها : كيف وامتى صار
محمود: قبل شوي كان عندي وقالي بنقعد برا لين تسألها موافقه ولالا
ساره: اني موافقه
محمود شد ساره من ودنها : كنت شاك
ساره: لالا شكك غلط
محمود: صدقت ترا اطلعيله هكي زعما يستمر ف دوته
ساره بالعناد طلعت
محمود : تعالي هني
وجبدها
ساره: مش قلتلي اطلعيله هكي بالك الولد مخدوع ف جمالي الصناعي
محمود: ايه اكيد واقلبي وجهك فوق لا حشم ولا شي
ساره ركبت تضحك
ومحمود عطي علم لي سالم ان ساره موافقه
____
ساره: اصاااله
اصاله: ايوا
ساره: كيف تصطادين عريسا؟
اصاله: وين نندري
ساره: اصطدته وحطيته ف شباكي
اصاله: والله
ساره: والله جي خطبني ووافقت
اصاله: يعمرييي الف الف مبروووووك
ساره: الله يبارك فيك حري روحك مع فراس
اصاله: مش عارفه اني
ساره: ياربي بتجلطيني انتي
اصاله: كان ربي كاتبلي نصيب معاه ح يجي يخطبني ب خطه ولا مش خطه
ساره: ان شاء الله ربي نصيبك معاه يارب
اصاله:يارب
____
ف عرس رنا
ف الصاله ومان يهبل
ورنا مقعمزه المنصه تأشر لي اصاله تجي مش يصورو
اصاله: اه يارجليا تكسرو واني نعول ف بيان ساره وعرسك يارنا
ساره: شن قالت امك ع بياني
رنا: بصراحه بيانك تحفه
ساره: ي عمري وانتي عرسك وانتي تحفه
اصاله: امي عجبها هلبا
___
ساره: شن قالت امك ع بياني
رنا: بصراحه بيانك تحفه
ساره: ي عمري وانتي عرسك وانتي تحفه
اصاله: امي عجبها هلبا
ساره : هيي نصورو
قعمزت اصاله ودارت تليفونها بيصورو سيلفي فجأه جتها رساله
ساره: حييي رساله من فراس يارب بيخطبك يارب
اصاله فتحتها وكان فيها( وتو روحكم غدوه بنجيب اماليا بنخطبك )
اصاله وقفت : والله والله والله
ساره حضنت اصاله: الف مبروك ي عمري
رنا: ي قلبيي خساره كان بودي معاك غدوه
___
بعد شهر
لمة الصاحبات التلاته ف نفس الكافي يلي يلتمو فيه قبل
التمو فيه وهما متزوجات يلي يحبوهم
رواية كيف تصطادين عريسا خياليه تماما درت فيها الجانب السعاده والفكاهه بس مش نرسم البسمه ع وجوهكم نحبكم هلبا من كاتبتكم شيمو
لو عجبتكم تابعو رواية انتقام ورواية مابين الحب والعنصريه ولعبة الحب تلقو منهم هني وفي الانستا متاعي اسمه  shemo.libya