روبن و الدون ( مكتملة )

الفصل الخامس

بعد عدة ايام في مطار القاهرة

يتم الاعلان عن نزول الطائرة القادمة من المانيا

ايهم : مش عارف ايه لزمة البهدلة دي كان لازم كدا يعني

ابيلا بنظرة استخفاف : عايزنا ننزل من لندن عشان الكل يقول نزول حوت الاقتصاد لمصر لما و لماذا و ندخل بقي في صحافيين حشريين مش هيسكتوا

ايهم : طيب مكانش سؤال هو ثم يكمل بضحك بس حلو النيو لوك دا

كانت ابيلا قد وضعت باروكة شعر و غيرت لون رموشها و اخفت لون عيونها تحت نظارة طبية كبيرة

ابيلا بغضب : يا ابني نفسي اعرف انت حوت ازاي نفسي اشوف المعوق اللي قال عليك كدا

ايهم بضحك علي شكلها الغريب بالنسبة لشكلها الطبيعي : خلاص اسكتي و خليكي في شكلك و يلا نمشي عشان مش قادر اكتم الضحكة

ابيلا : بلاش تكتمها لتموت اضحك اضحك

و نترك ابيلا و ايهم ليكملوا طريقهم الي قصرهم
.....................🌠✨🎩.........................................

نتجه لاول مرة لفرع شركات الرفاعي في لندن

نجد رجل يظهر عليه الغضب يجلس علي المكتب

معتز : يعني ايه يا غبي هربت هنستعبط

مجهول 3 : يا باشا منعرفش ازاي

معتز : يعني واحدة متعرفش اسمها و لا اي حاجة تهرب هتكون راحت فين يعني دوروا عليها و مسمعش مخلوق يعرف باللي حصل

مجهول 3 : حاضر يا باشا

ليغلق معتز الهاتف و يقول بكره : مش هسيبكم ابدا الا اما اندمكم علي اللي فات
..................................🌠✨🎩............................

في شركة الرفاعي بالقاهرة:

كاسر في مكتبه : جهزت كل حاجة يا عمر

عمر : ايوا يا كاسر كله تمام

لتنغلق اضواء الشركة لفترة وجيزة

كاسر بقلق : في ايه اللي بيحصل هنا

عمر : معرفش دي اول مرة يحصل كدا

كاسر : اطلبلي البهوات اللي شغالين تحت يقولولنا في ايه

عمر : اهدي بس

و يمسك عمر الهاتف ليطلب احد العاملين في الشركة

عمر : ايه اللي حصل

زاهر : منعرفش يا عمر بيه مرة واحدة كل الكمبيوترات قفلت و منعرفش السبب اكيد عطل

عمر : طيب شوفوا و قولولنا

و يغلق عمر الهاتف

كاسر : ايه اللي حصل ؟

عمر : بيقولوا ميعرفوش و ممكن عطل و هيشوفوا