مشتاگلك گد تجاعيد الجلد يم عين أبوي....🖤
لا تقسى على نفسك مهم كبر حجم الهم
ولا تؤمن في شيء اسمه الخذلان لا تتوقف ابدآ اسعى جاهد من اجل حلمك
من اجل ماتريد من اجل حلمك لا تكن عاجز ولا تقف عند موقف معين او انسان معين كن كالدنيا لم تقف منذ ان خلق البشرية وهية تسير في طريقها مهم حصل
ولم يتغير شيء واسمها دنيا من الذي يتغير نحن نتغير بأسمائنا بأشكالنا بعقولنا
نحن البشر
نحن الناس
نحن عالم
نحن ذكر
ونحن انثى
نحن كل منا لهو اسم ولون وطبع وتفكير
وهيه بقيت دنيا لم تتوقف ولا تغيرت
خذ العبرة من الدنيا وكن قوي رغم الضروف
~•~•~•~•~•~•~•~•~•~•~•~•~•~
اسف ع التأخير بين بارت والاخ بس للضرورة احكام
البارت السادس
بقلم ياس خضر ابو علي
وماحس اله تراب شفت من بعيد يعني اجتي سيارات واني كلت اجو راح يخلصون علي ورجع اغمة علي
صحيت حسيت نفسي بسياره بل بودي لأن نخضيت بل طسات بين افتح عيني بين ما افتح افكر واني مغمض الدواعش اخذوني
زين شعجب مقتلوني او راح يعذبوني مثل الفيدوهات الي نشوفهه وبعدين يقتلوني استغفر الله ربي
الخاطر امي وابوي مو الخاطر احد نجيني رجلي الم موتني وماسمع شي ابد دايخ جوع هلكني شسوي ياربي ساعدني الخاطر گلب امي متتحمل ولا ابوي يحمل
بهل اثناء واحد ذب ع وجهي مي فتحت عيني بخوف باوعت مغوش شفت راسة مشدود بي شي اسود من الجفلة رجعت غمضت كلت دواعش وهوه مستمر يضرب وجهي راشديات قوي بهل اثناء اشاهدت وسلمت امري اله الله سبحان وتعالى
وفتحت عيوني ضليت صافن بس الغواش يروح
واذا الضحكة والدمعة سوه طلعن ومتتخيلون شلون فرحتي طلع الي يصحي بية معصب براية سوده بس مكتوب عليها ياحسين
يااابه متنوصف الفرحة طلعو الحشد الشعبي اريد اسيطر ع دموعي وضحكتي ماكدر وهمه اشوفهم يحركون شفايفهم بس كولشي ماسمع اشرتلهم ع اذني ماسمع شي همه ستغوبو اشرولي بأيدهم ابد اشرت ابد نهائي بعدهه اشرتلهم اريد مي انطوني مي خطية
واحد منهم باوع ع اذني كال اذنة بيها دم ويابس عليها انطوني مي اغسلهه هسه يسمع ولله عاد غسلهم صدك بديت اسمع بوحده بس صار بيها الم مو طبيعي بحيث الألم خلاني ارجع افقد الوعي
ورجعو صحوني كالو جماعتك وين اذني اسمعهم يكولون تنزف وهواي دم نزل
حجيتلهم الصار باوعت السياره نهايتهه بس جثث جماعتي كالو اكو بعد عدلين كلتلهم ماعرف كالو بيك بخت تتحرك جنت ولا جان وي الجثث ومنعرف بيك عدل كلتلهم اكو بيهم عدلين تره بس فاقدين كالو رايحين للمقر ونجيك لتخاف
كلتلهم سلاحي مبايلاتي وين ملكيتو شي كال كلشي موجود لمينة غراضكم كولها
رحم الله والديكم امي وابوي هسه يضل بالهم صار 3ايام ممتصل كالو هسه توصل وتخابر ودلل وين بيتكم كلتلهم بغداد كالو
ارتاح لتحجي وهاذ الشاش خلي ع اذنك لان تنزف ولتحجي ارتاح ولله عاد خليت الشاش وبين اغيب عن الوعي وبين اصحة
