"Paalam na, hiling ay muli kang mamasdan
Pangakong iniwan, sa huli ay makakamtan
Pagdating ng hapon, hindi na muling masisilayan
Ang nais ko lamang ay iyong kaligtasan."
— Kabanata 0/Panimula
"Sa aking pagkahimlay, darating ang babaylan;
Na magtataglay ng lubos na kapangyarihan;
Galing sa panahong hindi pa nakakamtan;
Siya ay magbabalik sa nakaraan;
At ang kanyang pagdating ang magiging daan,
Upang muling magsama ang araw, tala at buwan."
— Kabanata 2
Liham ay magiging daan
upang ika'y masilayan;
Ang dugo ng hinaharap
magbabalik sa isang kisap.
— Kabanata 3
Taglay ang dakilang liwanag,
muling magkakaroon ng sinag;
Gabay ang araw at buwan,
lumayag at lumaban.
— Kabanata 5
"Sayi, sisidlan ng mga diyos at diyosa;
Bagim, ang magiting na mandirigma;
at Magat, ang pantas na nakauunawa;
Ay nangangako sa araw, buwan at mga tala,
Na magiging patnubay ng natatanging prinsesa."
— Kabanata 8
Sa ngalan ni Bulan,
saksi ang marka ng buwan,
itinatatag kita bilang babaylan,
ng Kaharian ng Kaboloan.
— Kabanata 10
"Kasabay ng pagsilip ng buwan,
Dinggin ang panata ni Bulan,
bilang iyong pintakasi, babaylan"
— Kabanata 14
Sa pag-usbong ng kanyang araw,
kadiliman ay muling dadalaw;
Kapalit ng kanyang sinag,
haligi'y papawian ng liwanag.
— Kabanata 15
Sa paglisan ng isang sisidlan,
magsisimula ang kadiliman;
Sa pag-usbong ng bagong binhi,
Paggalaw ng dakilang sanhi.
— Kabanata 16
Tatlong sisidlan,
Isang dakilang digmaan;
Tatlong pintakasi,
Sino ang magwawagi?
At sa paglitaw ng pulang buwan,
Ang itinakda ay uupo sa luklukan.
— Kabanata 21
O, Gutugutumak-kan,
diyos ng Agta,
dinggin ang kanyang ngalan;
O, Bathala,
diyos ng Kaluwalhatian,
dinggin ang kanyang ngalan;
Kayo, ang pinuno ng Agta,
isang tunay na mandirigma,
isang huwarang ama;
sa ngalan ni Pawi,
ang kanyang pintakasi,
at sa ngalan ni Bulan,
bilang kanyang sisidlan,
dinggin ang aking kahilingan:
nawa ang kaluluwa ng atubang,
ay inyong pagbuksan,
sa natatanging kinalulugdan,
ang Kaluwalhatian.
— Kabanata 28 (awit ng dalangin ni Atubang Kayo)
