رواية عشق فريد من نوعة للكاتبة ( روكا حسن )

البارت الحادي عشر

اسفه بجد لاني الايام دي مش فاضيه فيها فا هنزل فصلين في الاسبوع مش لوقت طويل🤦😥

الفصل الحادي عشر
رواية عشق فريد من نوعه
للكاتبة ( روكا حسن)

قي قصر الشريف
امينه : سامية
سامية : امينه حبيبتي عامله ايه
امينه : الحمدلله انتي عامله ايه واختفيتي فين انا روحت وسألت عليكي قالت انك عزلتي
سامية : آه مشينا من هناك المهم انتي ايه اخبارك
امينه : الحمدلله بخير
مودة  : ايه ده دنتو طلعته تعرفو بعض
سامية : اه ياحبيبتي دي طنط امينه ماما قصي وكنت انا وهي وماما أسر صحاب بس هي من ساعه متجوزت بعدت شويه
مودة بتفهم : اه تشرفت ياطنط
امينه بحب : ماشاء الله كبرتي يا دودو وبقيتي عروسة زي القمر
مودة بخجل : شكرا ياطنط
صفا بمرح : وانا ايه ياطنط
امينه بضحكه : انتي عليه العيله من صغرك يا ام دم خفيف
صفا ممازحة : الله يكرم اصلك يا ست الكل
ضحك الجميع وقال قصي : دنتي مشكله
صفا بغمزه : وصعب حلها
قصي : لا حلوه
صفا : وانت احلى يامزز
رامي : صفااا
صفا بضيق : خلاص متزوقيش
*****************
واقفه لوحدك ليه ، قالها جاسم وهو يقترب منها
ساره : ها لا ابدا اصلي صدعت قولت ابعد شويه
جاسم : اممم طيب ممكن ابعد معاكي انا كمان
ساره بخجل : اتفضل
جاسم : وادي قاعده بس بلاش كسوف ونبي
ابتسمت سارة له ولكن سريعآ تغيرت ملامح وجهها عند سماع هذه الجملة
جاسم : سارة انا هخطب
سارة بصدمة : نعم تخطب
جاسم : اه بنت زي القمر وبحبها اوي بسرح في عيونها وبحب كل حاجه فيها بس خايف لهي ترفض
سارة بسخرية : ترفض ليه هو انت حد يقدر يقولك لا بعد ازنك انا ماشية
جاسم : مش عاوزه تعرفي هي مين يا بنت عمي
سارة وقد ترقرقت الدموع في عيونها  : ميهمنيش
جاسم بابتسامة : حتى لو قولتلك ان اسمها سارة
وقفت ولكنها غير قادره علي السير قام جاسم وقف خلفها ولفها لكي تتقابل العيون ببعض وقال : بحبك يا سارة و عارف انك بتحبيني بس مش عارف ايه سبب تجنبك ليا اتكلمي معايا قوليلي ليه مصممه تبعدي عني
سارة : جاسم بعد اذنك انا عايزه انام
جاسم بضيق : اقفي كلميني زي ما بكلمك ليه كل لما اجي افاتحك في الموضوع تتهربي مني في ايه يا سارة
سارة بدموع : لاني مش بحبك ياجاسم و مينفعش علاقة تنجح بحب من طرف واحد بعد اذنك
وغادرت وتركت تلك الصدمة التي سببتها له
***************************
ابو عيون ملونه واقف لوحده ليه
تقي بفزع : خضتني يامراد
مراد بحب : سلامتك من الخضه ياقلب وحياة وعمر مراد
تقي : احترم نفسك وبعدين انت ايه الي جايبك هه
مراد : ياساتر يارب بتتحولي في ثانيه
تقي : عاوز ايه يا مراد اخلص
مراد بمكر : هكون عاوز ايه واحده مزه وعيونها ملونه وشفايفها عامله زي الفرولايه
قطعته تقي وهي تضربه وتركض وراه : وحياة امك نسيت كمان ان ايدي طويله
مراد يضحك وهو يركض : ههههههههههه خلاص يامجنونه بهزر والله يخربيتك
***************************
في صباح اليوم  التالي
قصي يفيق احمد : يا استاذ يلا عشان الشغل ملكش حجه دلوقتي ورانا شغل كتير
احمد بنعاس : ياقصي حرام عليك تعبان والله اليوم كان صعب امبارح
قصي : قوم يا احمد الشغل متعطل بلاش إهمال
احمد بضيق : طيب طيب هقوم
خرج قصي ونزل الي طاوله الطعام وقال : صباح الخير
الجميع : صباح النور
وبدءوا في تناول الطعام
امينه : قصي هو احمد لسه مصحيش
قصي : لا يا امي صحيته ونازل ورايه اهوه
عبدالحميد : سامي انت ومحمود خليه فطار وحصلوني على المكتب وغادر
اتجه سامي ومحمود الي المكتب ودخله
سامي : ايوه يا بابا
عبدالحميد : اقعدو ، عادل المنصوري كلمني امبارح وطالب حتتين اثار واتفقنا علي الميعاد والمكان وانت ومحمود الي هتروحه بنفسكم وتاخده الرجاله معاكم عشان تسلم و الحاجه
محمود : حاضر بس ايه اخبار الصفقه عادل ده مش سهل و مستحيل يسبنه نكسبها
اردف سامي : فعلا يا بابا وبعدين كفايه ابنه عامل زي الحيه ومعروف عنه انه مش بيخسر ابدا
عبدالحميد : عارف كل ده وبعدين هو مدخلش صفقات احنا فيها وانا واثق ان اولادكم قدها وان قصي مش هيسيب الصفقه دي غير وهو كاسبها
المهم تروحه تخله الرجاله تحفر تطلع حتيتن اثار عشان التسليم بكره
قصي : انت واقف بتع
احمد : هششش تعالى معايا بسرعه

************************
يلا يامودة عشان متتأخريش
موده : حاصر ياصفا تقوم اهوه
صفا : انا مش عارفه إني مش بتظبطي المنبه ليه
مودة وهي تقوم: كفايه انتي عليا يختي
صفا : عشان تعرفه قيمتي بس لما اتجوز واسيبكم شغاله منبه وبوابة وطباخه في البيت يعني انتم من غيري ولا حاجه
دخلت سامية وقالت : طب قومي انشري الغسيل ده
صفا : شوفتي ونشارة كمان
ضحك كلا منهم  وذهبت مودة الى الحمام لتتحمم وتغير ملابسها وبعد أن انتهت
سامية : يلا يا حبيبتي عشان تاكلي
مودة : حاضر ياماما ،واتجهت الى والدها وقبلته من مقدم رأسه وقالت : صباح الفل يا عم الكل
محمد بضحكه : صباح النور يا حبيبتي
رامي بزعل مزيف : وانا مفيش صباح الخير ليا وشارو علي كده
مودة : احلى صباح في الدنيا يروح قلبي وقبلته من خده
دق جرس الباب وذهبت مودة لتفتح
ادهم : صباح الورد
مودة بضحكه : ياصباح الياسمين
ذهبت صفا إليهم : يا صباح الي بتغني
ضحك ادهم وذهب للداخل وقال : صباح الخير
الجميع : صباح النور تعالي يابني قالتها سامية
ذهب وبعد جنب رامي
رامي : نمت كويس يازملاه
ادهم :  زملاه عليا النعمه اللي دخلك طب ظلم المهنة
صفا بمرح : يسطا كل عيش معانا وبعدين مش احسن ما الناس تقول عليه فافي صح يافخامه
رامي : ههههههههههه صح يا عم الناس
مودة : يا حول الله طب دي وفقدنا الأمل فيها انت يارامي هتبقي زيها
صفا وهي تقف على الكرسي ويدها في خيرها : نعم ياعمررري ومالها دي ان شاء الله
مودة وهي تتجه الى الباب : زي الفل سلام عليكم
سامية : سلام يا حبيبتي متتأخريش ، انزلي بقي هتفضلي متشعلقه فوق كده
صفا : اصل الطول حلو اوي ياماما حبيبة الموضوع
****************************
قصي بصدمة : يا نهار اسود ايه الي بتقوله ده
احمد : والله العظيم زي ما بقولك كده انا كنت نازل وسمعتهم بالصدفة
قصي وهو يمرر يده بين شعره : طيب ننزل احنا عشان محدش ياخد باله ونتكلم بعدين
واتجه للأسفل
قصي : مش يلا ولا ايه يا شباب ورانه شغل
أحمد : هو جاسم فين
مراد : محدش شافه النهارده
دخل جاسم الي القصر وتفجا به الجميع
قصي : انت كنت فين
جاسم : كنت عند واحد صاحبي خمس دقائق واحصلوا تغير علطول
قصي : ماشي متتأخرش
نظر جاسم لسارة وغادر الى غرفته
فهم قصي ان حاله جاسم بسبب شقيقته
ذهبوا الى الشركة 

مني : صباح الخير يافندم
قصي : صباح النور شوفي مهندسه مودة جت ولا لا
مني : تحت امرك يافندم
دخل قصي الي المكتب وبعد دقائق
مني : لسه موصلتش يافندم
قصي : طيب اول ما تجي خليها تجيني
مني : تحت امرك حاجه تاني
قصي : هاتي قهوة
منى : حاضر بعد ازنك
************************
يادي النيلة انا اتأخرت اوي  لو سمحت هو فاضل كتير على ما توصل
السواق : لا قربنا خلاص
مودة تحدث نفسها ، هيفضل يتشنج عليا بقي ومهيصدق يمسكه لي
وصلت مودة  إلي الشركة  وسارت للداخل
انسه مودة مستر قصي سأل عليكي ، قالتها العاملة
مودة : حاضر هروحله ،ربنا يستر بقي وميسمعناش كلمتين
صارت مودة الي مكتب قصي ، مني مستر قصي جوه
منى : ايوه اتفضلي هو سأل عليكي
مودة : ماشي
دقت الباب وسمح بالدخول وقفت مودة وقالت : احد مستر قصي انا اس
قطعها قصي بغضب وقال : ……………..
يتابع