براءة قدر (مكتمله)

البارت السابع ❤

هيلاو حبايبي
ارجوكم اذا متعجبكم الروايه قولولي حتى امسحها وماتعب نفسي بالكتابه  واذا عجبتكم تصويت+تعليق
يلا نبدي

الكاتبه/زهراء نعيم

اسد ببرود:وافقت عليج بعد مالعبو بيج لخاطر ابوي و وجودج مو مهم

اسيل بعدم اهتمام مصطنع :ش...ش..شكرا

اسد :روحي وساعدي والدتي بالشغل

اسيل ببرود:اصلا ردت اروح ممنتضرتك تكلي

اسد بغضب :هم ملعوب بيج و هم ام لسان كليلي منو هو الدخلتي لبيتج

اسيل*
انصدمت من كلامه و انكسرت حسيت نفسي مسويه شي غلط ضليت ساكته مجاوبته باوعت عليه بنضره حقد وطلعت رحت لحديقه مال بيت ضليت ابجي حسيت بالانكسار زوجي الي لازم يصير سند الي يحجي عليه هيج  *ياربي ساعدني لا لا ملازم اضعف  اني مسويت غلط *مسحت ادموعي وعدلت نفسي ورجعت دخلت

حسن:اسوله ابوي يكلج حضري نفسج راح يجون اعمامي وعائلتهم

اسيل :ماشي يحلو بس حباب روح كعد اسد رجع نام

حسن :خوش رايح

صعد حسن يكعد اسد واني رحت اساعد ام اسد

ام اسد:بنيتي بعدج عروسه ليش كاعده من وقت

اسيل:عمه ضجت اريد اسااعدج

ام اسد:بنيتي راح تجي بنت عم اسد الي مفروض تصير مرته اسمها أمل هيه صديقت اسد من الطفوله وهيه تحب اسد كلش يعني الاريد اكوله راح تذبلج حجي وتضوجج بس معليج بيها

اسيل:ماشي عمه

ابو اسد بضحك: اكول ليش البيت منور طلعت اسيل بي ههه

اسيل بضحك:ههه انته اصل النور عمو

ام اسد بضحك:لو تشوفون سالي وحسن شلون واحد يحب الثاني يموتون ضحك

ابو اسد: هوه سالي محجوزه الحسن...اسيل بنيتي رايدج بموضوع تعاي للمضيف انتي وأسد

اسيل :ماش..
قاطع كلامي صوت صراخ اسد بـ اسمي 

اسد بصراخ :اسسيل اسيل

اسيل :ه..ها

اسد بغضب: ليش مصعدتي كعدتيني ها ليش تدزين اخويه هوه مو خدام عندج 

اسيل بخوف: ج..جنت اساعد عممه

اسد بغضب: اخر مره بعد تصعدين انتي تكعديني مو تدزين اخويه مو يشتغل عندج هوه

ابو اسد :اسد احجي عدل ويه البنيه هيه مو خدامه يمك فهمت لو لا ... ويلا تعالو يلا رايدكم بموضوع

اسيل بحزن :جايه عمو

راحو كلهم بقيت بس اني و اسد باوعت عليه صارت عيوني بعيونه ضيعت نضري حتى لا يصير بعيونه

اسد: راح تجي بنت عمي امل اي شي تكلج تتحملين وسكتين متردين

اسيل بغضب:انته شنو مشكتلك وياي خليها بعلمك اذا تجاوزت ماسكتلها

طلعت بسرعه للمضيف لان لو باقيه جان بجيت

دخلت وشفت عمي كاعد اشرلي بمعنى تعاي كعدي هنا

كعدت وانتضرنه اسد والحمدالله شرف الاستاذ

ابو اسد : انه و اسد وام اسد بس نعرف بالصارلج..اريدكم تبدون حياتكم من جديد تنسون الصار لـ اسيل مفهوم؟

اسد ببرود: انسه انو انلعب بيها؟شلون بله؟

ابو اسد بغضب:باع اسد انته مو طفل وتعرف كلش زين شنو يعني الاغتصاب فـ بطل كلامك المسموم مفهوم؟ وبعدين لتكلي انو انته متحب اسيل من نضراتك الها مبين.

قطع كلامنه حسن وهوه يكول

حسن:اجووووي اعمامي بويه بووويه اعمامي اجووو يمعود ابوووويه

ابو اسد: لك شبيك فتهمت والله

حسن بضحك:ها اي المهم اجو اعمامي

ابو اسد: راح اطلعلهم اسلم عليهم وانتو لحكوني

انصدمت اسيل وبسرعه اقتربت الاسد

اسيل :ا...اسد م..ملابسي

اسد*
كلامي ويه اسيل يجرحني اكثر مايجرحها صرت احس بشعور غريب كلما اشوفها بس من أتذكر أغتصابها شويه تلعب نفسي منها صعد عليه اخويه كعدني سالته منو الدزك لان مستحيل  هوه يكعدني كلي اسيل ضجت كلش وتعصبت لان اتمنيتها هيه تصعدلي ردت اشوفها كل ثانيه سويت حجه انو هوه مو خدام حتى بعد مدزه هيه تصعدلي بعد الكاله ابوي اني هم قررت انسه الصارلها وكلما اشوفها قلبي يدك سريع وبس يريدها بقربي واني صافن بجمالها وبوجها افكر قطع تفكيري صوتها الناعم

اسيل بخوف:ا..ا...اسد م..ملابسي

اول شي مفهمتها بس بعدين انتبهت لملابسها جانت دشداشه شبه قصيره  ومخصره  وشال ملابسه صح هيه مو محجبه بس اني جبرتها ع الحجاب

اسد :تعاي ابقي بالمطبخ واني راح اطلع اجيبلج شي تسترين نفسج بي

اسيل بخوف:ا...اسد  لا تروح  ح..حباب خاف يجي آحد 

اسد :لتخافين ماتاخر

عفتها ورحت طلعت حتى اجيبلها شي تلبسه
شفت اعمامي وعائلتهم سلمت عليهم وتقربت وهمست لـ ابويه حتى اكله لايدخلهم بالمضيف
امي شويه بعيده عن ابويه صاحتني وسالتي عن اسيل واني هم كلتلها

عند اسيل

اسيل
ضليت خايفه ماعرف شسوي المضيف عباره عن استقبال كلش كبير بي مطبخ و كم غرف بس مقفوله لان للخطار ويصير وره البيت لتجمع العشيره أو لمشاكل العشيره
واكفه وحدي بالمطبخ كلش خايفه حسيت بشخص وراي تفكيري راح للحادث الصار مال اغتصابي حسيت بشعور يخوف خفت يكون سليم وراي انداريت بسرعه وشفت شخص اول مره اشوفه ضليت خايفه ومصدومه  شافني دار ضهره وكال

مرتضى بخوف وصدمه :ا...ا...ااسف اختي اسف استغفر الله ربي بس

قاطع كلامه صوت بنيه ماعرفها ضلت تصرخ عليه

..... بصراخ :هااا هذا هم جريتي لج ممتربيه انتي ام الولد اسسسد تعال اسد
تعال اسد شوف مرتك تعالو شوفوها 

انتهى البااارت اتمنى يعجبكم ❤ تصويت و تعليق بليز ❤