لتنصدم بعمتها أمامها
بتول بتوتر : عمتى!!!!! احم ازيك
سارة عمت بتول : الحمد لله يا حبيبتى وحشتونى اوى انا جيت من غير ما اقول لحد عملتهالكم مفاجأة ايه رايك
بتول : من ناحية مفاجأة فهى مفاجأة فعلا
جورى : ازيك يا سرسور عاملة ايه
سارة : كويسة يا حبيبتى وانتى عامله ايه واحشينى اوى
جورى : اومال فين العيال والراس الكبيرة ايه شاف واحدة تانية
لتقهقه سارة وتضربها على رأسها بخفة : وهو يقدر انا بس سبقتهم وهما هيجوا بكره
الجد : لسه فاكره ان ليكى اب يا سارة
سارة وهى تهم بالوقوف لتعانق والدها وتقبل يده : هو انا اقدر انساك برده يا حاج دا انت القلب الحنين برده بس انت عارف شغل ادم ومدارس الاولاد واهو متزعلش يا سيدى انا جيالك بخبر حلو سامر هيتجوز قريب اوى عشان كده قولنا بالمره نعرفكم عليها ويخطبها هنا في مصر وادم قال لاخوه اكرم عشان يجوا هو وعيلته.
* ملحوظة ( أدم الدمنهورى زوج سارة الديب ولديه أخ يدعى أكرم الدمنهورى زوج رحمة درغام عمة آسر ،أدم لديه ثلاثة أبناء إلياس فى نفس عمر بتول وسامر فى عُمر 26ومالك أكبر من إلياس بسنه )
الجد : ماشي يا حبيبتى الف مبروك لسامر هو فين عشان اباركاله
سارة :. هيجوا كلهم بكره مع ماريا دا اسم البنت اللي سامر هيخطبها.
فى فيلا درغام...........
رهف : معلش يا بابا بس انا لازم امشى النهارده هرجع بسرعة صدقنى خلي لمار هنا.
درغام : وليه عاوزه ترجعى بالسرعة دى
رهف : هاجى تانى اصل حصلت ظروف هناك ولازم ارجع
زكرى : خلاص يا حبيبتى متزعليش و متقلقليش على لمار
رهف : حاضر يلا مع السلامة.
لتذهب رهف وابنتها وتعودا لزوجها وتظل لمار
درغام : عمتكم رحمة اتصلت وقالت انهم هيجوا بكره هى وجوزها أكرم الدمنهورى عشان خطوبة ابن أخوه أدم الدمنهورى
أسيل : يعنى جورى هتكون هناك
درغام : طبعا مش إبن عمتها
أسيل بفرحه : اشطا انا هروح اشترى فستات سلاموز جميعاً.
يحيى : استنى انا هاجى معاكى وانتى يا لمار مش هتيجى تشتريلك حاجة انتى كمان هتحضرى.
لمار : لو معندكمش مانع
أسيل : طبعا لا يا بنتى وأنت يا آسر مش هاتيجى.
آسر : لا روحوا انتم.
أسيل : اوك سلام
ليذهبوا لشراء الملابس والمستلزمات ويتصل آسر بأصدقائه للذهاب لشراء الملابس
آسر : اشوفكم هناك سلام
ليذهب آسر للمكان المتفق عليه
عند بتول
جورى : مش هتيجى نشترى كام فستان نعلق بيهم الثرى العربي.
بتول : بس انا لسه شاريه ولا اقولك يلا نتدلع شوية
جورى بفرحة : الله عليكى يا فنانة.
لتذهب بتول وجورى لشراء الفساتين
فى المحل
بتول : جورى ايه رايك
جورى : لا لا قصير اوى شوفي غيره وانا هروح اجرب دا.
بتول : وانا عجبنى دا
جورى : اشطات يلا نجرب
لتجرب بتول شئ آخر
بتول : جورى ايه رايك جورى جورى انتى يا بت راحت فين البت دى
........: لا مكشوف اوى كل حاجة واضحة ومتقسمة تحبي اقولك لابسه اي تحته.
لتلتفت بتول لمصدر الصوت
بتول بإستهزاء : أنت ايه اللي دخلك قسم السيدات اصلا وانت مالك مكشوف ولا مش مكشوف.
آسر وهو يقترب منها حتى لا يفصل بينهما سوى بعض سنتيمترات : أنتى ماسمعتنيش جربي واحد محتشم غيره يلا.
بتول بتوتر : ابعد عنى لتدفعه وتأخذ أقرب فستان وتذهب لتجربه
ليبتسم على تصرفها ويهم للخروج لتأتى جورى
جورى : بتول ايه كل دا مكنش فستان هنقعد بيه طول اليوم.
بتول فى نفسها : يا ربي كنت هموت كان كان قريب اوى وبرفيوم اااه ركزى
بتول : خلصت اهو
جورى : بس دا مكنش الفستان
بتول : التانى مكشوف اوى ايه رايك في دا
جورى : ربنا يكملك بعقلك يا حبيبتى يلا ندفع حسابهم
