مرجانة فبلاد سبع رجال (متوقفةحاليا)

🍁 part :13🍁

هيلو هيلو فريزاتي🍓🍓 هانا زيت سمحولي محطيتش كونت خارجا هاد نهار داكشي باش
_______________________________________
دار مهتدي بالله  عند حليمة او  حنى راسو دور راسو كيقلب على شمس ضحا مي ملقاهاش دار عند عماد الدين
مهتدي بالله:عمي عماد فينها شمس ضحا ؟؟؟
عماد الدين:احم ها هي
ضار مهتدي بالله فين عماد الدين حتى كيتصدم  بأنثى لابسة درع حديدي او هازا معاها سيف حيدت الخودة ديال درع او بان شعرها الأشقر شافت فيه او قالت مرحبا مجددا فمملكتنا واخة معقلتش عليك بتاسمات او دارت داخلة بحالها مهتدي بالله تصدم مسكين كان كينتضر أنه يلقا أنثى بالقفطان هازا  تمر او لحليب بش تستقبلو ولكن خاب ضنو
عماد الدين:ههه مهتدي بالله ولدي تفضل مهتدي بالله فاق من صدمة
مهتدي بالله:ها...اه واخة شكرا دخلو او مشاو وگلسو فصلون كبير بلدي جابو لخدم ضيافة او گلسو يهضرو او ياكلو من ضيافة لي محطوطة فوق طبلة
لفوق:⏫
دخلات شمس ضحا لغرفتها او لقات ميمونة واقفة كتسناها
ميمونة:لآلة شمس لحمام واجد ندخل تعاونك الآلة
شمس ضحا:لا صافي غندخل ندوش راسي ونتي سيري وجدي لي لقفطان لكحل لي يلاه جاني
ميمونة:ولكن
قاطعتها الشمس او هي داخلة لحمام: مكاين ماولكن سيري وجدي لي قفطاني لكحل دخلات دوشات دوش خفيف ضريف او خرجات لقات ميمونة مكيناش او لقفطان فوق نموسية مشات لبسات سليب او سوتيام(واخة مكانوش شحال هادي مهم)او زادت من فوقهوم ديباردور او شورط ديالو او لبسات القفطان ليجها فن او غزال مشات جيهة ديال سباني او هزات سبنية گري او شربيل اغجونطي مشات لقدام لمرايا هزات لكحل او كحلات عينها لعسلين لي مسلين لصفر او هزات لعكر الفاسي أو دارت لفمها شوية او زادت شوية فحناكها شافت راسها أو دارت براسها بوسة فلهوة مشات حلات لباب لقات ميمونة كتسناها شافتها او تبسمات ميمونة: تبارك الله  او مشاء الله عين الحسود فيها عود بتاسمات شمس ضحا او قالت
شمس ضحا لواه متزديش فيه هههه مهم يلاه اميمونة نهبطو
هابطين او ميمونة كتقرا عليها لقران هزات شمس ضحا يديها كعلامة باش تمشي ميمونة او شمس ضحا كملات طريقها بوحدها وصلات لباب ديال صلون حطات بلغتها هز مهتدي بالله عينيه او سهى فلجمال الرباني لي قدامو كملات طريقها گلسات قدام عماد الدين او قالت
شمس ضحا: عماد الدين حشوما متسنيتونيش عاد باش حطيتو ضيافا او عارفيني من سان كيكون فيا جوع مورا تدريب ديال سيف او لقانون ديال الاتيكيت(رآه هادشي لي غنقول مامنو والو غير جات فبالي او گلتها مهم)كيقول ملي كيحبس ضيف كولشي كيهز يديهعلى طبلة اولا احليمة 🤨
حليمة لي كانت غتهز فقاصا حطاتها او رجعات حمرا او مرداتش قدام مهتدي بالله هزات جلايلها او خرجات من صالون او عماد الدين لي تصدم معرف مايقدم ولا مايوخر ناضت شمس ضحا او جات قدام مهتدي بالله او مدات يديها او قالت
شمس ضحا: مرحبا بيك شحال عماد الدين عاود لينا عليك أنا شمس لبنت صغيرا ديال هاد لقصر او كنتمنى تكون ضيف خفيف ضريف
تصدم مهتدي بالله ولكن من لباقة مخصكش تخلي يد ديال شي حد ممدودة ليهادا ضطر أنه يسلم عليها او قال
مهتدي بالله:اممم على حساب واش غنكون خفيف ضريف  ولا لا  ولكن أنا لگلسة عند عمي عماد الدين كتعجبني داكشي علاش غنطول إن شاء الله
قلبات شمس ضحا عينها اوحيدات يديها من يديه او قالت
شمس ضحا:اوا نتمنى تعجبك ضيافا ديال لقصر او بضبط ديالي غمزاتو او كملات ... ميمونة اميمونة
جات ميمونة كتجري
ميمونة: نعام الآلة
شمس ضحا:اجي هزي هاد ضيافا أو حطو لغدا فطبلة لكبيرة ديال لمكلة او هانا تابعاك
دارت عند مهتدي بالله او قالت
شمس ضحا: مرحبا بيك مرة خرى
او ناضت لبسات شربيلها او تبعات ميمونة لكوزينة دخلات او قالت
شمس ضحا : ميمونة حطي كولا واحد فطبسيلو او طبسيل ديال مهتدي بالله اريه ليا
ميمونة واخة الالة أو دارت عندهوم او قالت كنضن بلي سمعتو الآلة شنو قالتيلا تحركو او منين تقادو طبسيل ديال سيدي مهتدي بالله عطوه الآلة شمس ضحا
كولشي حنة راسو او كمل خدمتو حطو لغدا او عاد باش جات شمس ضحا هازا طبسيل ديال مهتدي بالله  او قالت
شمس ضحا:نجيبليك اسيدي مهتدي بالله طبسيل بإدية بتسمات او حطات طبسيل ديال شلاضة او بصيطلات صغار قدامو بتاسم او قال
مهتدي بالله:شكرا اشمس
شمس ضحا:شمس ضحا الله يخليك مكنحملش لي يعيط لي شمس بداو تاكلو رآه مغعرضش عليكوم بداو فلماكلة او شمس ضحا كتاكول او كتبتاسم كاتمة ضحكتها يلا دار مهتدي باللهدغمو لولة ديال شلاضة فمو مقدرش يبلعها كانت مالحاااا او فيهاااا لخل بزافف او مبزرة مقدرش يدوزها رجع حمر شافتو شمس ضحا او قالت
مصطانعة لخوف :شمس ضحا:اويلي مهتدي بالله مالك وحلات ليك ناضت بزربا بدات كضرب فضهرو او عطاتة لما لي كان فيه لملح او لخل شربو زاد حمار او لعروقا خرجو لو هز يديه كأنه كيقوليها صافي رجعي لبلاصتك رجعات او حليمة لي مفقوصة كانت هي لي باغا تبين ليه اهتمامها بيه ولكن شمس ضحا سبقاتها مد يدو هز بسطيلا صغيرا أو عض منها شوية مقدرش يصبر او ناض من قوة لحار مع لملحا او لخل لي ديجا كان ففمو كملات شاف فيه عماد الدين او قال
عماد الدين:ولدي مالك واش معجباتكش لماكلا ولا شنو
هضر مهتدي بالله بصوعوبة
مهتدي بالله:لا لا لمكلا زوينة غير منقدرش نأكل دبا شوية أو نهبط نأكل متعتبرونيش ضيف راني ولدكم اعمي
عماد الدين:اه اولدي دار داركم خود راحتك
مهتدي بالله كمل طريقو شوية تبعاتو شمس ضحا غير ناضت تبعاتها حليمة
وقفاتها فنص دروج
حليمة: شمس ضحا حبسي بغيت نهضر معاك
شمس ضحا وقفات او دارت او قالت
شمس ضحا:نعام اختي لكبيرا
حليمة:شنو كتحاولي ديري اممم زعما رآه غيشوف فيك توتوتو تو راك غالطا احبيبة أنا لي غنخدو معرفتش شنو كيعجبهوم فيك
شمس ضحا:شكون قالك كنحوم علييه هههههه ضحكتيني منيتك ابنتي العبد افيقي اماما راكي متسواي والو قدامي واخا تعياي ماديري فلخلطات رآه لي زين زين واخة يعوم من تنين لتنين اونتي واخة تعومي يوميا مغتوصلينش او لمرا جاية تعاودي توقفيني غنوريك
دارت غادة او مخليا حليمة كتموت بالغيرا او الحقد او الغيرا تجاه ختها
عند شمس لي طلعات لبيتها او لقات ميمونة كاتسناها
ميمونة:لآلة رآه استاد...
قاطعاتها شمس ضحا:ميمونة لبسة ديال لعومان وجديها نجي نلقاها موجودا
ميمونة:واخة الالة
دخلات شمس ضحا لبيتوفين كتحط قفاطنها حيدات لقفطان او تبعاتو سبنية او شربيل قادات كولشي بلاصتو خرجات لقات ميمونة موجدة ليها داكشي يلاه ميمونة جات تهضر او حبساتها شمس رافعا يديها وصلات فين محطوط لبس ديال لعومان ليكان عيبارا عن توب خفيف لون ديالو فلاسود لون المفضل عند شمس ضحا لبساتو او حيدات ديباردور او شورط او بقات بسليب او ستيام
شمس ضحا: ميمونة جيبي لي جابادور ديالي
ميمونة:واخة الالة
مشات جابت جبادور فبكحل او لبساتها لشمس ضحا مشات شمس ضحا هزات سندالا فلگري أو دارت عند ميمونة او قالت
شمس ضحا: يمكن ليك تمشي
ميمونة:واخة الالة مشات ميمونة او بعدها خرجات شمس بقات تدخل او تخرج بين لقواس حتى وصلات لظروج كيديو لمسبح يتبع .....
_____________________________________
مهم البنات واخة تفاعل ميت مرة مي ماشي موشكيل مهم البنات ها بارت او رآه نقدر نزيد نكتب  نقدر لا على حساب لگانة مهم البنات او إلى معجباتكمش لقصة قولوها نحبسها رآه كندير مجهود كبير باش نحط بعدا قدرو مجهوداتي او ديرو ڤوط بعدا نعرف غير واش عجباتكم او لا لا مهم او بنسبة لموضوع لي حطيت رآه فعلا جدي او حاقيقي فعافاكوم ردو بالكم او بنسبة لبنات لي كيدوزو من زناقي لخاوية متيقاوش دوزو منهم رآه بموضوع خطير