لم يعد للحياة مذاق!
ان لم تستطيع الأبتسامة فأرسمها وقلدها
{البارات الثاني. }
القصة بقلم /ياس خضر ابو علي
...................................................
صارت حرب نفسية ع يارا وهية بل بيت
وقل اتصالاتنا حيل وقلت كل الحيل الي انصبر بيها نفسنا وخلص ونفذ كل صبر عندي وبدت تخطر بالي الف فكره وفكره
وتخطر ابالي شغلات حيل محلوه لا بحق عمري ولا بحق اهلي ولا حتى بحق حبنا الي ربا ويانه ولا بحق دوامي وسمعتي گدام اهلي وناسي والمعروف عني هادئ ومو مشكلجي الان دائمآ اتبع مقولة من ابوي الله يحفظة يكول وليدي اليوم الخوش زلمة يستر روحة ويرجع البيته سالم وما مأذي احد ولا ظالم احد لذالك افكر عندي ام وأب اخاف عليهم قبل لا اخاف ع نفسي استغفر الله بكل ساعة غضب وبكل دقيقة اشتياق وكل حسره تطلع اهدهه بكلمة يالله مجرب هل شي حيل ارتاح اسحب نفس عميق وااهد النفس بكلمة يالله ارتاح بشكل مو طبيعي
استمريت ع هل وضع 5ايام ويارا ماكو
بده التوتر يزداد والأكل كمت اشوفة واغص المي اشربه عبالك مر كلشي صار مالة طعم واليوم السادس اتصلت يارا صار
عندي احساس اول مره ينولد بداخلي هيج شي رجفة ع حسره ع شهكة اريد اجاوب ماكدر ولا عبالك 6ايام عبالك 6سنوات من كد الفرحة نطيت رفض
ههههه رجعت اريد اتصل عليها من الفرحة تركت سجل المكالمات دخلت ع الاسماء ابحث اسمهه من گد البكة عاد اتصلت جان يطلع مغلق ؟؟؟زين ليش ؟وشلون والف ليش بداخلي ياربي تره ماستاهل هل شي وكمت احجي وي نفسي وبهل اثناء دخل علي صديقي المقرب الي نقيب كرار
نقيب كرار اعز صديق عندي وياي بل مكان الي اني بي ويعرف بتفاصيل حياتي
كرار :السلام عليكم
علي :مغلق
كرار :شنو؟
علي :مبايلها مغلق!!
كرار :علي انت جاي تلاحض وين وصلت نفسك؟ انتبه تره مو الهل درجة تره 6ايام اليوم يعني اني اخوك تعرف واضوج من اشوفك هيج ولله من يمي اتقطع عليك
ليش هيج دتسوي بنفسك والحجي صار عليك حيل محلو ولا اقبل يكولون عليك انعزالي وين شقاك وين سلوبك قيافتك اناقتك تعرف شي قبل شوي تحاجيت وي ابو زيد سألته عليك يكول شعرفني ليش هوه علي هم ينشاف هل متعجرف
كرار :علي تعرف هل كلمه اذتني علي انت مو هيج وهسا دا احجي وياك وبالك مو يمي عوف الفون كافي شبيك انطي حق نفسك انطي حق دوامك علي انت ضابط مو جندي الحقوق العليك مقصر بيها بحق نفسك مقصر الى متى اعتبر
الشخص مات
علي :؟اشششششش اسم الله الله ليگولها وبعدين انت بأي حق تحجي بهل طريقة وشدخلك اصلآ امشي اطلع بره وممحتاج احد ينصحني
كرار :ولله اطلع بره وما ادخل؟
اوك اسف من صدك باي
علي :اوووووف ياربي شديصير ليش هيج ؟ معقوله اكون ضحية الحب ؟
معقوله صدك يارا تروح لا ماصدك ممعقولة
يارا حاجيني ياراااااااااا وينج بعدين ارجع انتبه النفسي اني شداسوي ؟ وكرار وين ليش طلع من صدك بديت اتهستر ممعقوله ممجرب هيج شي اني القوي ارجع الوم نفسي واصبر نفسي اكول شنو قابل همه 6 ايام وادخن جكاره واحاول ما اصفن واشرد وبل تالي الكه الجكاره تچوي اصابيعي وهم صافن الى ان سيطر علي الوسواس والشيطان واكتشفت اني عاجز
لان الحد الان مبادرت اي مبادره تجاه يارا وتجاه الحب وصار لازم انهي هل مهزله واذا عمتي شنو متمنعني من يارا يي متمنعني وهسا لازم اخطط للشي قبل ماسوي لان باجر نزولي واشوف ياراا انشاء الله ههههه يي اشوفهه حبيبتي حيل مشتاقلها ولله وهيه اكيد مشتاقتلي موت
باجر اروح اشوفهه بل قوه او برضاتهم
واذا منعوني افوت اخذهه گوه يي شنو يعني قابل اني غريب هيه الكل تعرف يارا شنو الي وبعدين ماعتقد توصل الهيج شي اخليها بأيد الله احسن يالله انت اعلم بوضعي ايااااااابه ساعة 12 لازم انام
هاي صدك متأذي اني وبهل لحضة استوعبت كلام كرار واحس هسه يله سمعته من جان يحجي ابد مو يمه
عبالك هسا حجا واذكرت اني طردته من الغرفة مالتي لك اني شسويت كرار هذا اخذت الشاحنة لان رادهه ومنطيتهه اله طلعت ع السريع رحت الغرفته دكيت الباب ماكو نايم حيل ضجت شلون يجيني نوم واني مزعل اقرب صديق الي واعتبره اخوي واله حق علي ك عمر وك رتبه اكبر مني وهوه يريد مصلحتي واني راجع للغرفه احجي وي نفسي ولله عاد رجعت للغرفة اخذ ملابس لان بعدني ممغير ملابسي العسكرية وحيل تعبان وهواي دخنت اليوم ومماكل شي نهائي اخذت ملابسي ورحت للحمامات سبحت وبدلت
وبطريقي لكيت الوولد ديكلون طماطه ساعة ب1:00بلليل هههههه هاي شدسون ولله سيدي طماطه تاكل ويانه
علي :يي اكل بس بشرط
الوولد :كول سيدي أأمر
علي :بعد متكولون سيدي من اني مدني احنا اخوه واني بعمركم ماحب اتكبر عليكم
الوولد :صدك جذب سيدي ع بختك انت مكانك بل قلب بس هاي احترام الرتبه ومقامك عالي وادلل والله يوفقك بحياتك ع هل تواضع
علي :الله الدعوه اجت بوقتهه
الوولد :دام بوقتهه يله صارت الطماطة جاهزه
علي :يله ولله ميت جوع واجتي بوقتهه
الوولد :الف عافية هاي الطماطة گلاهه علي عماره سيدي تقوي الشعر
الجميع :ههههههههههههههههه
علي الف رحمة ع والديكم ولله صدك شبعت وعاشت ايدك علي وربي طيبة وجزاكم الله الف خير وتصبحون ع عافية
:الجميع عافيات سيدي وانت من اهل الخير والعافية
ورجعت الغرفتي مددت داحجي وي نفسي هسا مال چاي تصفة الجمجمه من التفكير
ولله وتندك باب الغرفة
علي :منو
علي عماره :اا اني علي عماره سيدي
علي :هلا حبيبي علي لحضة افتحلك الباب قافلها
علي عماره براحتك سيدي
علي :لك صدك ابن حلال انت وربي جايبلي چااي هههه ولله مدلل الي يداوم وياكم
علي عماره :ع بختك بل عافية خلي الگلاص سيدي باجر عود اجي اخذه
علي :ماشي عمري ممنون
علي :الله وطماطه لاچعة وچاي هسا صدك تمام عوزهه بس صوت يارا ههههه
وبقيت اگلب بل مبايل الحد مصارت ساعة 6الفجر عاد گمت سبحت وبدلت وطلعت لازم اسوي تعداد قبل مننزل ونبدل وجبه
كملت تعداد وبدلت مدني ونزلت للبيت ولكيت امي وابوي ديتريگون بوستهم وتريكت وياهم وبقيت شوي اسولف وياهم
لان حيل مشتاقلهم 10 ايام مشايفهم واني احجي وياهم نمت مكعدت اله ساعة 12 بلليل نايم من ساعة 8:00 ولله گعدت عطشاان حيل لكيت امي تحضر بل عشا الابوي وكالت
امي : يله تعشه هاي كلها نوم لازم سهران وي الحب
علي :ااااااااخ يمه ياحب لا ماشتهي بل عافية اكلو انتم
امي :سلامتك من الاخ ياروحي شبيك يمه وجهك هم متغير خيرك يروح امك
يارا وين
علي :يمه ماكو واتصال هم ماكو ماعرف بس اخر شي تراسلنا امهه شاده وياها ومانعتهه مني وتحاربهه حرب نفسي هيه شلهه ذنب ماعرف واني شنو ذنبي الله كريم يمه ليضل بالج تعشو
باجر اروحلهم واشوف شكو
ابوي :وين تروح البيتهم؟
علي :يي يابه لعد وين قابل
ابوي :لا بوية ممنوع توصل بيتهه خلي تحس بغلطهه بحق جدك الله يرحمه وبحق خواتهه وبحق ابوك الي محترمته
وشوف انت ويارا شسوت بيكم وانت تكول اروحلها ؟
علي :يابه ولله ماكدر ع فراكهه تعبت ولا عبالك 6 ايام انقطع الاتصال وبقينة بس ع الرسايل نوب حتى الرسايل انقطعت ليش شنو ذنبنه الله هم ميقبل عليها ولله لو ما عمتي جان حجيت هل مادية هاي
ابوي لا وليدي عيب مهم يكون لا تحجي عليها وبعدين حقهه محد يجبرهه تتنازل
علي :يابه ياحق الله يخليك متكلي ياحق
اوووف استغفر الله خلي ارجع انام احسن
تصبحون ع خير
بيني وبين نفسي كلت لازم باجر اروح عليهم والي يصير يصير
وانت بخير
البارت الثالث حسب التفاعل
