مرجانة فبلاد سبع رجال (متوقفةحاليا)

🍁part:5🍁

Ou kima wa3dtkoum wfit bwe3di
مهم مغانبقاوش عند مرجانة فلمدينة تو تو غنمشيو لقبيلة نوار شمس
ملاحظه:راه بلاد سبع رجال راها بحال سلا رباط او مراكش او فيها قبائل صغار اووكيما كنقولولم دواور او قبيلة نوار شمس هي قبيلة من لقبائل لي كاينة فبلاد سبع رجال ملاحظه اخرى قصة بلاد سبع رجال قصة خرى ولكن بحال مرجانة مهم منطولش عليكم نخليكم تبعو لقيصة باش تفهمو علاش هضرت فنوط .
"لقبيلة نوار شمس"
هي واحد لقبيلة لي ناسها معندهومش او مخاصهومش جامدين الله او شاكرينو يشوفو نعمة أو يقولو شبعنا او يبوسو يديهم من لور او من لقدام على نعمة لي جابت او فواحد دار لي من دون ديور صغيرة مبنية بتراب او فيها صقف من لقزدير واحد لبنت سبحان من سواها زينها فتان ولكن منين كتشوف فعينيها كتلقا هم او غم كانت كتشطب او تغزل او تسرح او تحطب او تطيب اوتشقى أو مزال مرات باها عقيسة طالبة كتر
باها ماكدرش يهدر حيت تهد بلمرض او عقيسة كتهددو باش تخرجو هو وبنتو دخلات عقيسة من سوق او قالت
عقيسة:اديك لمسخوطة وجدتي لغدا او سرحتي لبهايم ؟!؟
رمانة:ايه اخالتي فقت صباح قبل من لفجر او مشيت حطبت او سرحت او سقيت او رجعت طيبت ليك لفطوووور او منين خرجتي غزلت صوف او قاديت زربية او صاغبت لغدا
عقيسة:اوا مالك ماسيقتي دار كتسنايني نجي نسيق ولا شنو
رمانة:حاشا اخالتي هانا غنوض ناضت مسكينة او هي ربي لعالم بيها باش تسيق ناضت أو بدات تسيق گلسات تستارح ولكن عينها غفات شافتها عقيسة او قالت او هي كتغوت
عقيسة:اديييك اه نوضي شوووفي شي شغال مينفعك او نتي دايرة كديك سلوگي غير محطاااااا انوضي واش مكتسمعيش
ناضت رمانة قافزة او معرت ربي باش بلاها بقات كضور عينيها حتى لقات عقيسة مخنزرة
رمانة: ها.... نعام اخالتي 
عقيسة: ماشي مك ماتت او انا نوحل فيك يخ گنس ناقص لسان ماضي او دراع گادي (رآه نتي لي لسان ماضي او دراع كاضي اما هي دراع ماضي او لسان گاضي 😠😠)
رمانة: شنو ندير اخالتي
عقيسة:نوضي غبري كمارتك منشوفكش كادوري هنا يلاه تحركييي
ناضت رمانة او هي حانىة راس او هي لابسة واحد دربالة خرجات من دار مشاتوجيهت لغابة كتلعب او تجري او تضحك رمانة هو نهار لكبير منين كتقوليها عقيسة غبري سيفتك
گلسات وسط جنانات مسرحا أو بدات تدوي
رمانة:اه يا مي مشيتي يامي مشيتي او خليتني صارحا مكدبوش فاش كتمشي لحنينة ما بقاش وسادك يد حنينة كتولي وسادك دص لبارد اه يامي تعالي او طلي على با لكان داير لهيبة او شأن تهد او ولو لوليات يحكمو فيه اه يامي فين يامك امي هئ ه‍ئ هئ او توحشتك الحنينة امي رآه محرهتش نتبعك (اوا فين اوا غادا مزال خسك تصبري على خبي تك تطيب 😢)تنهدات او مشات جيهت لواد لماه صافي يشهي حيدات حوايجها كاملين او غطسات خرجات من لما بحال لحوريا البحر(راه ماشي بحالنا كنهبطو لما كنونو فاتي غير كنطلعو كنوليو بو شتي le pére de la pluie 😂😂اماديوش عليا رآني حمقا شويا الله يكون فلعوان 😝😝)طلعات خرجات من لما او لذسات حوجا شذات طريق دار
انمشيو لبلاصة خرا فلمدينة او بضبط دار مرجانة
ملحوضة:رآه منين نقول لمدينة يعني فين كاين لقصر ديال مولاي سيف الدين
فدار مرجانة كانت لآلة خدوج حاطة يد على لحنك او كتخمم
دخل تاجر جعفر دور عنيه شاف مرتو فهاد لحالة او قال
تاجر جعفر: لآلة خدوج مزال منسيتي ا صافي شتي وردة مشات صافي باح
لآلة خدوج:هاديك رآه كبدتي ترزيت فبنتي اعباد  الله هئ هئ هئ
تاجر جعفر: الله يهديك يا هاد لمرا بسباب طيش والدينا  ترزينا فكبدتنا ولكن غندخلو فقضاء الله اوا الله يرضي عليك صافي نساي
لآلة خدوج:ردينا بلهم او لهم مارضا بينا
تاجر جعفر:لحولة ولا قوة الا بالله العلي العظيم
نمشيو عند رمانة لي وصلات لدار مع مغيب شمس دخلات لدار طرفات شربيلها البالي او مشات دخلات لبيت عند باها باستاو يدو او گلسات تحتت معاه دخلات عقيسة لبيت عندهم او لغات
عقيسة:ابنتي لحرام نوضي تگعدي ديري لعشا او نتي گالسا تحتتي يخ گنس قصيف تفو
ناضت رمانة موكلة أمرها الله گادات لعشا او عيطات عليهم گلسو تعشاو او مشاو ينعسو
نمشيو لمدينة او بضبط فلقصر ديال مولاي سيف الدين فاقت مرجانة مع اذان الفجر أو بدات تصاغب ها لملاوي ها لفقاص ها كيكة ها رغايف ها لبض بالخليع مجات تكمل حتى كانت تمنية ديال صباح او ريحة شهية مالية لقصر گادات كولشي فبلاطو او هزاتو او سولات وحدا من لخدم توريها بيت سيف الدين وراتليها لبيت او رجعات بحالها دقات دقات خفاف حتى سمعات دخل عاد دخلات و لمفاجأة انو سيف الدين كان خارج من لحمام دخلات غير شافتو او هي تعطيه بدهر
مرجانة:ا...ا سمحلي...مكانش ايسحابلي اتكون خارج من لحمام
سيف الدين:(بصوت صارم):دوري يلاه
مرجانة:ولكن نتا م..م..ملابسش
سيف الدين:(بالغوات)قلت لييييك دوري
دارت مرجانة بشوية
كان سيف الدين مزال لابس فوطة او مدورها على خسرو (احححح كان سو سكسي)بقات كتبلق فعينيها او هو ينهض فيها
سيف الدين:حطي ديك صينيا او صبري
مرجانة:واخة
سيف الدين:(بنهضة)سيف الدين حرفيا مكاين لا سيدي لا مولاي
مرجانة:سيدي او مولاي هو الله او نتا واحد من ايها ناس منتا سيدي منتا مولاي او هادشي هدرت فيه
سيف الدين:مولاك او سيدك بسيف عليك ولا حسبي والديك تنفاو لشي قرينا
مرجانة شدات لبكية او هبطات ديك الاحساس ديال لحگرة او ضلم او قالت او هي معندها حتى شي ختيار
مرجانة: واخا امولاي
گلس سيف الدين بنخوا او همة او گال فطرتي
مرجانة:مزال
سيف الدين:اوا شكاتسناي گلسي فطري
بقات مبلگة عينيها او هو ينهض فيها
سيف الدين:گلتليك گلسي
گلسات بدات كتاكول بشوية عليها شبعات اوورجعات لور سالا سيف الدين او قال
سيف الدين:نوضي دي ها دشي او منين تسالي طلعي عندي يلا تحركي
ناضت مرجانة او هزات لبلاطو او خرجات نزلات حطات لبلاطو او هي طالعا تلقات مع واحدة من عائلة سيف الدين او هي تقول هاديك لبنت
خناتة:اديك لخدم فين طالعا
مرجانة:(مطلعا حاجب او منزلا لاخور)معايت هاضرا ؟!؟
خناتة:او كاين شي خدم من غيرك هنا
مرجانة:(او هي معصبا):نعام نعام مسمعتكش مزيان
خناتة:اديك لخدم فين طالعا (او هي دايرا ابتسامة استهزاء او نضرت احتقار)
مرجانة:اول حاجا انا ماشي خدم تاني حاجا انا هنا طباخا امولاي سيف الدين او تالتا ماشي سوقك نطلع او نهبط
_______________________________________

__________________________

_________

 

عرفتكم معرفتوش شكون رمانة ولكن راه نقطة نقطة كيحمل لواد اوا تحنا دقا دقا اتفهمو او رمانة تاهيا بطلا

ڤوط+كومنت=بارت جديد
طنحبكوم ⁦❤️⁩ موت فريزاتي 🔥🍓

مرجانة:سري بحالك وا عصبتيني
الكاتبة:آمالك اديك ا
مرجانة: اميلك جنابك ايخخ وا سيري بحالك
الكاتبة:وا صافي هانا غادا بلا دفيع
😝😂😂
(الالا غلسي فدارك تاتفوت هاد الجائحة او خرجي)على طريقة صلاح الغوماري
يلا بييييس كنلوڤيكوم
See you later byyy👋👋