رواية عشق بالإكراه "من سلسلة العاشق المتملك " بقلمي منة الله نصر

❤البارت الأول❤

《رواية عشق بالإكراه 》
《من سلسلة العاشق المتملك》
《البارت الأول》

قبل ما نبدأ روايتنا لازم نعرف الأشخاص اللي هتدور الأحداث حول حياتهم
راسل ❤غرام
جاد❤صبا
إياس ❤ليالي
أنس❤سارة
زياد❤أيه

لنبدأ مغامرة جديد يخوضها أبطال افكاري إلي مصير مجهول يتوج بأسم العشق.......

كانت تسير بتعب غير عابئة بالنظرات الفضولية من حولها فكل ما يهمها ان تصل الي سرايا جدها سريعا قبل ان يلحق بها والدها وبعد العديد من الوقت وهي تسير دون توقف هتفت وقد أُرهقت حواسها
_ ايه ياربي البلد دي كأن الشمس سايبه الدنيا كلها ومتصدرة علي دماغي انا
قاطع حديثها و سلسلة افكارها المزدحمة صوت قوي جعل كل خليه بجسدها ترتعد بقوة ،لم تهتم هي الي هتافه قدر ما اهتمت الي نبرة صوته القويه تشعر انها مست قلبها ،قاطعها مجددا لكن ليس بهتافه بل بقبضته القوية التي جذبتها بقوة لتستدير سريعا وتسقط بأحضانه ....لتصمت الألسنة تاركه زمام الأمور الي القلوب التي تنبض بقوة معلنه عن قصة عشق جديدة سوف تدون قريباً ،قاطع عاصفة المشاعر الهوجاء تلك همهمات التي خرجت من افواه متطفلة واخترقت اذنه هو فأبتعد عنها سريعا ونظر لمن تركوا اشغالهم ويتابعون ما يحدث بحدة جعلتهم يديرون وجوهم سريعا ويعودن الي عملهم، اشاح ببصره عنهم و صمت قليلا ليستعيد رباط اجشه الذي افتقده عندما التقط عيناه بخاصتها ،اخرجه من صمته صوت هتافها الحاد لكنه التمس بضع من التوتر في حديثها
_آاا انت ازاي تشدني كدة يا أستاذ انت
نظر لها بهدوء وكأنها لم تلقي حديثا حاد علي اذنيه لكن سرعان ما هتف بنبرة يكسيها البرود
_انا كنت بكلمك ومشيتي وسيبتيني كأني هوا وبعدين انا عايز اعرف انتي ميين
غرام وقد منحت لكلماته بضعاً من الأهتمام وهتفت بنبرة مستفزة غير معتادة عليها
_وانت ايه دخلك
نظر لها بغضب ولأول مره يفقد أعصابة بهذة السرعه فدوما ما يلقب "بالبارد"
_اتكلمي عدل يا بت انتي وقوليلي انتي مين وايه اللي جابك هنا
علمت الدموع مجراها علي وجنتيها الحمراوتين ، فأخذ يدخل الهواء الي صدرة بصوت مسموع حتي يهدأ وبعد عدة دقائق نظر لها بضيق وهتف
_انا سألت سؤال عادي علي فكرة بس انتي اللي اتكلمتي بطريقة مش كويسه وفي الآخر بتبكي
نظرت له بخوف وتوتر ثم رفعت يديها وكففت دموعها بأكمام ردائها الوردي الثمين بطريقه طفوليه للغاية وهتفت بصوت مبحوح
_ما حضرتك اللي خضتني وانا ماشية وغير كدة انا مش متعودة اتكلم مع حد غريب
نظر له بأعجاب ظهر علي قسمات وجهه واخذ يمرر بعيناه علي كل انش بوجهها حتي انتقلت عيناه لتتفحصها من ردائها المحتشم الذي يصل الي اخمص قدميها ويلف طول ذراعيها بشكل منمق حتي معصمها ..الي حجابها...وآه من حجابها الذي زادها جمالا ...وعينها التي تأخذ لون العسل الصافي مع اشعة الشمس الساقطه عليها فكانت لوحه مرسومه بأحترافية جعلت قلب راسل النويري يخفق عدة مرات تمهيدا لعشق سيتيم به قلبه البارد !!!!!!!
بينما هي كانت تبادله تلك النظرات ،كانت عيناه معلقه بتلك الغيوم العاصفه بعينيه فصنعت لونا رائعا جعلها لم تقدر علي ابعاد عيناها عن خاصته. كانا غير عابيئين بتلك النظرات من حولهم فقد خلي الكون بأكمله وبقي الشمس والقمر فهل سيجتمعا يوما ما !! ....هل يجتمع النهار والليل بأنٍ واحد... لا يوجد محال بالعشق...فخفقات قلوبهم تلك تمهد لقصة جديدة لُقبت بعشق بالإكراه !!!!!
#رواية_عشق_بالإكراه_بقلمي_منة_الله_نصر❤
علي الجانب الآخر بمكان بعيد بعض الشئ يعلوا هتاف احدي بطلاتنا
_يا مدحت بيه انا سمعت كلام حضرتك كتيير اوي وجيت علي نفسي عشان حضرتك بس المرة دي سوري انا مش هاجي علي نفسي ولا هتنازل تاني
نظر لها الأب بغضب ظهر علي قسمات وجهه وجذبها من خصلاتها الحريرية بدون انذار وهتف
_الظاهر اني دلعتك زيادة اوي عشان تقفي وتعملي راسك براسي وتجادليني يا ست ليالي
نظرت له برعب وقد امتلئت مقلتيها بالدموع
_انا عملتلك ايه عشان تعمل معايا كدة ..ده انا عملت كل اللي طلبته مني ..حتي جامعتي اللي كان نفسي ادخلها منعتني منها ودخلتني محاماه عشان اجي اشتغل في مكتبك .. الست اللي انت اتجوزتها علي امي ومن فضل ربنا انها ست طيبة وبتحبني حرمتني منها.... وغرام اختي الوحيدة منعتني اشوفها وروحت غصبت عليها تتجوز ابن اخوك ولولا انها هربت كان زمانها متجوزاه ودلوقتي جاي عشان تقولي اتجوزي ابن عمك عشان اختك هربت ..عامل بناتك صفقة ولا بيعه رخيصه وكل ده ليه عشان انت واخوك مش عايزيين الميراث يطلع برة العيلة ...ده علي جثتي لو اتجوزت أنس.... سامعني علي جثتي
قاطعها ذاك الرجل القاسي المدعو والدها بصفعة قاسية هوت علي وجنتيها قائلا
_ انتي بت **** زي امك متعرفيش حاجة عن الأحترام ..واقفة بتكلميني ببجاحه ولا أكني ابوكي ..وقسماً بالله فرحك علي أنس هيبقي اخر الشهر ده ولما نشوف بقي يا بت فايزة انا ولا انتي
ثم خفف قبضته من علي خصلاتها وهتف بفحيح مرعب
_واختك ال*** اللي هربت دي وديني وما اعبد لأجيبها راكعه تحت رجلي واوريها مين هو مدحت الدمنهوري
نظرت له بغموض ونفضت يده عن خصلاتها وصمتت لدقائق وسرعان ما هتفت وقد حسمت امرها
_ موافقة اتجوزه بس بشرط
نظر لها بسخرية وقد علت ضحكاته الساخرة علي حديثها اللا قيمة له بالنسبة إليه
_انا مخدتش رأيك يا بت فايزة انتي هتتجوزيه غصب عنك اذا مكانش برضاكي
طالعته بكره يفيض من قسمات وجهها الأحمر اثر صفعته
_ هتجوزه وابين اني راضيه ومبسوطه علي الجنازة دي و هسكت ومش هعمل حاجة تبوظ خطتك ...وإلا انت عارف انا اقدر ارفع قضية واوديكوا كلكوا في داهية بالورق اللي معايا
طالعها والدها بصدمة وقد ابتدي جبينه بالتعرق وظهر التوتر الجلي علي وجهه
_آااه ورق ايه اللي بتتكلمي عنه
ظهرت شبح ابتسامة تسلية علي وجهها وهتفت قائله
_ ورق صفقة الأثار يا والدي...ولا اقولك بلاش دي ورق صفقة الأدوية الفاسدة اللي اتسببت في موت ابن إياس
نظر لها برعب وقد عجز لسانه علي الحديث فأكملت هي
_بس متقلقش لو سبتني اسافر الصعيد لجدي عقبال ما معاد الفرح ييجي انا مش هقول لحد
واخيرا حُلت عقدة لسانه قائلاً بشك
_ وانتَ ايه اللي يخليكي تكملي في الجوازة دي وانتِ لاويه دراعي ومعاكي ورق يودينا في داهية
نظرت له بتوتر واخذت تهتف بداخلها" الله يخربيتك يا إياس انت وأنس وغرام في يوم واحد انا كان مالي ومالكم بس"
قاطعها صوته الساخر وقد استرد بضع من ثقته
_ايه يا لولو القطة كلت لسانك ولا ايه
هتفت سريعا
_لأ يا بابي انا لساني زي ما هو ده اولا ثانيا بقي انا هتجوز أنس ليه فده عشان اضمن ميراثي ويبقي تحت ايدي نص الثروة
طالعها الاخر بصدمة جليه بينما هي حمدت الله بداخلها علي هذا السبب التي جاء بعقلها بينما ظل هو ينظر إليها بصدمة ويتردد بداخله العديد من التساؤلات
فمنذ متي ويشغل المال حيز من تفكير ابنته فدائما هي زاهدة للماديات ؟؟؟؟؟
ظلت التساؤلات تتدزاحم بعقلة حتي قاطعه صوتها
_انا هطلع احضر شنطتي عشان هسافر كمان ساعتين !!!!!
#رواية_عشق_بالإكراه_بقلمي_منة_الله_نصر❤
إما بمكان خارج أراضي الوطن
يجلس بهدوء غير عابئ بحديث الآخر لكنه زمجر قائلا عندما زادت ثرثرته اللانهاية لها
_هششش يا إياس اسكت يا اخي عايز اركز
عقب الآخر ببرود
_جاد سيبك من البتاع اللي في ايدك ده وركز معايا
نظر له جاد بحنق ثم وضع الكتاب الذي بيده بعناية علي المكتب الجالس عليه وقام بنزع نظارته الطبية قائلا
_اتنيلت ركزت معاك اتفضل اتكلم بقي عشان الحق اخلص اللي ورايا
ظهر الأسي علي وجه إياس عقب كلمات صديقه واعتدل في جلسته قائلا
_ليالي واجهت عمي وهو ما انكرش يا جاد
جاد بحزن وقد اعطي لهتاف صديقه كامل اهتمامه
_طب وهتعمل ايه معاها ومع عمك يا صاحبي
عقب الآخر وقد تلونت عيناه بلون الدماء وضغط علي الكأس الذي بيده فأصبح "إياس" بحق
_هي هندمها علي اليوم اللي فكرت فيه تلعب مع إياس الدمنهوري انما بقي عمي العزيز فأنا هسيبه لجدي يتصرف معاه
طالعه جاد قائلا وقد بدي متردد بضع الشئ
_طب وا و ليالي !!
إياس وقد احتدت نظراته فبدي مخيف بدرجة كبيرة
_مالها ليالي
التقط جاد كوبة المليئ بالقهوة واحتسي منه القليل قائلا بلامبالاة مصطنعة
_هتتجوز اخوك ولا في حد تاني
عقب إياس ببرود مصطنع
_اولا بلاش اللف في الدوران في الكلام ثانيا بقي انا هريحك ليالي دي بتاعتي ...ملكية خاصة لإياس الدمنهوري فبلاش تجمع اسمها مع سيرة راجل غيري عشان متشوفش وش إياس اللي علي حق
ظهرت ابتسامة انتصار علي وجه الآخر فقد وصل لمبتغاه فهتف وهو يضع كوبه علي سطح مكتبه الفخم
_اممم عجبني اللي قولته يا ابو الذئاب عشان كدة هقولك علي ملحوظة صغيرة
نظر له إياس بعدم فهم ورفع أحدي حاجبية فأكمل جاد سريعا
_ليالي بتحبك وده باين اوي من نظراتها ليك في اخر زيارة لما كان معاك صوفيا مراتك!!!
#رواية_عشق_بالإكراه_بقلمي_منة_الله_نصر❤
عودة إلي راسل وغرامه
راسل بصوته القوي قائلا
_امم بردة مقولتليش انتي ميين ودخلتي النجع ازاي من غير ما يوصلي خبر
نظرت له بضيق وقد تخلت عن هدوئها المعتاد
_طيب والله كلك نظر شايفني ماشية بشنط قد كدة والشمس عمودية علي دماغي وعايزني احكيلك قصة حياتي
ظهرت شبح ابتسامة علي وجهه لكنه اخفاها سريعا ثم تقدم منها والتقط جميع حقائبها قائلا بغروره المعتاد
_ورايا
نظرت له بغيظ وكادت ان تتحدث لكنها وجدته يسير امامها غير عابئ بها فتبعته بقلة حيلة وعقلها مشغول بشقيقتها
اما هو كان يسير ببرود ويهتف بداخلة" في ايه يا راسل ماكناش حته بت يعني وبعدين انت هتتجوز خلاص فمينفعش اللي انت بتعمله ده وبعدين انت بتعمل ايه بس لو انت شاكك في امرها خودها علي المركز "
قاطعه هتافها المصدوم
_هو انا ايه اللي جابرني امشي معاك
اعتلي فمه ابتسامة ثقة واستدار لها قائلا
_حاجات كتيير
عقبت بفضول
_وايه هي الحاجات دي
قاطعهم هتاف شاب يرتدي زي شرطة وكانت الصدمه لها انه قام بتقديم التحية العسكرية عندما وقف بمقابل راسل فعلمت سريعا ان هذا الغامض ظابط فأرتعد جسدها وتزاحمت الأفكار بعقلها
يمكن ان والدها اكتشف امرها وبعث ذلك المغرور لكي يعيدها إليه!!!!!!
يمكن ان يكون أحد المجرمين ويريد خطفها
قطع شرودها صوته ذو البحه الغريبة بالنسبة إليها
_اممممم اللي بتفكري فيه غلط!!، انا بس عايز اعرف انتي ميين وازاي دخلتي النجع من غير ما يوصلي خبر
طالعته بصدمة فكيف له ان يعلم ما يدور بخلدها دون ان تتحدث ، وسرعان ما وضعت يدها علي فمها اعتقادا منها أنها كانت تفكر بصوت مسموع ،فألتوي فمه ببسمة رائعه وتشدق بهدوء
_لأ متكلمتيش بصوت عالي
نظرت له برعب هذة المرة واخذت تقفز بطريقه مضحكة وتهتف
_عااا عفريت عفريت
قاطعها صوته الساخر بعد عدة دقائق مرت وهي علي حالها تقفز بفزع ظاهر علي قسمات وجهها
_مش كفاية تنطيط زي القرود !!!؟
نظرت له بحرج واعتدلت في وقفتها ثم قامت بترتيب ملابسها وحجابها وسألت بفضول
_هو حضرتك عايز تعرف انا ميين ليه
عقب وقد التوي فمه ببسمة اعجاب
_زي ما عرفتي انا ظابط ومسئوليتي تأمين وحماية النجع ده ،فلو تكرمتي عليا ممكن بطاقتك
_ انا بطاقتي مش معايا...بس والله انا م مش شريرة
قالتها بأرتباك وبراءة بعدما نظرت له بأطمئنان وقد رأت الصدق بعينيه،فعقب وهو ينظر لعينيها بقوة وكأنه يستشفي صدق حديثها
_اسمك ايه ؟!!
عقبت بسرعه وهي تزيل حبات العرق من فوق جبهتها
_غ غرام غرام مدحت
يا اللهي من المستحيل ان تكون هي !!!
فهي محبوسة بشقة الزمالك كما اخبره جده !!
ترددت هذة التساؤلات بعقلة وعصف الألم برأسه فهو لم ينم منذ البارحه ؟!!
فكان يشعر ان قلبه سيقتلع من صدره !!!
وكانت حبات العرق تتراكم علي جبينه العريض ويلهث بقوة حتي شعر ان روحه تكاد ان تتنزع من جسده ،فعقب بعد وقتٍ ليس بقليل حاول فيه ان يلملم شتات افكارة
_اسمك كامل !!
اتسعت حدقتيها دهشة من هذا غريب الأطوار
_غرام مدحت نور الدين الدمنهوري
ابتلع ريقه كشفرات حادة وعقب بآليه وكأن ظنونه أُكدت
_ايه اللي جابك الصعيد وازاي دخلتي النجع من غير بطاقة
هتفت وقد تخلت عن هدوئها وصرخت به كأنها تراهُ والدها
_حضرتك ظابط هنا واكيد عارف ان نور الدين اللي هو جدي يبقي عمدة النجع فأكيد جاية لجدي والحرس مش هيمنعوني اني ادخل ارضي عشان مش معايا بطاقه
طالعها ببرود قائلا
_هو انتي هربانه من والدك عشان متتجوزيش كنان وجاية هنا عشان جدك يجوزك حفيد صاحبه
ارتعد جسدها بقوة وظهرت رجفة شفتيها بوضوح
فجدها الذي جائت لتستنجد به من والدها اللعين يريد تزوجيها هو الآخر!!!
وذاك الغامض يعلم كل هذا
_ ه هو انت عرفت كل ده منين وبعدين مين قالك ان جدي عايز يجوزني حفيد صاحبه ده !!
_مش مهم عرفت منين. ومين قالي ،المهم اني عندي ليكي عرض يخلصك من كل ده
طالعته بلهفة...ترقب....خوف....اطمئنان العديد من المشاعر المختلفه تجاه ذاك غريب الأطوار كما اسمته بعقلها
_عرض ايه ؟!!
اجابها بحاجب مرفوع وبسمة تسلية اعتلت فمه.
_تتجوزيني ؟!!!!
رواية_عشق_بالإكراه_بقلمي_منة_الله_نصر❤

ايه رأيكم اكمل ولا ؟!!!❤❤
توقعاتكم ايه !!؟
رأيكم يهمني بجد❤

ايه سر راسل النويري وهل غرام هي نصه التاني واللي هتمتلك قلبه ولا القدر ليه رأي تاني ؟؟؟!

ايه حكاية إياس وليالي !؟؟؟

انشاء الله المواعيد هتبقي ٣ ايام بالأسبوع عشان مذاكرتي والبارت هينزل من بعد الساعه تسعه بإذن الله ❤❤

#رواية_عشق_بالإكراه
#من_سلسلة_العاشق_المتملك
#بقلمي_منة_الله_نصر