كيف تصطادين عريسا

الحلقة الثالته

ساره: تمام الحمد لله جسمي زي جسمك ح نعطيك لبسه لي غدوه تم
وقعمزت ساره ع الكرسي وقصتلها شعرها دوار وصبغتهولها واستشورتهولها
ساره: ها شن رايكم
اصاله: ابداااااااع ياربي كيف غير فيك
رنا:ياربي اول مره نشوف شعري هكي
ساره: يهبببل طلع عليك
توا نوضي قيسي
وبدت تقيس
رنا: مش قادره نلبس من غير الاسود
اصاله:ياااهميي
ساره: تلبسي مدخليش
لحد ماصلت في
سروال جينز وسوريه حمرا ومع كعب احمر وشنطه حمرا
ساره: واااو هذي لبسة غدوه
رنا مصدومه ف روحها: وليت زي في المسلسلات
اصاله: تهببببلي واحلا من المسلسلات
ساره: مزال الميك اب
لليل وهي تعلن فيها كيف تحط ميك اب خفيف وحلو
____
الصبح
رنا بكل حماس
لبست اللبسه ومكيجت
وطلعت للعمل
رنا تعليمات ساره كلها ف راسها
رنا وهي ماشيه وخايفه اطيح من الكعب وراسها فوق تزلق
يزن شد رنا: ياساتر
رنا: اوه اسفه
يزن وهوا يشوف لي رنا: الله يبارك
رنا بعدت: احم معليش وين الاستاذ احمد
يزن: اني
رنا: اوبس اهلا وسهلا اني بابا..
يزن: استاد احمد
رنا: ايوا
يزن وعيونه ف رنا
ومش يزن بس الشركه كلها تستنى ف بنت صاحب الشركه ولقوها جميلة وانيقه
بس يزن غير خشت لي قلبه طول
يزن: هذا مكتبك
علي جية عمر كان مكتبه جنب مكتب ساره
وقف عمر يشوفلهم
يزن ولا كأن في حد واقف عليهم: المهم توا اني ح ندربك.
عبدو: مش انت اني ح ندربها.
يزن : بس استاد احمد...
عبدو: اني ح ندربها
رنا:لا مش انت عبدو يلي ح دربني ح يدربني الاستاد..
يزن: اسمي يزن
رنا: تشرفنا اني مستعده نبدا توا هيي
يزن: هيي
ومشو وخلوه عبدو خبط البا المكتب وخش
رنا لاول مره تنطق وترد عبدو ف حاجه
__
اصاله: صباح الخير
سميره: من وين بنشوفه الخير
وشاده السبحه وتتحسب علي مبروكه
ومبروك راجلها لازاته راقد ف الصاله ع خاطر مادافعش عليها
اصاله: انتم خلاص عليهم زيك زي جداي
_
وصلت اصاله للمصرف
اصاله: وين ساره خلي نتصل
ساره: جييت
اصاله: كيف بنتصل بيك
ساره: شن جو كلماتك رنا
اصاله: لالا تو نتلاقو معاها اليوم
ساره: نديرو شويينق ونديريلك نيو لوك🙂
اصاله:بتدوري عليا حتى اني
ساره: امالا شن كيف بتصطادي عريس امالا
اصاله: امالا تعالي كيف ما صطديش انتي عريس
ساره: بصراحه بابا يلصقلي ف الاغنياء والمسؤولين وهذا يلي نتعرف عليهم ف حياتي واني مايعجبوش فيا نبي انسان طبيعي زي مافي بالي ولحد توا مالقيتش
اصاله نزلت لوطه عيونها بس يبانو من الطاوله
ساره نزلت معاها: شن في
اصاله: ماتنزليش انتي شوفيلي الخرا هي يلي لابسه احمر ف الباب شن بدير
ساره: حييي جاها سالم
اصاله: قولي والله
ساره: وفي نظرات اعجاب فوقها وشدلها يدها وخاشين للمكاتب
اصاله: حسبي الله فيك يا ريناد يا خاينه زوز يا ظالمه زوز وحني مالحقناش حتى علي نص واحد
ساره: احكيلي
اصاله: هذي حبيبة عبدو يلي تحبه رنا
ساره: الحقيره الخاينه ومع سالم فوقها تو نوريها
اصاله: غير استني
ساره: بنسكر عليهم باب المكتب وانتي اتصلي برنا تقول لي عبدو يجي للمصرف بأي طريقه
اصاله: تمام تمام اصلا شركتم  خطوه يجي ع رجليه
__
ساره خشت لي مكتب بوها خد مفتاح مكتب سالم
والمفتاح ورا ظهرها فتحت الباب علي سالم وريناد كان سالم يلبسلها ف دبله
ساره: اوه سوري
وسكرت الباب بالمفتاح
___
رنا فتحت الباب ع مكتب عبدو: عبدو
عبدو: شن تبي
رنا: ريناد طايحه ف المصرف يلي جنبنا اتصلت بيا اصاله وهكي قتلي
عبدو يجري طووول للمصرف
وقف ف الباب
اصاله وداهشه:زووود بتموت البنت
عبدو يحري وع اساس البطل يلي بينقد حبيبته
ساره مدايره كرسي قدام مكتب سالم
سالم يخبط وريناد كذلك يعيطو افتحووو الباب
عبدو داهش: وينها ويينها
ساره فتحت الباب.
ساره: هذي
اصاله: ريناااد شنديري مع سالم
ريناد: أ أ أ
سالم: شن شن اديري مع سالم
وقام يد ريناد: اصلا ولت خطيبتي
عبدو: ش شنو ر ريناد تكلمي
ريناد: ايه زي ماسمعت
سالم نحى يده من يد ريناد: من يكون
عبدو: ك كيف الى امس تكلمي فيا ع اساس حبيبك
سالم وخر وقعد يشوف لي ريناد
ريناد: ييكدب
عبدو طلع تليفونه: هااا امس ساعه واحد ها شوف
سالم قعد يشوف لي ريناد ومصدوم وتفكر فعلا ساعه واحد لقاها مشغول
عبدو طلع مهزوم
اما سالم
سالم: انسي ان بنخطبك ف يوم
ريناد حطت يدها ع فمها وتبكي
هذي عقوبة الخيانه ماعمرك تكلمي زوز مع بعض بحجة انك كان مازبطتش مع هذا تزبط مع التاني
_____
عبدو ضرب الباب ع رنا: علاااش علااش درتيلي هكي ها تبي تحرقي قلبي وتتشمتي فيا
رنا ناضت من مكانها: لو سمحت احترم نفسك اني وين نندري عليها ماشيه للمصرف......ومالقت غير ادوخ ف المصرف قدام صاحبتي
عبدو بكل غضب سكر الباب بالقويه وقرب من رنا
رنا كانت انفاسها ح تنقطع وترعش
عبدو خبط الحيط: تستغبي عليا
رنا: و و والله م مما نستغبى
عبدو مسح روج رنا بالقويه لين شاربها دم :تمام تمام
ومشي
رنا من الرعشه لين قعمزت
رنا: ياربي كيف صار هذا
يزن: السلام عليكم
رنا: و وع عليكم السلام
يزن: خيرك مش ع بعض
رنا: لالا شي عن اذنك شوي
وطلعت للحمام مش تساوي روجها
___
سالم:انتي عارفك جايه بس مش تخربيلي كل لحظه ف حياتي
ساره: اللطف مش المفروض تشكرنب فكيتك من وحده مزيته زي هي سبحان الله الدنيا بالمقلوب
سالم شبحلها ومشي
___
اصاله: عمر كيف حالك اليوم
عمر: فرحان بسماع صوتك
اصاله: 😪 امم به
عمر: كيف حالك انتي
اصاله: الحمد لله قالولك حاجه الدكاتره
عمر: أ ايه للاسف طلع عندي سرطان
اصاله: ربي يشفيك يارب ف اسرع وقت
عمر: لو تزوجتك ح نبرا ح ننسى الوجع
اصاله: ت توا فكر ف صحتك بس
عمر: انتي صحتي فرحيني وتزوجيني
اصاله: يصير خير
اصاله قلبها ناقزها كأن في شيء غلط مش معروف
__
مبروكه :ووووه يارجلي بنموت
سميره: ان شاء الله تموتي نفتكو من النشافات
مبروكه: جعل يومك قبل يومي يا نذر الشوم
سميره جبدت مبروكه من يدها بالقويه
وعلي جية مبروك
مبروكه: اااه يا وليدي طيحتني وعذبتني
سميره: هييييي والله ماصارت
مبروك: خلاص خلاص نوضي ي امي توا نساعدك
وصلت مبروكه لي دارها
مبروكه: مش قادره نحرك رجليا
مبروك:لا حول ولا قوة الا بالله نوضي بنعاينك
مبروكه: لالالا مانبيش لالا
مبروك: علاش تعدبي فينا هكي
مبروكه: ماعدبت حد اني مرتك الحرفه عدبتني
مبروك: لا حول ولا قوة الا بالله
وطلع
__
ف العشيه
فراس كيف طلع من المستشفى روح للحوش لبس تيشرت ابيض سرال جينز وسبيدرو ابيض
فاطمه ام فراس: الله يبارك علي وليدي تقول ف العشرين مش 30 وين ماشي
فراس: ههههه القرد ف عين امه غزال بنتهور شوي
فاطمه: يا ولدي مش المفروض تستريح امس كيف دخت علينا
بوه فادي؛ بتطلع بسواق وبالحرس
فراس: لا نبي نعيش انسان عادي وطبيعي ارجوك خليني بسياره عاديه بين الناس مش ح يصيرلي شي بنتدهور شوي وبنرجع
فادي: انت توا مداير حادث تعبان لازم حرس
فراس: مش ح نطلع بالحرس هذا اخر كلام عندي

ولع سيارته وطلع
___
اما اصاله وساره ورنا بيتلاقو ف كافي وبعدها بيمشو لي لسوق
ساره: بابا طالعه اني
محمود : اسمعي قبل ماتطلعي في موضوع
ساره: ان شاء الله خير
محمود: ولد المسؤول
ساره:زي يلي قبله اني مش موافقه
عطت بظهر بتطلع
محمود: بس هذا غيير بهلبا ع يلي قبل...
ساره: غير مش غير اني مش ح نتزوج الا شخص عادي وسلام
وطلعت
____
اصاله: ماما
سميره: نعم
اصاله: عرفتي عمر
سميره: هاداكا حسبي الله ونعم الوكيل فيه
اصاله: فيه السرطان وسخفني
سميره: سخفك؟ بعد ما خلاك مقعمزة والناس كلها تضحك عليك وتأشر ف يوم بيانك
اصاله:هوا طلب مني الزواج واني ح نوافق
سميره وقفت: ولا يمكن
اصاله: ماما هذي حياتي واني اخترت
سميره: ماعمرك تتزوجي واحد بس لانك ساخفه عليه
اصاله تنهدت : هذا يلي صار
وطلعت
سميره: لا حول ولا قوة الا بالله
وعلي خشة مبروك
مبروك: شن في ان شاء الله خير
سميره: لما تجي اصاله نفتحو الموضوع
مبروكه شاده ف الحيط ونبرة التمثيل:ااااه يارجليا اااه
مبروك يجري: يستر الله
مبروكه: رجليا مش قادره اااه
مبروك: تعالي شن تتفرجي
سميره جت شدت مبروكه مع مبروك
مبروكه ثقلت روحعها ع سميره
سميره تحملت بس ع خاطر مبروك
_____
رنا نازله والكعب طق طق طق
عبدو: اوووف
رنا راسها فوق ومش معبراته
عبدو شدها من يدها
عبدو: علي وين
رنا: شن دخلك؟؟؟فك يدك بابا نازل وراي
عبدو فك يده
احمد : هييا بنتي
عبدو: كيف حالك عمي
احمد: الحمد لله ولدي
رنا مشت وطبقت كل كلمة قالتها سارة
وعبدو مش عارف شنو مشاعره متلخيطه هلبا
____
فراس وصاحبه يزن ايه يزن يلي يدرب ف رنا ف شركة بوها
يزن: الكافي هذا ابداااع نجيه اني وصاحبي عمر وهوا ديما يجيب ف مرته وصغاره هني
فراس: اااه امتى حني نبدو بنساوينا
يزن: اي والله
خشو وخدو قهوه
فراس: امتى ناوي تعرفني ع عمر صاحبك
يزن:عن قريب ان شاء الله
ساره مقعمزه ف الطاولة يلي وراهم
وعلي خشة اصاله
اصاله بصوت عالي: جيييت
ومع الجريه جت طايحه علي طولها ف جنب طاولة فراس
ساره تندب تحت الطاوله
فراس: يا ساتر ياساتر
اصاله ناضت طول وداهشه وجهها احمر زمطت ريقها
فراس: انتيييي
اصاله: حي انت يلي ف المستشفى
فراس: ايوا
يزن يغطي ف وجهه ويحاول يشوف لي اتجاه معاكس
اصاله حطت ايديها ف نصها وضعفت عيونها وتشوف لي يزن
اصاله: ايواااا انت الدكتور يلي قلتلي ع حالة عمر
يزن: أ أ أ
اصاله:خيرك استاكيت بجديات صدفه غريبه انتو الزوز
فراس مبتسم لاول مره يشوف بنت عفويه هكي مادورت شي ولا حد بطبيعتها
فراس طول عمره يتلاقى مع البنات يلي يكونو مثاليات قدامه مش يحبهم بس للاسف مالقاش ولا مع وحده فيهم الحب
ساره: اصاله
اصاله: عن اذنكم
قعمزت اصاله جنب ساره
ساره: غبر فيييك تبي كورس اتيكيت
اصاله: اتيكيت شن طلبتي حاجه تتاكل
ساره: خلي تجي رنا
اصاله: أ أهو جت
رنا تجري:اصاله الحقي الحقير عمر جاي هوا ومرته وصغاره توا خاشين للكافي