If I Stay

22-PENTOBARBITAL

Declan's POV

"Arthur."

Bahagya akong napaungol. Nararamdaman kong may tumatapik sa pisngi ko.

"Arthur. Okay ka na?"

Babae. Boses babae. Shit. My head. It was like splitting ni half. Ano bang nangyari?

Nagmulat ako ng mata at nag-aalalang mukha ni Stacey ang bumungad sa akin. Saglit ko siyang tinitigan. Nakatingin lang din siya sa mukha ko. Tingin ko ay worried siya. Bahagya akong gumalaw at ramdam kong tinulungan ako ni Stacey.

What the fuck happened to me?

Then I keep on remembering what happened. Stacey invited me here. We were drinking. Beers and vodka. She was dancing wildly. She bumped the boxes. I saw gun parts. Guns. Napatitig ako kay Stacey at nag-aalala pa rin ang hitsura niya.

Nanlaki ang mata niya nang bigla kong hawakan ang kanyang leeg at isinandal ko siya sa pader. I know what I saw. She was hiding guns inside her house.

"A-Arthur, nasasaktan ako. Ano ba?" Naiiyak na ang hitsura niya at pilit na inaalis ang pagkakahawak ng kamay ko sa leeg niya.

"You fucking drugged me? What did you do to me?" Nanlilisik ang mga mata ko sa kanya. Imposibleng malasing ako sa ilang bote ng beer at isang shot ng vodka.

"Ano? I-I didn't do anything. A-Arthur, you are hurting me." Tuluyang ng napaiyak si Stacey at inaalis ang kamay ko. "Please, don't hurt me."

Pero lalo ko lang idiniin ang kamay ko sa leeg niya. Napapikit na siya sa takot.

"You drugged me. I saw guns," nilingon ko ang mga nakakalat na partes ng baril na galing sa kahon at naroon pa rin ang mga 'yun.

"G-guns? Wala akong baril. Hindi ko alam gumamit ng baril. Hindi pa nga ako nakakakita ng totoong baril. Arthur, huwag mo akong saktan. Wala akong ginawa sa iyo," patuloy ang pagtulo ng luha sa mata ni Stacey.

Tinanggal ko ang pagkakahawak ko sa leeg niya pero iniikot ko ang buong braso sa leeg niya at nilapitan namin ang partes ng baril na nasa sahig.

"Ano 'to? These are gun parts." Itinuro ko sa kanya ang mga partes ng baril.

Napahagulgol si Stacey. "Those are parts of a toy gun. You can check it. It's for my son."

Pakiramdam ko ay binuhusan ako ng malamig na tubig sa narinig kong iyon. Tinanggal ko ang pagkakakawit ng braso ko sa leeg niya at dinampot ko ang partes. Magaang. Halatang yari sa plastic. Binuksan ko ng tuluyan ang kahon at tumambad sa akin ang ilan pang parts ng toy gun.

Toy gun? Lumayo ako kay Stacey at talagang hinalukay ko ang laman ng kahon. I saw pellets na ginagamit na bala sa toy gun. Naroon din ang ibang mga naka-kahon na laruan. Toy cars, robots. Tinapunan ko ng tingin si Stacey at halatang natatakot siya sa akin habang hinihimas ang leeg niya.

"Why do you have this? Don't you know na ang ganitong klaseng toy gun ay ikinukuha pa ng permit?" I wanted to punch myself. Fucking toy gun. I almost killed someone innocent because of a fucking toy gun.

"I didn't know. Ipinapabili lang 'yan sa akin ng anak ko. I saw it from the net and I ordered it. Hindi ko nga alam kung paano ko i-assemble 'yan. That was my first time to saw a toy gun like that," napahagulgol na naman si Stacey.

Napahinga ako ng malalim at napailing. Kumakalma na ako.

"Why did I pass out? Did you put something in my drink?" Naging alerto na naman ako at talagang binabasa ko ang reaksyon ni Stacey.