نوفيلا جميله ❤

البارت الثالث

الفصل الثالث
" الحب حاجه كدا مابتجيش بعد تفكير ولا منطق لو مجاش فجأه يبقا مش حب اصلا هو احساس بالغبطه ضحكه بتترسم فى قلبك قبل عقلك بتحسي ان حياتك بقت حلوة بيه او انه عوض ربنا ليكى انسان تتمنى تكونى معاه النهاردة قبل بكرا وتكونى واثقه ومطمنه انه هيحافظ عليكى هو دا الحب مش محتاج كتالوج ولا كتب نقراها ولا تفكير كتير "

عايزة اعرف الحب ايه من وجهه نظركم ؟؟؟

استيقظت جميله بخوف بعض الشئ فهي سوف تبدأ تجربتها اليوم كانت لا تعلم لما هذا الخوف او الشعور بالرهبه اقتربت جميله الي سجاده الصلاه وابتسمت هي دائما تأخذ رأي الله في كل خطوه في كل محنه توجهت إلي المرحاض وتوضأت وارتدت اسدالها وجلست تصلي وعندما ركعت الي الله قالت......

جميله :" عارفة اني قصرت معاك اليومين دول ...بس انا عارفه اني لو احتاجتك عمرك ما هتقفل بابك في وشي ...انا خايفه ....ايوة خايفه ومش عارفة اطمن ازاي وحاسه اني هفشل ..محتاجه دعم منك محتاجه تكون جمبي احس بيك وجودك بيطمني....اقف معايا في التجربه ديه وخليني انقذ حياته علشان اللي بيحبوه...آخر حاجه انا عايزة اشكرك انك طول الوقت دا جمبي وعمرك ما سبتني لحظه "
بدأت الدموع تهطل بغزارة من عينين جميله ياااا الله علي الجمال حين تأخذ رأي الله في كل شئ في الصغيرة قبل الكبيرة انه هو السميع البصير المجيب لكل دعاء...

ادت جميله فرضها واتجهت نحو الخزانه وارتدت بلوزة من اللون الاسود وبنطال من اللون الابيض وارتدت جزمه بكعب سوداء..

اخذت حقيبتها ووضعت بها العلاج واتجهت الي المشفي.

وصلت بعد قليل الي المشفي نزلت من سيارتها واتجهت نحو مكتبها.

وارتدت البالطو الأبيض خاصتها واتجهت نحو غرفه يوسف....

جميله ببإتسامه مشرقه ..صباح الخير .

يوسف ببإتسامه ..صباح الجمال.

جميله..ايه جاهز يا بطل نبدأ في التجربه؟؟

يوسف وهو بيضحك .. علي فكره انا مش طفل صغير.

جميله ..لا طفل صغير عندك مانع.

يوسف ..لا يا ستي مش عندي اي موانع .

جميله وهي تخرج علبه العلاج .

جميله ..ترارار العلبه الذهبيه .

ضحك يوسف أكثر ..يخربيتك مسخره اومال كونتي مصدره الوش الخشب ليه؟؟

جميله ..معلش يا سيدي متأسفين .

يوسف ..خلاص يا ستي سماح .

جميله ..انا مش اسمي سماح انا اسمي جميله .

يوسف ..دمك خفيف .

جميله ..انا عارفة دا دمي شربات كدا شربات .