بسنت:بتكلمي نفسك يا مجنونه
حور:حرام عليكي يا بسنت خضتيني
بسنت: خضيتك طب يلا عشان نروح
في البيت عند حور
حور بزعيق:يا أهل الدااااااار انا جيت يا ماما يا زين اظهر وبان عليك الامان
الام(عفاف):في ايه يا جزمه عامله دوشه ليه
زين:اي اظهر وبان عليك الامان هو انا عفريت
حور:الله يا فوفا لو مكنتش انا اعمل دوشه امال مين اللي يعمل يا جميل وانت ياض انت اوحش من العفريت اساسا
زين:اه انا فعلا اوحش من العفريت عشان توأمك بوووووم
حور:اي ده انت بتطير جبهتي يا فرده شراب مقلوب
الام:عوض عليا عوض الصابرين
حور وزين في صوت واحد:انا لو مخلفه جوز جزم كان احسنلي
الام:فين ابو ورده(للتعريف ابو ورده ده شبشب مصري اصيل😂)
حور: يالهووووي اركب يا عبدوووو
زين:نينينيننيني اجري يابت
الام:يارب صبرني ع جوز المجانين دول
كل واحد في اوضته والأم في منتصف الاوضتين
حور من خلف باب الاوضه:متتدعيش ع نفسك يا ماما لتتحولي لصبار
زين من خلف باب الاوضه:ههه حلوه يابت يا بخور
حور:بخور لما يلسعك في قفاك يا زين الكلب
زين:ماشي يابخور الكلب والله لاربيكي بس بعد ما مرات ابو لهب دي تمشي من هنا
الام:انا مرات ابو لهب يا تربيه ناقصه انت وهي
حور:صحيح يا أمي هي تربيتنا ناقصه ايه
الام:ناقصه ملح يا عين امك
حور: طب ياست الكل انا هصلي لغيت ما تحطي الملح ع تربيتنا قصدي لغيت ما تخلصي الاكل
بعدها بي فتره قليله (ع السفره)
الام:يا غبيه حد يرزع الأطباق ع السفره كده
حور:ماهي اللي سخنه انا مالي انا
الام:سخنه يا عين امك انا نفسي اعرف انتي هتتجوزي ازاي الله يكون في عونه
حور:هتجوز بي راجل وماذون وفرح وفستان وماتزوقيني ياماما انتي بتسالي اسئله غير منطقيه أسئلتك فوق الفظيع
في لحظه كان ابو ورده في وشها😂
حور:اهه يا ماما انا راحه انادي زين
حور بزعيق:سلطاهاااااااا سلطاهااااااا
زين:بس بس جاموسه بتناده
أنت تقرأ
احببتها صدفه فاعشقتها
De Todoانا اول مره اكتب روايه ومحتاجه رايكوا جدا بحاول اعمل حاجه واقعيه تكون رومانسيه وكوميديا وفي نفس الوقت اكشن