وحين يجمعنا القدر / الكاتبه ريمان المندلاوي

البارت العاشر

وحين يجمعنا القدر /الكاتبه ريمان المندلاوي

البارت العاشر
هلاو حبايبي اني كولش اسفه اتاخرت عليكم بس جان عندي ضرف  جان  مالي واهس اكتب  اي شي ورمضان بس ان شاء الله حرجع انزل استحملوني احبكم  لتنسون ارائكم جوه وتصويت لان ذني يشعجني اكتب شكد متصورون ريمان المندلاوي ..

عندمـآ يصـعب عليه آمـتلآگگ
سـتگونين آولى آهہتمـآمـآته ..
ومـآ آن يضـمـن بقآءگ بجآنبه
حتى تگونين في آلدرگ آلآسـفل مـن قآئمـته
هہگذآ هہوآ آدم 🙂💔

جدهم :طبعن مانجبير احد
لينار :باوعت لابويه وضحكت كتلهم لا بابا ميجبرني على شي وحجيت ويا وانطيته جًوابي وشاورت سامر كتله موافقه وبابا هم كذالك ورحت بس نفس بالكوه اجره احس هاهيه انتهيت فتت للاغرفه مالت النيوان وكتلهم وافقت الكل باركولي 
ام لينار :ماما انتي واثقه من الي تكولينه
لينار:ايي ماما قابله هاهيه بابا قابل وسامر همين ماكو داعي ماوفق وانتو تكولون يدللون المره ويحبوهه هاهيه
ام لينار:الله يتتم ع خير بنيتي واشوفج اسعد وحده وعلي مبين خوش رجال والكل تتمنا
لينار ؛ايي ماما اريد انام تعبانه وراسي يوجعني كولش
بيبته علي:لا لا ماكو نوم تعاي اصيحولي عليوي ابو المشاكل وليله اريد واحد يكعد كبال لاخ  انا صح اريدهه لعلاوي صير بس مادخل خطيتهه باجر ورانه حساب اريد اسمع الموافقه منهم وهمه كاعدين سوه
لينار:ماكو داعي بيبي اني موافقه وهوه موافق بعد شكو
بيبته علي:شككا بعينج ولج اكو واحد يكول لبيبته شكو الكل يطلع صيحو علي
ميس:هسه بيبي اصيحه
ميس: والله يالله شايفه نفسهه هاي نوب بت بغداد علينه امشي وادردم شفت مازن كتله صيح علي من ديوان بيبي تريده
مازن :هسه بعيني
مازن طبيت لديوان وكلت لعلي خويه بيبي تريدك شوف شتريد منك روح
علي:شبيهه خومابيه شي مازن:لا ان شاء الله خير روح انا اسد مكانك يله اخوي
علي: ماقصرت ابن العم هسه رايح
علي: جنه كاعدين بديوان واجه مازن يكول بيبي تريدك  رحت اشوفهه وشفت ميس واكفه  بالباب كتله وين بيبي
ميس منتضرتك جوه علي:ماعرفتيهه شتريد
ميس:لا ماعرف
علي :ان شاء الله خير
ميس:اني جذبت ع علي لان بيبي كالت لتكلوله
علي:فتت ولكيت بيبي كاعده ولينار  وامهه وامي  ومرت عمي  ام مازن بست راسي بيبي وسلمت عليهم ها بيبي خيرج كالو رايدتني
ايي بيبي رايدتك  بشغيله  اكعد يمي اسولفلك
علي:لا ماكدر خليني واكف واباوع لينار صفح
لينار:باوعلي صفح رفعتله حاجبي اني من نوع من ارفع حاجب اضوج المقابل حسيته وجهه تغير
بيبته علي: اريد المل يطلع بس انته تبقه وليله اذا امهه تقبل طبعن واذا ماتقبل تكعد يمنه هم حقهه بنيتهه هاي   ام لينار:لاعبني حجيه هم بنيتكم هاي وراح صير زوجة لعلي
بيبته علي:بارك الله بيج
علي :طلعو وبقينه بس اني وبيبي ولينار
بيبيت علي: ها ليله عندج شي تكولينه لعلي وانته هم علي
لينار :لا ماعندي شي
علي:عندي اني ام ضياء :شعندك كول لا تستحي واذا تريدون اطلع اني واحجو ع راحتكم
علي :ايي بيبي اريد احجي وياها ع انفراد بس كلي لامهه
ام ضياء: ايي بيبي راح اطلع واكول لامهه بس هتف ليله متقبل
علي: قابل شكو راح اكلهه لتخاف  بس اذا تخاف مني  ابقي يمنه
لينار: حسينه يستفزني من يكول تخاف عباله اخاف منه
لا ماخاف قابل شكو
علي:بيبي طلعت بقت اني وياها
ام ضياء  طلعت وصحت على جنايني يودن ام لينار يشوفنهه لبيت كله ولا يكلهه علي ولينار بقو لو حدهم ردتهم ياخذون راحتهم وخاف ماتقبل
ام علي: ماشي عمه راح اخذهه
علي: ها عندج شي تحجي
لينار :كولشي ماعندي
علي:باوعتله من فوك ليجوه كتله ماتسوين صيرين مره لعلي لينار :محد ظربك ع ايدك كول ماريدهه
علي: لازم رايدتني انتي ليش ماتكولين ماريده
لينار :ماكدر اكله ماريدك بودي اصيح بوجهه اكه ماريد بس ابويه اخ ياابويه كتله اني احترمكم لان طلعتو اخويه
وساعدتونه
علي: حاجبج لتعرفينه بعد لا ازينلجيا
لينار : رفعت حاجبي اعناد بي🤨 تقرب يمي صار حيل قريب يعني شبر فرق بيناتنه اني ضليت ادمع وعركت من الخجل وبيه طبع ماباوع بعين احد وهو قريب عليه
علي: ايي بله باعيلي وارفعي حاجبج اريد شلون ترفعينه
لينار: مو خوف منك بس اني مابوع بعين شخص قريب عليه 
علي: قربت ايدي ع حواجبهه غمضت عينهه بقون وتكلي وخر من يمي لا اصيح
علي: حتى اذا صيحتي محد يطب لان يعرفوني شنو
لينار:وخر مني شترديد مني انته
علي: غير اتفحصج قبل زواج خاف عاويه ماتفيديني
لينار: عاويه شنو شبيك انته وخر اريد اروح لامي وخر ايدك من حاجبي
علي: اريد افكر علمود من ترفعيلي حاجب اشوف منين ازيلجيا
لينار :ماشي بس وخر
علي ؛ وخرت عنهه شوفي اذا مرفضتي راح تتندمين طول عمرج ع كلمه موافقه
لينار : ايي بس اريد اطلع طلعت وكلبي يدك سريع بس اباوع بالوجوهه اريد امي وهوه يضحكن عبالهم مسويلي شي شفت امي رحت شبكتهه
ام  لينار :شبيج يوم ليش هيج مفرفحه
لينار :ماكو شي بس اشتاقيتلج
ام لينار : اي يوم تفاهمتي انتي وعلي  لينار : علي طلع من الغرفه يباوعلي ويضحك شاورتهه فوك افهمج خلي نصعد هسه
ام لينار ايي يوم امشي روح
لينار :صعدت قبل ماما وكلبي بعدهه يدك اني عند ضيق بنفس خاصتن من اكون بمكان ضيق او بغرفة مسدود الباب  فتت للغرفه ونتضرت امي صعد سامر شبكته وضليت ابجي
سامر : شبيج شكو ليش تبجين
لينار :اهى اهى 😭😭😭مشتاقتلك هواي
سامر :يمج اني لتخافين ماروح اعوفج بيوم
لينار : حبيبي فدوه اروحلك شوكت نرجع لبغداد
سامر  : ان شاء الله بس تكمل الخطبه نرجع
لينار :ايي روح جيب علي اريد اسبحهه
سامر :نام عفته يم ابويه
لينار : ماشي لعد  افرشلك ترتاح
سامر : لا زحمه انام اهنا بنصهم انام بره لو بديوان
لينار : لا يمنه نام
سامر :لا حبيبتي ميصير والله عيب هم عدهم بنات طاب طالع ميصير
لينار :ماشي روح بسته ونزل واني طلعت ملابس اسبح
صحت حنان علمود تبقه واكفه بالباب وانس اسبح
لينار : حنان بس عادي باب الحمام اريد اسبح
حنان :بعيني بس ماكو احد واذا تريدين تعالي بيت خالتي همه يمنه جوه اسبحي واني اناضرتج محد بيتهم وره بيتنه
لينار :ايي لعد يله امشي روح
حنان امشي جيبي غراضج ولبسي جبه اي شي وتعاي نطلع منتضرتج وره البيت
لينار :ماشي بس اكل لاهلي نزلت اخذت غراضي  وكلت لماما وكالت ماشي
رحنه اني وحنان  لبيت خالتته  فاتت قبلي كلتلي فوتي ماكو احد لتخافين اني يمج لينار لا ماخاف بس اقفلي الباب فتتت للحمام ضليت ابجي وكاتمه صوت البجي بس احس خنكه بصدري اريد اصيح اطلع الي بكلبي سبحت واني دموعي بعدهن لان ماردت هاي الحياة ولا حلمت بيهه راح اموت يالله ساعدني خلصني منهم 
خلصت سبح دا اخذك ملابسي زكلت وكعن بالمي ضليت ابجي بزايد خليت المنشفه ع حلكي وابجي احس حتى ملابس ماكدر اشيلهم
لينار : مسحت دموعي وكلت لحنان جيبلي ملابس ايي شي لان مجبت اني والقديمات غسلتهم وياي
حنان :ماشي اروح بس تبقين وحدج شلون
لينار : اقفلي الباب واخذي المفاتيح وياج
حنان ماشي لتخافين بسرعه اجي
حنان :طلعت وشفت علي كبال الباب
علي:ها وجنتي بهل ساعه 😠
حنان : ها مو لينار رادت تسبح واخذتهه لبيت خالتي ورادت ملابس اجيبلهه من البيت فراح اخذ ملابس وارجعلهه
علي: وشلون تعوفيهه وحدهه غبيه انتي بيت ماتعرفه وهي مانعرفهه
حنان :ترا مو  غريبه مرتك راح صير
علي:تبقين بغباءج راح اروح  الباب انتضر ج مال بيت خالتج
حنان :ماشي اخذ مفاتيح افتح الباب بين ماجي
علي:انطيني
لينار :كولش خفت اني حتى مانام وحدي بالغرفه اخاف وهسه بالبيت وحدي لبست ملابسي الداخليه ولفيت الخالولي ولبست الجبه فوكاهم وكعدت بصاله انتضر من الخوف
اسمع صوت مفاتيح صحت حنان هاي انتي
ماكو صوت شفت من الشباك ضهر رجال كولش خفت اخذت  كلاص جان كبالي وفتت للحمام   الحمام  قفل مالتهم مو قري قديم قفلته وبقيت ساده اذني وادعي
علي:فتت ماكو احد هاي وين بس لا نهزمت
لينار لينار ضليت اصيح انتي موجوده ماكو دكيت باب الحمام ماكو صوت هاي بس لا انتحرت والباب مقفول 
علي :دفرت الباب واسمع عيطه وشي نكسر
لينار : سمعت احد يصيح بسس ممركزت احس اذني من كد ماضغطت عليهه ماسمع شي ماحس اله الباب اندفر شمرت الكلاص رئستن وضليت اعيط
علي: جيت سديت حلكهه فضحتينه شبيج اني علي 
لينار : بس دموعي واحس اختنكت  ضليت ارفس بي اريد اكله اختنكت ماكدر دفعته وطلعت  بصاله كعدت واتنفس مي مي اريد مي  .....جاري التكمله