نـوفيـلا: حاره ضرغام "مكتمله"

الفصل الرابع والاخير

مر ما يقرب من الشهر  ،  وقد حقق الله حلم ويوسف ومجموعه ناسب الكليه التي كان يحلم بها منذ صغره  ،  وينتظر بدايه الدراسه بفارغ الصبر

في مساء أحد الايام ذهب راضي وفتحي الي أحد البيوت في آخر الحي فقد تم إستدعائهم ليحلوا مشكله مـا كما هم معتادون

سمع راضي وفتحي المشكله دون مقاطعه المتحدث نهائيا ثم بدأ فتحي بالكلام

- بص يا محمد يا ابني انا مش هكلمك علي أساس انك جاري  ،  لا هكلمك علي اساس انك زي سليم وخالد ويوسف  ، فلو عايزني اتدخل وانصحك فـ انا تحت أمرك لو مش عايز ليك الحق كله

نظر اليه محمد وقال سريعاً  :  العفو يا حج راضي اتفضل طبعاً

إبتسم راضي بهدوء ثم اكمل بجديه  : خلاص يبقي تاخد الكلام مني من غير زعل ولا حساسيه  ،  اللي انت عملته يا محمد مينفعش  ، مهما كان اللي حصل بينك وبين مراتك مينفعش انك تمد ايدك عليها او انك تشتمها بأهلها  او تشتمها اصلا ،  ليه...؟!  اولا ربنا سبحانه وتعالي ولا رسولنا الكريم وصانا بكده  ، ثانيا لان اهلك مش احسن من اهلها او العكس  ، هقولك كلمه ابويا قلهالي زمان وقالها لفتحي  ، قال الست لو شتمتها فهي لسانها مش مقطوع والست منها نوعين ياما تكون مستبيعه وترد عليك الشتمه وتشتمك زي ما شتمتها وترد شتيمه اهلها وساعتها هيوصل الموضوع للطلاق لان الحياه ساعتها هتبقي شبه مستحيله  ،  اما النوع التاني هتشتمك برده بس من جواها او هتدعي عليك ومن قلبها اوي ودي ممكن تكون خايفه علي عيشتها عشان عيالها مثلا  ، خد الكلام دا مني بروح حلوه ومتزعلش  ، عمر ما كانت الرجوله بفرد العضلات ومد الايدين علي واحده ست  " استوصوا بالنساء خيراً " وعمر ما كانت الرجوله بالصوت العالي اللي يسمع بيكوا الناس  ، دا ربك ستار انت بصوتك العالي في خناقاتك مع مراتك بتفضح اسرار بيتك بره  ، وخليك فاكر ان الست مش ضعيفه يا محمد يا بني انت ممكن تيجي عليها مره واتنين والف بس اعرف واتأكد انها هيجلها يوم وهيفيض بيها  ، هديك مثال انت لو جايب ماسوره حديد وفضلت تدق عليها مش هيحصلها حاجه بس لو فضلت تدق وتدق بعزم ما فيك هيجلها يوم وتنكسر بس اعرف ان الست مش هي اللي هتتكسر لا ساعتها قلبها هيجمد أوي  ، فـ انت يا ابن الناس مش متجوز واحده تمرمطها ولا تزلها فـ انك تشتمها وتضربها  ، كل البيوت فيها مشاكل  احنا بشر مش ملايكه يا بني  ، بس في مشاكل بتخلي النغوس تشيل متصفاش  ،  مفيش راجل يقدر يعيش من عير اليت  ، انت لو بعد الشر تعبت مراتك هي اللي هتاخد بالها منك وهتراعيك  ، ولما مراتك تغلط مش هقولك اسكت عاتب ولوم وليها اهل ترجع ليهم وكله بالحسني بيعدي  ، الناس يا بني في شارعنا مش زي بعضهم لما بتتخانقوا وصوتكم بيعلي فيه اللي بيقول ربنا بيهديهم وبيدعلكم وفيه اللي بيشمت فيكم  ، انتوا الاتنين غلطانين المفروض تقعدوا مع بعض تهدوا نفوسكم وتعيدوا حسابتكم انتوا لسه شباب في بدايه مشواركم لازم تبتدوه صح بكره ربنا يكرمكم بعيل او بعيله لما يكبر يشوف امه بتعامل الوه بحب مش بخوف وزهق ويشوف ابوه بيعامل امه بالحسني والرفق فيطلع هو كمان كده  ربنا يهدي سركم ويهديكم لنفسكم بإذن الله واتمني متزعلش من كلامي يا بني ربنا يعلم اني بكلمك بعشمي فيك