ظلت حرب النظرات قائمه بينهم في عنف وسليم لم ينزل عيناه عنها ابداً ، وقد لاحظ عدد من الموجودين ذلك ولكنهم لم يتحدثوا او يتدخلوا في الامر ، قام راضي وفتحي بعدما حمدوا الله وشكروا في الطعام ومن بعده يوسف وخالد ، بينما قام سليم مره واحده واتجه اليها ومسك كفها بقوه وسحبها خلفه ، هبط الي الاسفل حيث الشقه السفليه ومازال يسحبها خلفه بقوه ، اما هي قلبها كان يعمل كالمطرقه ، دلف ودفعها للداخل ولكنه ترك الباب مفتوحاً ثم قال وهو يشير الي ملابسها من اسفل الي اعلي
-ايه اللي انتي لابساه دا..؟!
نظرت اليه بقلق ثم قالت بتوتر شديد : عبايه
اتجه اليها بخطوات سريعه وقبض علي معصمها بقوه قائلا بصوت حاد
- عبايه ، من امتي بتلبسي العبايه وهي مجسمه جسمك بالمنظر دا..؟!
نظرت اليه بدموع وقالت : مكنش في حل غير كدا
قطب جبينه بعدم فهم وقال : يعني أيه مش فاهم..؟!
مسحت دموعها وقالت : عشان تكلمني انت بقالك يومين مبتكلمنيش
نظر اليها بصدمه من عقلها وشدد علي ذراعها قائلا
- تقومي تلبسي عبايه بالمنظر دا عاوزه تفوري دمي ، وبعدين مبكلمكيش ليه هاا..؟! مش خرجتي من ورايا واعتبرتيني كيس جوافه يا هاجر اتجاهلك احسن ما اتنرفز عليكي...!!
نظرت اليه بدموع ألمت قلبه وقالت بضعف
- انا اوقات بحس انك مبتحبنيش ، انت علي طول متجاهلني حتي المكالمه بتكلمهالي دقيقتين وبتقفل بحسبني تقيله عليك ، قولت اعمل اي حاجه عشان اشوف رده فعلك
هدأ بركان قلبه قليلا ولكن عقله سيجن منها نعم هو ليس بالرجل الرومانسي ولكنه يحبها بل يعشقها تلك حبيبه طفولته ومراهقته وشبابه كيف لها ان تقول ذلك ، ولكن هدأ قليلا معني كلامها ودموعها يأكدوا حبها له
ارخي يده قليلا عن معصمها ومسك وجهها بكفه بهدوء ونظر الي عيناها بنظرات محبه صادقه وقال
- مبحبكيش ازاي يا هاجر ، دا انا عنيا مبتشفش غيرك ، دا انا بخاف وبغير عليكي من نسمه الهوا
وجدت نفسها لا اراديا تبتسم ببلاهه ابتسامه واسعه سعيده وهمست بفرحه
- بجد يا سليم ...؟!
شعر بالذنب لتلك الدرجه كان يحرمها من اقل كلمات الحب ولكنه يقسم انه يحبها ، ابتسم وحرك كفه علي وجنتها بنعومه وقال بصدق
- بجد يا قلب سليم
ازال بقايا دموعها برفق ثم قال بجديه هادئه
- بصي يا هاجر انا يمكن مش الراجل الرومانسي اللي كل دقيقه هيقولك كلام حلو ، بس خليكي واثقه ومتأكده انك مسيطره علي قلبي كله يا هاجر
أنت تقرأ
نـوفيـلا: حاره ضرغام "مكتمله"
Roman d'amourنوفيلا خفيفه من أربع فصول هتنزل كامله يوم 30/6 ، كانت من ضمن احتفاليه جروب "بيت الروايات والحكاوي المصريه"
