احببتها صدفه فاعشقتها

البارت السادس

زين بصدمه:ايه ده هو انا دخلت شقه غلط ولا انتو خدتوا شقتنا ولا انا جيت عندكوا ولا في ايه

بسنت بضحك:لا ولا اي حاجه من الحاجات دي

زين بدا يتذكر ما كانت حور تنوي ع فعله

زين:ازيك يا انسه بسنت واونكل وأمير عاملين ايه سلميلي عليهم كتير

بسنت:الحمدلله كويسين الله يسلمك

حور خارجه من المطبخ ع صوت اخوها

حور:جاني جني قالي انا اخوووووك يا فووووواز

زين بعقل:بس يابت بطلي هبل واعقلي وادخلي هاتي فوني من الاوضه عشان انزل

حور بتكلم نفسها وهي ماشيه

حور:هو الواد بقا عاقل كده ليه يالهووووووي وقف معاكي يابسنت دقيتين بقا عاقل اما انا معاكي سنين ولسه زي ما انا ليه

عند بسنت وزين خرجت الام من المطبخ ومعاها فريده

الام:انت جيت يا حبيبي ثواني والاكل هيكون جاهز

زين:لا ياامي انا نسيت الفون هاخدوا وانزل اتغدا مع صحابي

بسنت:لا طبعا مينفعش تتغدا بره

زين بابتسامه:اشمعنا انتو بتتغدوا مع بعض وانا مقعدش مع صحابي

نظر زين لفريده باستغراب هو لا يعرف من هي ولا يعرف ما علاقتهم بها هو يعرف بسنت جيدا لأنها صديقه اخته منذ الصغر

الام:دي فريده يا زين صحبت بسنت وحور الجديده

فريده:انا فريده الحجار

زين:اهلا بيكي يا انسه فريده طبعا عيله الحجار غنيه عن التعريف اتشرفت بمعرفتك انا زين توأم حور

فريده:مشالله عليك شبهه جدا انا اتشرفت بيك

حور:خد ياعم فونك اهو انت ناقص تدفنه تحت الارض

زين بقرف:بس يابت انتي يلا انا ماشي لو عايزين حاجه كلموني ع طول سلاموا عليكوا وخرج

الام:ربنا ينور طريقك يابني

حور وبسنت وفريده في صوت واحد:امين يارب

فريده:ماما

الام:نعم يا قلب ماما

حور:ايه ده بقا اشمعنا انا مش بتقوليلي نعم ياقلب ماما

الام: لا انتي يتقالك نعم ياللي بتشلي ماما نعم ياللي ديما حرقه دم ماما نعم ياللي ديما رافعه ضغط ماما خلاص ولا اكمل

حور:خلاص يا رمضان بهزر معاك ايه انت مبتهزرش

بسنت:بس بقا يا حور ماما كونا عايزينك في موضوع كده

الام بقلق:خير يابنتي في حاجه ولا ايه حد محتاج حاجه

فريده وحور وبسنت في صوت واحد بسرعه:لالا هو الموضوع مش كده