مرجانة فبلاد سبع رجال (متوقفةحاليا)

🍁part:6🍁

Cc hana jite ou bpart jedide bin ydikom

خناتة:(بالغوات):اش هاد قلت لاداب فوقاش لخدم كيعلي راسو فسيدو فوقاش لخدم ولا مقامو من مقااااام سيادو
مرجانة:يا غتحيدي من قدامي ولا غنوريك مقامك شناهو يلا حيديي يخ
جا سيف الدين او غوت
سيف الدين:مرجاااانة شنووو قلت ليك ااا هدرتي زايدا ناقصة
مرجانة:رآه هي لي مخلاتنيش نطلع او كتقولي خدم (بانفعال)انااا هنا مشي خدم اناااا هنااااا طباخة ديالك او ديال لآلة ام سيدي او قول لهادي يا غادي تفوت ساحتي يا غادي نوريها لخدم علاش قااااد
يلا جات تهضر خناتة او هو يقاطعها سيف الدين بالغوات
سيف الدين:سكاااااات منسمعش حرف خر نتي بيت او اخر مرة نشوفك كتهضرييي معاها او زايدوووون ماشي سوقك طلع فيما بغات يلااااه بيتك او نتي تبعيني تحركي😠
مرجانة:(حنات الراس):واخا امولاي
الكاتبة:تقادو ليك تعرفي تغوتي عليا غير أنا اوا شدي
مرجانة او هي تابعا سيف الدين
مرجانة:(كتهمس):سيري بعدي مني اعععع سيري بحالك
دار عندها سيف الدين
سيف الدين:اش كتبرگمي ااا
مرجانة:سوقك نبرگم ولا نشتر سوقك ياكما عاقد عليا امم
سيف الدين:نعام مسمعتكش مزيان عاودي (شدها من فكها)كنقسم بلي خلقني او خلقك حتى ندمك يلا تحركي تبعني بلا هدرا خاوية او باش نقوليك وليتي الجارية ديالي يلاه تحركي
مرجانة شادة دمعة الحگرة بزز تحركات موراه او هي كتقول مع بالها
مرجانة:علاش ابا علاش هئ ه‍ئ هاهوما كحگروني علاش ابا هئ ه‍ئ اححح ابا اش درتي ببنتك حرام عليك هه دابا هانا وليت جارية هه او نتا عند بالك أنا طباخة يعلم الله اشنو غيدير بيا هئ ه‍ئ ه‍ئ ه‍ئ
دخلو او دار عندها
نخليو هاد جوج او نمشيو لبلاصة خرا ⁦🌪️⁩
عند رمانة مسكينة لي فاقت او قادات لفطور او خرجات سرحات او حطبات او منين جات غزلات صوف او سيقات او شطبات برا دار او ردات لغدا مشات عند باها نوضاتو دانو لحمام او غسلات لي او بدلات ليه او هي كضحك معاه او تحتت معاه خلاتو گالس ففراشو او مشات كتنسج زرابة دخلات عقيسة لقات كولشي هو هاداك او ملقات منين تشدها دخلات لبيت بدلات عليها او خرجات
عقيسة:اديك بنت لحرام حطي لغدا شمزال كتسناي
رمانة:واخا اخالتي
ناضت حطات لغدا او جابت باها او بداو كياكلو او هي تهضر عقيسة:شوفي رآه لفلوس لي كنجيب أنا مبقاوش قادين يا غديري شي حل ولا خرجي عليا من داري يلا ختاري
هنا رمانة تقادا صبرها او قالت
رمانة:ما قلتي عيب اعقيسة ولكن تانا عندي شرطي
عقيسة:أو مزال كتشرطي ولكن منين اتخرجي عليا شرطي نشوف
رمانة:اول حاجة با يمشي معايا تاني حاجا غتعطيني فلوسي هه ياكما سحابليك غادي تاكليني فحقي تو تو تو او معيزاتي خنخدهوم معايا هو او لحمار (حشاكم)اوا شنو قلتي
عقيسة: واخا ما قلتي عيب غير سلة بلا عنب غنعطيك او صباح جمعو قليعكم او خويو
ناضت أو دخلات لبيت
الحاج محمد (اب رمانة): اوا هاحنا خرجنا فين غنمشيو
رمانة:مولاها ربي ابا او لي مكتاب هو لي غيجرا
ناضت هزات باها دارتو فوق طليق او جمعات طبلة غسلات لماعن او مشات بدات كتجمع داكشي ديالها ها مكينة لي كتغزل بيها ها هديك لي كيقادو بيها زرابةاو خرجاتو او طرفاتو باش متشوفوش عقيسة دخلات لبيت عند عقيسة او قالت
رمانة: عقيسة فلوسي فوق طبلة دابا
عقيسة:هي لولا
ناضو خرجو اهزات عقيسة خنيشة عامرة قطع دهبية او خرجات گلسات او بدات كتجبد او تحط
عقيسة:ها قطعة ها جوج ها تلاتة ها ربعة حتا وصلات لعشرة او جمعات لخنيشة او قالت الله بفرقنا بلا دنوب
هنا رمانة عقدات حواجبها او قالت
رمانة:عقيسة گلسي مزال مسلينا
عقيسة:اش مزال ؟!
رمانة:عقيسة شحال كين فديك لخنيشة اممم
عقيسة:ا...ا... معرفتش او علاش كتسولي بسلامتك
رمانة خدات من عندها لخنيشة او قالت
رمانة: هاحنا غنشوفو
يلا هزات عقيسة باش ضربها او هي تشدها ليها رمانة
رمانة: توتوتو منصحكس رمانة ديال شحال هادي ماتت ماتلعبيش معايا
رخاتها او گلسات خوات لخنيشة او بدات لحساب سالات لقات 200قطعة دهبية او قالت
رمانة:عيب او حرام فحقك عقيسة لي كريمة او كتبغي لناس بخير مقسماتش بلعدل حشومة (خنزرات فيها)
أو بدات كتقسم بلعدل
خدمات هي 100او خلات اعقيسة 100ناضت او قالت
رمانة:اوا الله يفرقنا بلا دنوب اعقيسة هه
هزات باها ا. دخلات لبيت لكتنعس فيه او قالت
رمانة:با خصك ترمي عليها طلاق
الحاج محمد:واخا ابنتي ميكون غير خاطرك ولكن ابنتي فين انمشيو
رمانة:غمنشيو لمدينة غنزيد شي حمار خر او ديك ساعا انشدو طريق او منين نوصلو ايحن الله يلا ابا نعس غدا انفيقو بكريييي نعسات رمانة او هي كتفكر فلمستقبل او كيفاش اتعامل فمدينة او هي مكتعرف عليها والو شن. غيطرا او شنو غيوقع هادشي كامل كانت كتفكر فيه نفضات راسها من لأفكار لي راودوها او نعسات
يتبع.....
_______________________________________

_____________________________

________________

______ 

فنضركم شنو غيوقع شنو غيكون مستقبل رمانة فلمدينة شنو سر لي مخبين والدين مرجانة او واش رمانة او مرجانة كتجمعهوم شي صلة تبعو باش تعرفو شنو غيوقع او كل هاد تساؤلات غادي يكونو فلي بارت جايين تبعوني باش تعرفو

فوط+كومنت=بارت جديد
طنحبكوم ⁦❤️⁩ موت فريزاتي 🔥🍓