صباح جديد ع أبطالنا مليان بالتفائل ولا احد يعلم بي مفاجأه القدر
في بيت مروان الجرس بيرن ومروان بيفتح
مروان بقرف:نعم
أمير:صباح الجمال فين شمس
مروان:وانت مالك
امير:ياعم خطيبتي وعايزها
مروان بغيظ:ولاااا البت عندها امتحانات وانا عايزها تجيب مجموع
امير:ماهو انا هنا عشان اذكرلها
مروان:مبقاش الا دكتور البهايم اللي يذكرلها
أمير وهو بيدخل وبيقفل الباب:يادي النيله قولنا اسمها دكتور حقن مش بهايم
مروان بضحك:هه وربنا مجنون اترمي هنا عقبال ما تنزل
امير:انت قرش ملحتي ليه بس يا ابو النسب
مروان بحزن:عشان هتاخد روحي معاك ومعرفش هتعمل فيها ايه
أمير بحنيه:انا مقدر احساسك بس والله ما تخاف وعد مني اني عمري ما هفكر اذايها قولي بس اذايها ازاي وانا اول مره شفتها كان نفسي اديها روحي ولا انها تتخنق من الاسانسير
مروان بحنيه:انا واثق فيك عشان كده موافق كون ليها الاب والأخ والصاحب والسند شمس ملهاش حد بعد ربنا غيرك
أمير بمرح:احسن والله انك مش هتشوفها ع الاقل ولادي ميطلعوش شبهك
مروان مسك مخده الانتريه واحدفها عليه
امير:يارب الرحمه من الوحش ده اول مره يشوفني يضربني في وشي ودالواتي بالمخده انا خايف بعد الفرح افتح الدولاب الاقيك قاعد جوه وبتقولي اطلع بره
شمس بضحك وهي داخله عليهم:هههه لا اتاكد
مروان:انا رايح اكلم فريده واللبس عشان ننزل انت توصل الهانم السنتر وانا اروح الشغل وتستنها وتجبها وخرج
أمير بغضب:سواق الهانم انا
شمس:ايه مش عجبك
أمير:لا يا قلبي هو انا اقدر المهم تعالي اشوف عندك ايه عقبال ما ابولهب ده يخلص
مروان من الداخل:سمعتك يا حقنه وهاجي اكسرك
أمير بزعيق وهو بيشد في شعره:اههههههههه جوه ورامي ودانك هناااا ده غلب ايه ده بس ياربي
اما شمس دخلت في نوبه ضحك من اعال اخوها وحبيبها
شمس بهدوء:سيبك منه تعالئ بص الفستان ده وبتفتح الفون
امير:حلو بس انتي شفتيه أمته
شمس:امبارح ع الفيس بوك
أمير بغضب:انتي بتستهبلي عندك امتحان بكره وقاعده تتدوري ع الفستان ياشمس
أنت تقرأ
احببتها صدفه فاعشقتها
Aléatoireانا اول مره اكتب روايه ومحتاجه رايكوا جدا بحاول اعمل حاجه واقعيه تكون رومانسيه وكوميديا وفي نفس الوقت اكشن
