مرجانة فبلاد سبع رجال (متوقفةحاليا)

🍁تتمةpart:9🍁

اجيو نمشيو لبلاصة خرى ⁦🌪️⁩رمانة لي نسيناها 
فاقو صباح او جمعو رحيلهم او فكرو او شدو طريق بقاو ماشين حتى لقاو لقواص ديال لمدينة رمانة بدات كتنقز بلفرحة دخلو او بقاو كيدورو فعينيهم  بقاو كيتمشاو حتى وقفو على مول تواب او هي تقول رمانة
رمانة: عمي واخا نسولك ؟!؟
مول تواب: اييه ابنتي مرحبا اش حب لخاطر
رمانة:بغيت نسولك على شي دار صغيرة او تكون عندها شي كوري صغير تاهو
مول تواب: اييه ابنتي هانتي غتمشي حتى لخر ديال شارع او غتلقاي واحد سمسار رآه جا شوكة
رمانة:واخة اعمي شكرا
بقاو كيتمشاو حتى وصلو لفين تنعت ليهم بقاو تيدورو فعينيهم حتى شافوهم مشاو وقفو عليه شافهم او وقف او قال
سمسار:سلام عليكم اشحبت خاطركم
رمانة:عفاك بغيت شي دار تكون صغيرة او فيها شي كوري صغير تاهو عافاك
سمسار: اييه مرحبا واخة بلاتي نسد لماحال او انا معاكوم  ناض سد لماحال او بداو كيتمشاو حتى وصلو لواحد دار او وقف او قال
سمسار:ها دار لبيع غير ب100قطعة ذهبية فيها كوري صغير او دار صغيرة
رمانة: لا بزاف نقص شوية خليها تمانين رآه  هي لي عندي
سمسار شاف حتى عيا او قال
سمسار: اوا شغنگوليك اري غير ستين
رمانة: شكرا اعمي عمري نسا ليك هاد لخير
عطاتو لفلوس او مشاو حطو رحيل فدار او تبعاتو رمانة باش يقادو اوراق لملكية
قدوها او هي بدات كتدور حتى لقات مول لبالي تقادات شحال من حاجا او رجعات لدار اول حاجا قادات لباها واحد لبلاصة فين ينعس او هي بدات كتسيق او تقاد او بدات كتقاد كل حاجا فبلاصتها سلات او بقا ليها غير شوية ديال لفلوس بقات كتشوف فيه تنهدات او خرجات عاود تقدا لخضرا  سالات او رجعات لدار  او قدات لغدا او جابت باها يتغدا سالاو او جمعات طبلة او غسلات لماعن او مشات لبيت لي فيه كتقاد زرابي او بدات كتقاد زرابي كملات واحد تلات ديال زرابي او شافت جيهت سرجم او قالت
رمانة:هاء طاح ليل نمشي نشوف با نگلس معاه او عاد نقاد لكسكروط
ناضت عند باها لقاتو متكي كيقرز واحد لكتاب شافها او حط لكتاب او قالها
الحاج محمد: اجي ابنتي حدايا عندي شلا كلام ابنتي نقولوليك  حاس بلي وقتي قرب او مابغيتش نهز شي دنب على رقبتي
رمانة:محنا على فالك ابا مزال تشوف ولادك او ولاد ولادك
مشات گلسات فحضنو او عنقاتو او هو بدا كيهدر
الحاج محمد:واحد نهار كان واحد راجل مزال صغير كانو على قد الحال او كانو واحد العائلة لباس عليها معروفا بتجوال حطو رحال  فواحد فدوار او مرات داك العائلة كانت حاملة او كانت حاملة بتوام بنتين او مرات داك راجل لي مفحاهومش مراتو قابلة مرات راجل لي جا لدوار شدها لوجع او مشات ديك لقابلة تولدها ولداتها او كانو دوك جوج بنات زوينين او حيت ديك راجل او مراتو مكيولدوش وسوس ليها شيطان او سرقات وحدا من لبنات عياو ميقلبو على بنتهم ولكن ملقوهاش مشاو من دوار او كبدتهم محروقا على بنتهم
رمانة: با شكون هاد لعائلة
الحاج محمد: هاديك نتي ابنتي نتي لمراتي سرقاتك من ماماك او باباك
رمانة:هههههههه غير كضحك ياك ابا ياك ؟!؟!
الحاج محمد:لا مكنضحكش كنهضر بصح
رمانة:لا لا ه‍ئ ه‍ئ ه‍ئ لا كتكدب ياك ميمكنش ابا
الحاج محمد بدات كدخلو لموت او بقا كيقول غير
الحاج محمد: سمحلي ابنتي انا راضي عليك
هز صبعو كيشهد حتا مات
رمانة تصدمات او غوتات غوتا
رمانة:بااااااااااااااااا لا عفاك فيق راني مسمحاك عفاك نوض
يتبع.....