Երբ նա հեռացավ, չհասցրի տալ սրտիցս բխող միակ հարցը:Եվ այժմ ես գրում եմ այն թղթի վրա փետուրե թանաքով և հանձնում րոպեների ընթացքում իրենց փիրուզե գույնը կապույտի փոխած ալիքներին:Խնդրում եմ, ալիքնե՛ր, պատասխանեք հարցիս.
«Մի՞թե մենք չենք հանդիպի»:
Oops! This image does not follow our content guidelines. To continue publishing, please remove it or upload a different image.
«Քեզ մոտ չեմ թողնի»
Երկար, տոթ, ամառային օրերը և շաբաթները, ինչ խոսք, անցնում են կայծակնային արագությամբ:Եղանակը չի փոխում իր էությունը. անձրևները ոչ հաճախ թույլ են տալիս զովանալ, մոռանալ արդեն իսկ օգոստոս ամսվա գոյությունը՝ պատկերացում կազմելով աշնանային մեղմ և կիսացրտաշունչ օդի մասին:Երկնքից թափվող կաթիլներին հաջորդում է պայծառ արևը, այնուհետև՝ ծիածանը:Վերջինս դառնում է բոլորի պաշտամունքի և հիացմունքի առարկան:Այն սփռում է իր յոթ գույները քաղաքի վրա, գունավորում, տալիս նոր կյանքի և բազմազան չընձեռած հնարավորությունների շունչ:
Լանան հառում է դեղին բիբերը գրասենյակի պատուհանից դուրս, ականատես լինում հերթական անձրևոտ օրերից մեկին, տեսնում ապակուն հարվածվող շիթերը, որոնք շուտով վերածվելու են կարկուտի:Ձայնը հանգստացնում է օրիորդի ձգված նյարդերը, որոշ ժամանակով կտրում աշխարհից, ներքաշում մտքերի լայն և խորը ճահիճը:Աղջիկը նույնիսկ չի կարող գիտակցել, որ սուզվելու է մինչև պարանոցը, ապա խորտակվելու իր իսկ պատկերացմամբ ստեղծած ճահճուտում: Սուրճը, շագանակագույն բաժակով հանգրվանելով նրա երկար, բարակ և խնամված մատներում, աստիճանաբար սառչում է:Այն կորցնելու է իր թունդ համը, սակայն Լանան այժմ հետաքրքրված չէ դրանով:Նա այնքան մտազբաղ է, որ չի լսում դռան թակոցները, այսպիսով անհամբեր հյուրը մտնում է ներս առանց թույլտվություն ստանալու:
-Սկսում էի մտածել, որ տեղում չես:
Շիկահեր երիտասարդի խռպոտ ձայնը արթնացնում է դեղինաչյային և վերադարձնում ներկա: Լանան շրջվում է և վայրկյաններ շարունակ միայն նայում Արտյոմի երեսին, ապա բաժակը իջեցնում սեղանին և խորը շունչ քաշում:
-Կներես, մտքերով էի ընկել:Ի՞նչ ա պատահել:
Տղան տեղադրում է դուրս ցցված երակներով ձեռքերը դասական տաբատի գրպաններում և թոթվում լայն ուսերը՝ արտաբերելով.
-Ուզում էի քեզ հրավիրել ճաշելու:Դու բաց ես թողել երկրորդ նախաճաշը:Քաղցած չե՞ս:
