هتنزل بكرة اول فصل بإذن المولى فهل من متابع؟؟؟؟؟
《رواية عشق بالإكراه 》
《من سلسلة العاشق المتملك 》
《أقتباس》
ظلت تنظر له لدقائق قليله والبرود يكتسي وجهها
_بص يا إياس ...انا اكتشفت ان احنا مننفعش نفضل مع بعض فبلييز ساعدني اننا ننفصل بهدوء
إياس وقد احتدت نظراته
_يعني ايه
عقبت وهي تضغط علي يديها بقوة وهتفت بنبرة يكسوها الألم
_يعني اللي بينا انتهي.....مبقاش فيه حاجة اسمها إياس وليالي
اغمض عينيه بقوة ووضع يده علي اذنيه بألم لا يريد ان يسمع تلك الخرافات التي تتفوه بها كما اسماها بينما هي اخذت تضغط علي شفتيها كي لا تخرج منها شهقة وتسقط ببكاء مرير لكنها تمالكت نفسها سريعا وهتفت بخفوت
_اااإياس انا اسفه بس والله غصب عنى واتمني انك تسامحني ومتوقفش حياتك عليا
فتح عينيه وأزاح يده من فوق اذنيه ببطئ شديد عقب هتافها واخذ يدخل الهواء الي صدره كي يقدر علي الحديث
_بصي يا ليالي انا عارفك كويس وعارف انك بتحبيني..لأ بتحبيني ايه انتي بتعشقيني وانا متأكد من ده اوي ..فيا حبيبتي بالراحة كدة ومن غير لف ودوران قوليلي في ايه؟؟! ليه عايزة تبعدي عني وانتي بتحبيني؟؟! بتقسي بكلامك عليا ليه؟؟!!
طالعته بحزن والم ثم اقتربت منه والتقطت يده بينه يديها قائلة
_إياس انا بحبك اوي اوي اكتر مما تتخيل ،بحبك لدرجة اني مستعدة امووت بس اشوف ابتسامتك ، زماان يوم ما سمعت انك هتتجوز حسيت ان في سكينه شقت قلبي لأتنين ...حسيت اني همووت!!!
بس لما لقيتك مبسوط وضحكتك منورة وشك جيت علي نفسي وقولت افرحي يا هبلة ده حبيبك مبسوط ...افرحي ده بيضحك ، حضرت فرحك وفي حته من قلبي بتتعصر من الألم !!! وحته تانية بتتنطط من الفرحة عشان سعادتك دي ، مر خمس سنين ..خمس سنين يا إياس وانا بالليل بتخيلك في حضنها...بتخيلك وانت بتقولها بحبك ..ببقي نايمه علي سرير من ريش النعام وحاسه اني نايمه علي شوك..شوك بيقطع في جسمي كل ما بتخيلها بتلمسك بإيدها....ليها الحق انها تقرب منك وانا لأ
انهت كلامها بصراخ هز جدران المشفي ومزق نياط قلبه فتابعت بصراخ
_كنت بظهر قدام الكل طبيعية ومفيش حاجة بس قلبي بيبكي ....بيبكي بحسرة علي حبيب كسره وراح لغيره....بيبكي بحسرة علي فراقك؟؟؟!!!
صمتت قليلا ثم طالعته بألم و رفعت يده المحتجزة بين يديها وقربتها من فمها وطبعت عليها قبلة!!!
مجرد قبلة حملت العديد من المعاني
الحب؟!!!
الأشتياق؟!!!!
الألم؟!!!!!!
الحزن؟!!!!!
القسوة؟!!!!
قبلة جياشة طبعتها علي يده هزت كيانهما معا ، اقتربت منه وطبعت قبله حارة علي فكه المسكين الذي ارتعد بقوة هامسه بحرارة ودموعها تتساقط دون توقف
_بعشقك يا إياس وبعشق كل تفصيلة فيك، بس لازم ابعد...لازم عشان اقدر اكمل حياتي وانت كمان ...لازم تكمل حياتك
اخذ يتنفس بصوت مسموع وحل الصمت بالغرفة لم يقطعه سوي نبضاتهما...قلوبهم تنبض بقوة بفعل تلك القبلة ،ابتعدت عنه بعد وقت طويل وتابعت وتحاول ايقاف ذلك السائل الذي اغرق وجهها
_انت اصلا كنت عايش من غيري عادي ومش الأسابيع اللي قعدتها معايا دي هي اللي ممكن تخليك تحبني لدرجة انك متكملش من غيري وانا اتعودت علي فراقك !!!!
صمتت مجددا وكأنها تستعيد بضع من قوتها التي فقدتها وظهرت هشة مؤخرا وتابعت بعد دقائق قليله وهي تزيح اثار دموعها من علي وجهها
_عشان كدة انت لازم ترجع كندا يا إياس
واكملت بلامبالاة مصطنعة
_ولا اقولك خليك في مصر وانا هروح ل لليان اقعد معاها
نظر لها واخيرا قد تخلي عن صمته وصرخ بها بقوة
_هو انتي هبلة ولا بتستهبلي ولا ايه نظامك بالظبط ....هو اية اللي انا بحبك واتعذبت في بعدك بس لازم نبعد ، وده من ايه ده انشاء الله
رفعت كتفيها للأعلي دليلا علي لامبالاتها
_اهو ده اللي عندي مفيش جواز
اقترب منها حتي التصق ظهرها بالحائط وهمس بفحيح مرعب
_ اولا اتكلمي عدل يا بنت عمي عشان موركيش الوش التاني لإياس الدمنهوري ...للذئب ، ثانيا فرحنا اخر الأسبوع ده وابقي وريني بقي هتعملي ايه
صمتت قليلا ثم هتفت بقسوة غريبة عليها وصراخ
_لأ يا إياس مفيش فرح انت فاهم ...انا مش عايزاك ....مش عايزة اتجوزك
تقسم انها لمحت بعينه نظرة ألم لم تراها من قبل لكن سرعان ما تبدلت هذة النظرة بنظرة شراسة اعتادت عليها وهتف وهو يجذبها من خصلاتها بقوة حتي اصبح وجهها مقابل لوجهه ولفحت انفاسة الحارة صفحة وجهها
_ماشي يا ست ليالي...مش هنتجوز ،بس اسمعي الكلمتين دول كويس اوي ....لو جيتيلي راكعه مش هرجعلك فاهمة يعني ايه ...يعني احنا انتهينا من اللحظة دي...إياس وليالي بح !!!!!!!؟
#رواية_عشق_بالإكراه
#من_سلسلة_العاشق_المتملك
#بقلمي_منة_الله_نصر
أنت تقرأ
رواية عشق بالإكراه "من سلسلة العاشق المتملك " بقلمي منة الله نصر
Roman d'amour{خطط لخداعها من قبل رؤيتها،و نفذ ما خططه بالفعل لكن ما كان بالحسبان أن يقع في عشقها و يجبرها علي عشقه ليصبح عشقه لها "عشق بالاكراه "} #غرام_الراسل❤💜 #رواية_عشق_بالإكراه❤💜 #بقلمي_منة_الله_نصر ❤💜
