بحال كل ليلة ف فراشي شاد التيليفون كنهدر مع صحابي فالواتساب سهران كنهدرو على الاحدات لي بدات توقع مؤخرا و واحد فيهوم قالي بالضحك قربات نهايتنا و انا بديت نضحك . ماكان تا شي حاجة مبدلة و كنقول معا راسي عوتاني غدا الجمعة مافييا لي يمشي ل الجامع. قرب يودن الفجر كنسمع الواليد نايد يتوضا و كندير راسي ناعس باش ميبداش يغوت علييا . فاش اذن الاذان حسيت بعدم الاطمئنان و سمعت ختي من البيت لاخور كتقول الله يلطف بينا . صوت ديال المؤذن كان فيه نبرة خوف و هلع. كان شعور اول مرة هانحس بيه. بديت كنقول ياربي تستر و مغمض عيني ملوي ف ملايتي.
أخيران سالا الادان لي حسيت بحالا ساعة و هو كيأذن بابا ناض يصلي و ماما موراه. انا و ختي ناعسين. مادازش بزاف حتا تسمع داك الصوت. الصوت لي عمري سمعت بحالو. حان مجهد لدرجة تقدر تسعمو فين ما مشيتي. نضنا كنجريو ل السرجم و كيبالنا كولشي كيطلل و مافاهم والو. بدا كولشي خارج هربان و الغوات "الله اكبر الله اكبر !!!" كنمشي عند ماما نتخبع عندها و كانت اول مرة ماما هاترفضني و تمشي كتجري . بدات جاية ضبابة بحال الاعصار كادوز فكولشي مابقا لا ديور لا فيلات لا فلوس لي هاتنقد الاغنياء لا مخابأ لل الفقراء غا الضباب و الحرائق و الناس كولها متشابها كولشي كيجري بالروح ديالو "نفسي نفسي..." بديت كنتمنا الموت و منكملش فهاد الخراب منضر صعيب تصوروه كتر من الحرب. بدات كتبان الارض صغيرة و الشعوب كولها متقاربا و شي مكيعرف شي مكينش فرق بين المشاهير و الناس العاديين. كيجريو و كعارفينش لين "يخافون يوما تتقلب فيه القلوب و الابصار" حسيت بكول دقيقة كنعيشها بحال العام بحالا بوحدي لي كيدوز علييا هدشي . كانت كتبان تما النهاية و لكن وقع لي مكنتش متوقع. كنسعو غوات شي كائن عمرنا سمعنا بحالو. خرج المسيح الدجال! كائن صعيب توصفو و تمة بدات الفتنة..... .
Yoongim_19
أنت تقرأ
~end of world~
Fantasyيقدر ميعجبش الاسلوب باش كنكتب بزاف د الناس و لكن ختاريت اسهل طريقة للكتابة لي هييا الدارجة ❤
