نوفيلا جميله ❤

البارت الثاني

البارت التاني

كانت تجلس جميله وتضع يديها فوق راسها وهي تشعر بالعجز والحيره من هذا المرض الخطير الذي لم يمر عليها من قبل أخذت تنظر إلي الإشاعات والتحاليل وهي تعلم أن جلسات الكيماوي مجرد تقليل من الألم فقط لكن ليس علاج لهذة الحاله كانت خائفه من هذه التجربه لتفقد المريض وتكون هي السبب في قتله

جميله لنفسها ..اهدي يا جميله وركزي انتي قدها انتي بقالك سنه بيمر عليكي حالات كتير اشمعنا الحاله ديه اللي واقفه عندها ومش عارفة تتصرفي .... خايفه يا جميله من الموجهه خايفه تستخدمي علاجك لحسن ميجيبش نتيجه من امتي وانتي بتخافي يا جميله من امتي فوقي وركزي.

قطع عليها وصله تفكيرها دخول الممرضه عليها

جميله بدهشة ..مالك داخله من غير ما تخبطي وشكلك بيقول ان في حاجه وحشه بتحصل

الممرضه بتوتر ..انا اسفه يا دكتورة اني دخلت كدا بس المريض اللي جه فاق ....و....و

جميله بحده.. ايه خراستي مش عارفة تجمعي ماله يعني انتي مش علقتي ليه جلسه كيماوي

الممرضه ..اه بس هو شال جلسه الكيماوي من ايديه وقالي انه مش هيتعالج ورافض ياخد العلاج وعايز يمشي .

جميله بعصبيه ...نعم هو مش فاهم ان المرض اللي عنده خطير وانه مش مسموح ليه دلوقتي اللعب ولا هزار في المرض دا

الممرضه بتوتر ..حاولت معاه بس هو رافض خالص ومصمم ان المرض دا بتاعه هو وان ديه حاجه تخصه ومحدش ليه دخل فيها

جميله بعصبيه ..طيب انا رايحالوا

خرجت جميله من مكتبها بعصبيه ودخلت غرفته من غير ما تطرق الباب رأته يقف أمام النافذة ويوليها ظهره ببرود

جميله بعصبيه ..ممكن افهم ايه لعب العيال دا ايه مش عايز اخد الجلسه هو هزار ولا انا بخيرك تاخدها او لا دا إجبار عليك يا استاذ

رد يوسف ببرود ..انا حر انتي شايفه انه لعب عيال شايفه اني بهزر ديه حاجه ترجعلك انما انا مش هاخد الجلسه ديه مش هاخد كيماوي تاني

جميله بسخريه..وهو انت خدته اولاني اصلا

يوسف لف ليها وبنظرة مليانه حزن وكره للمرض دا ..ايوة خدته المرض دا بقاله معايا خمس سنين عارفة يعني ايه خمس سنين في عذاب وقرف وبين كل دكتور والتاني عارفة يعني ايه يا دكتورة تاخدي حاجه مجرد سم بيدخل جسمك لا دا ياريته بيعالج انما دا مش علاج ازاي علاج بناخده علشان يعالج مرض يقوم مبوظ حاجه تانيه ويجبلك مرض تاني انتي متقدريش عليه عارفة يعني ايه يقولوا ليكي انت كدا كدا ميت ميت ودا مجرد مسكن للالم تعيش بيه الفترة اللي انت عايشها لا والمفروض اكمل بيه لا يا دكتورة انا مش هاخد جلسات تاني مش عايز ابقا ضعيف وبهرب من عيون اختي الصغيرة لحسن تاخد بالها اني تعبان واشيلها همي ولا ابقا اقاعد علي سرير كل اللي بيجري في دمي هو مجرد سم بيقتل فيا بدل ما يعلاجني