انا و حبيبي و اختي

الجزء 26

- وهسه مادام حنزوج ف تسويلي كلشي من جديد
تطلبني من ابويه وعقد محكمة و نيشان و مهر جديد مقدم و مؤخر
مثل ما اخذتني اول مره
شكلت ؟؟

- ع كيفج ويايه تعرفين الي بجيبي الج يا يوم قصرت وياج اني

- السالفه مو فلوس غيث
بالوقت الي جان الانتقام ماكل عقلك اني تعذبت و انهانيت و انطردت
واهلي شافو و سكتو بس علمود احافظ ع بيتي و ابني و احافظ عليك
ارجعلك هسه بيا وجه ؟ بشنو اواجه الناس الوكفت ويايه ؟
ثانيا هذا حقي اهلك ماعيش وياهم بعد لو مدري شيصير
و زواجنا الثاني حته يعرفون الي بينا حب و زواج حقيقي مو لعب
و ما اخذتك من اماني مثل ما رح يكولون الفتره الجايه

- ممم اوك اماني موضوعها منتهي رح اعوفها و ...

- لحضه لتعوفها هسه

- الصبر يارب شتردين انتي

- لازم امهد الموضوع لاهلي و اهلك هم يعرفون بس كلشي ع كيفنا تحملني شويه شصار😭

دخن باكيت جكاير اني و داسولف

بقينا نتناقش وافق ع طلباتي كالي كل هذا ماعاجبني بس حسوي علمود ترتاحين

اتفقت وياه نضم رجعتنا عليهم الفتره هاي لما نقنعهم يله نكولهم رجعنا