نوفيلا جميله ❤

الفصل الخامس

البارت الخامس:

" من أصعب المشاعر ...الشعور بندم بعد فوات الأوان "

ركض يوسف خلف جميله لكي يوقفها ويفهم منها ما هذا الكلام ولكن وقف مصدوما عندما رآها وهي فاقدة للوعي وتخطف أمامه ركض يوسف نحو العربيه ولكن قد كانت تحركت .

يوسف بعصبيه ..غبي غبي دايما متهور .

اقترب منه الجميع وبالأخص معتز وتالين .

معتز ..فين جميله يا يوسف .

يوسف بذهول وصدمه ..جميلة ضاعت .

تالين وهي تضحك بهستريه..يعني ايه ضاعت مش فاهمه .

يوسف ..يعني جميلة ضاعت ..اتخطفت قدامي ومعرفتش اعمل حاجة ...خدوها قدامي و مشيوا وانا واقف عاجز ..ليه ..علشان غبي ..مبقدرش اللي قدامي ...لو مكونتش اتهورت وحطتها قدام الأمر الواقع وقولتلها اني بحبها مكانتش خرجت تجري كدا ومكانش حصلها حاجه ...انا السبب...انا غبي ..غبي.

تالين بصدمه ودموع ..يعني ايه اتخطفت انت بتهزر يا يوسف صح ...يعني ايه جميله اتخطفت ..وانت واقف ومقدرتش تتحرك يعني ايه .

معتز ..اهدي يا تالين واحنا اكيد هنعرف نوصلها.

تالين بعصبيه ..متقوليش اهدي ..عارف يعني ايه بنت تتخطف..عارف الشباب دلوقتي بتعمل ايه في البنات..مش بيخطفوا عشان الفلوس لا ...دلوقتي بيخطفوا البنت علشان حاجات تانيه وانتوا طبعا فاهمين ...يا ياخدوا منها كل حاجه ويكسروها وبعدين يرموها في الشارع ..ونهايه كل بنت بتنتحر ..عارف ليه ..علشان مش بتقدر تواجه المجتمع اللي بيرمي كل حاجه علي البنت ..العار ..دايما بيبقى على البنت حتى لو كان غصب عنها ...عارف لو كانت محظوظة مثلا ومحصلهاش كدا عارف ايه اللي بيحصل بيخدوها أعضاء...وفي الحالتين بتموت ..وانت بتقولي بكل هدوء اهدي ...انا عايزة جميلة ..عايزة جميله يا يوسف .

يوسف وهو يمسح دموع اخته ..هجيب جميله يا تالين حتى لو كان علي موتي.

معتز ..يوسف اهدي ونفكر مفيش حاجه هتاخد بسرعه لان التهور ممكن يضيعها من ايدينا عايزين نفكر ازاي هنعرف نوصلها .

يوسف بعد تفكير .. مين ممكن يكون عايز يخطف جميله..دا اهم سؤال واللي لازم ندور علي أساسه.

معتز..تمام نروح المستشفى ومن هناك اكيد هنلاقي حد يعرف حاجه عن جميلة .

يوسف ..تمام يلا نتحرك مفيش وقت .

نظر يوسف الى اخته..تالين اطلعي على اوضتك وقفلي باب الفيلا كويس عليكي وانا هسيب حراسة برا متفتحيش ابدا ولا دخلي حد وخلي تليفونك جمبك تمام .

تالين بدموع ..تمام ..خد بالك علي نفسك .

يوسف وهو يقبلها من جبينها..حاضر ادعلنا.