تمر الحياه بين حلم وامنيه
ولايحدث الاماكتبه الله لنا
من عظيم الصبر كتم المصيبة حتى يظن الجميع أنك معافي
×××××××××××××××××××××××××××
البارت الخامس
بقلم /ياس خضر ابو علي
بل مناسبة هاذا البارت عن الأحداث الي صارت وياي بوقت احداث داعش في بيجي ال 8بيوت الي تفجرو بل صينية
///////////////////////////
بهل اثناء واني گاعد وي امي وابوي
وجان يتصلون علي من الدوام ياستار
ماعرف ليش هل مكالمة مارتاحيتلهه
سبحان الله جاوبت نقيب كرار ع الخط
الو كرار حبيبي شخبارك مشتاقلك يول
كرار :اني اشوق شخبارك علي شلون اجازتك ولو ملحكت تتهنه بيها ههه بس شنسوي هاذا دوامنة وحبيت ابشرك يا حبيبي انو لازم تبدل وتجي عدنة واجب
والوجبتين لازم تلتحق هسه واجب مستعجل
علي :كرار لا تشاقة صدك؟وبعدين الساعة راح تصير 11:00 وين اجي هسه يمعود
كرار :يي ولله اجانة امر من القيادة والواجب ساعة 12:00يله اخوي استعجل
علي :ماشي عمري ماشي شنسوي امري ال الله حتى اجازتي مارتاح ولو شرتاح الدوام يمكن احسلي يله خوية مسافة الطريق باي نلتقي ان شاءالله
ابو علي :ها بوية شكو وين بهل لليل
علي : ولله بوية هاي گدامك اجازتي وقطعوهه شنسوي امر بعد اروح والله كريم
امي :وليدي لا تروح امانة الله شو اول مرة گلبي ينعصر كول اي شي اتعذر لا تروح فدوه العمرك زين خليها الصبح اذا مقبلو المهم مو بلليل وين واجبك مكلولك
ابوي :شبيج ام علي گولي يالله شجاج تفاولين عل والد خلي يروح دوامة هذا قابل زغير روح وليدي توكل بالله وروح
ويحميك علي ويحفظك من كل شر وليدي طمني عنك اول بأول بالي راح يبقه يمك
صار بوية صار بس شبيكم اشو كلامكم غريب هل مره تحسسوني مارجع شكو
اشششش ياستار لتحجي هيج وليدي
يله اكوم ابدل من رخصتكم
بدلت وطلعت امي ذبت وراي مي وگالت ترجع بل سلامة ويحفظك من كل سوء يارب
فدوه الدعواتج يمة شيحميني غير دعواتج
ابو علي :ها ولك واني مادعيلك
ههههه بوية انت الشمعة الي منور طريقي ولله شعندي غيركم اريد من الله يحفظكم الي
امين وليدي يله اوصلك الراس الشارع اريد اتمشه شوي علي: حياك بوية يله بين مالكي تكسي بس خاف تعب عليك
