وصلنا عالشارع دنريد نعبر سمعت احد صاحني باسمي
نداريت ابويه نازل من سيارته ليغاد مشه ديجي علينا
!!!!!
- ب ب بابا !!
مازن : اهلا بيك عمو .. مينا جانت مضايقه من ضغط الدراسه و هالسوالف كلنا نغير جو بره الجامعة
بابا : مفهوم مفهوم
مازن : خليني اوصلكم عمو
بابا : سيارتي ويايه مايحتاج
خنزر عليه خنزره كصتني كص سبقته رحت صعدت بالسياره
اجه صعد يمي و ساق ماحجه ولا حرف
ولا اني عندي جرئه احجي
وصلنا للبيت نزلت من السياره فتت للبيت امي واكفه بالكراج تدك عليه
اول ماشافتني : معزايه وينج هلكت واني اخابرج ليش ما .....
بعدها مامكمله الجمله شافت ابويه دخل ورايه
فتحت عينها وسكتت
طبيت جوه ركض لغرفتي من فشلتي ماكدرت احط يعني بعينهم
ابويه صاير نار جمره مافتح حلكه حته ويه امي
بقيت قافله ع روحي الباب بجيت لان قهرت ابويه
البيت هدوء مو مثل كل يوم ضحك و سوالف
ريته ضاربني مطلع قهره بيه ولا ساكت هالسكته
مازن دك عليه الف مره مارديت
مددت غفيت شويه كعدت العصر ع صوت دك الباب
كمت فاتحه تك عين فتحت امي و شيرين
أنت تقرأ
انا و حبيبي و اختي
Romanceشابة عراقية تحجي قصه حبها 🤎💚💛 القصة صراع بين اختين الجرئه والحقد و الى وين ممكن يوصل بينا ! القصه حقيقية 100% ✅ و جريئه 🔞 اتمنى اللي مايحب الجرئه بالقصص ما يدخلها ❌
