براءة قدر (مكتمله)

البارت الثامن ☻☻

هلا مرات احس اني اكتب لنفسي  لان محد صوت للروايه  ممكن اعرف تعجبكم أو لا ❤❤

الكاتبه :زهراء نعيم

امل بصراخ :هااا هذا هم جريتي لج ممتربيه انتي ام الولد اسسسد تعال اسسسد
تعال اسد شوف مرتك تعالو شوفوها 

مرتضى بغضب:امل شدتحجين البنيه ممسويه شي سدي حلكج

امل بصراخ : لك شلون ممسويه شي دتخون زوجهه ويه ابن عمه

اجه الكل ع صراخها وهمه مرعبوبين

ابو اسد:امل شبيج بنتي شصار شكو

ام اسد بصوت شبه عالي: هم شسويتي مصيبه ست امل

امل :لا عمه هاي مرت ابنج السوت مصيبه

ام اسد بصدمه:شنوو

امل :دخلت وشفتها متقربه لمرتضى وشويه وتحضنه

اسيل
انصدم كل الموجودين وضلو يحجون عليه اني ماعندي قوه اجاوبهم جنت اباوع لـ اسد بنضره انكسار و قهر  وهوه هم ضل يباوع بعيوني بنضره غريبه كلش ومو مفهومه

ابو اسد:لا غلطانه مستحيل بنتي اسيل تسوي هيج

اسيل بحزن :ع...عمو والله ممسويه شي

امل :لج ليش هلكذب ام الولد اكيد تسويها اذا انتي مدخله ولد لبيتج وتكولين اغتصبني

انصدمت كلش ودموعي خانتني ونزلت مستحيل شهل كلام وشلون عرفت شديصير يا ربي باوعت ع الموجودين كلهم مصدومين وام اسد حزينه وابو اسد هم مصدوم هه يمكن
*ههه يعني ضحكو عليه يعني عمو ابو اسد كال لأهله عليه حتى يهينوني هيج *

معرفت شجاوب اكتفيت بالخروج ركضت برا   طلعت من المضيف مو مهتمه لكلام الحيه وراي  

امل (الحيه): ليش رحتي ها ماعندج جواب يالخاينه

اقترب اسد من امل وصفعها قوي (ضربها راشدي ع خدها)

اسد بغضب :اسيل مرتي وغصب عنج تحترميها وهيه مخانت ومستحيل تخون فهمتي لو افهمج بطريقتي وبعد ممنوع اسمع صوتج مفهوم

امل بحزن:اسد تضرببني علمود خاااينه

اسد:بس لتعيدين هاي الكلمه فهمتي اسيل مو خاااينه

امل بأستهزاء : والسوته ويه مرتضى مو خيانه؟

اسد بعدم اهتمام  :......

........................................
اسيل
طلعت من المضيف ورحت لغرفتي سديت الباب وكعدت ع السرير انهاريت من البجي اول شي فكرت بي هوه شلون اثبت برائتي كدامهم شلون اثبت ل اسد اني مسويت شي شلون يا ربي 
......................................................

امل عمرها 19 سنه مواصفاتها حنطاويه وعيونها بني وكلش سمينه عائلتها بنتين تؤم عمرهن 20 وهيه  و ولد واحد عمره 32 وابوهم وامهم
محمد و فرح و مرح و امل

اسيل
ضليت ابجي لحد مدخلو عليه بنتين حلوات ماشاء الله
عمرهن 20 حنطاويات عيونهن عسليه و ضعيفات

خفت اكيد جايات يضحكن عليه باوعت عليهن وكلت

اسيل بخوف وحزن: منو انتو؟؟

فرح : اني فرح وهاي تؤمي مرح

اسيل بحزن: بنات عم اسد ؟؟

فرح: اي خوات امل

اسيل بصدمه وحزن : لعد اكيد جايات تحجن عليه لان ازوجت الي مفروض يصير زوج اختكم

مرح بضحك: لا غلطانه اجينه نكلج امل متستاهل اسد انتي تستاهلي ولتخافين الصارلج نعرفه

مسحت دموعه وعدلت  كعدتها  وكالت

اسيل بحزن :ها قصدج حادثة اغتصابي

مسحت فرح بـ لطف على رأس اسيل وكالت وبعيونها حزن

فرح: لا مو بهذا الموضوع وبعدين انتي ليش حزينه الصار مو بأرادتج و السوه هيج يجي يوم ويتعاقب

اسيل: ان شاء الله هسه خايفه من اسد ماعرف شبي وياي خايفه يكون عنده حبيبه وبسببي تركو

فرح بضحك: لا بالعكس خطيه هوه ميحب الارتباط ولا يباوع للبنات بس بيني وبينج من نضراته الچ بيها حب

جاوبتها وهيه تبچي وتشهك ووتنفس بقوه

اسيل ببچي:لا غلطانه هذا نضرات حقد عليه و بعدين هسه اني مقهوره مو علموده بس

فرح ومرح: بس شنو؟

اسيل: بس مقهوره علمود عمو ابو اسد هسه ينزل راسه بسببي واني ماعرف شلون ادافع عن نفسي

ضحكت مرح وفرح
واما اسيل فـ انقهرت وكالت اكيد يضحكن عليه

فرح: مو داكلچ نعرف كلشي صار ..يعني نعرف هسه الصار وياكم.

مسحت دموعها وتنفست شهيق وزفير قوي وكالت

اسيل بصدمه:شلوون.

بدت مرح تحجي كلشي  وسط صدمة واستغراب اسيل

انتهى البااارت اتمنى يعجبكم ❤

تصويت +تعليق بليز