روبن و الدون ( مكتملة )

الجزء التاسع و العشرون

يتوجه عزت معه ثلاث سيارات من الشرطة الي المكان التي اخبرته اياه ابيلا و يامر عزت زين الي المكان الاخر معه اربع من السيارات ايضا ليغلقوا الطريق جيدا و يتجه كاسر الي الطريق التي اخبرته اياه ابيلا ليجدوا سيارة روجي امامهم مباشرة و ما ان راتهم قامت بتغير اتجاهها للطريق الاخر ليلحق بها كاسر لتجد روجي ان نهايتي الطريق مغلقة بسيارات الشر طة و انها اصبحت محاصرة من كل اتجاه لتوقف سيارتها سريعا و تخرج من السيارة سريعا متجهة الي السور الذي يعلو النيل تفكر في اسقاط نفسها هروبا منهم ولكن لحق بها ايهم الذي كان يرافق زين في سيارته

ايهم ممسكا بروجي : علي فين العزم يا روجي هانم

روجي : هتندم هتندموا كلكم هعرفكم مين روجي

ايهم : محدش قالك ان لكل فعل رد فعل و جه وقت ردود افعالك تتردلك
لتقاومه روجي لكن بدون ادني فائدة فقد احكم ايهم قبضته عليها ليقترب احد الضباط ساحبا اياها الي سيارة الشرطة

...........................✨🎇🎩..........................

في القصر :

تجلس رؤي بين قصي و مازن بعد ان عادوا من ذلك المكان المشؤوم و دموعها لا تهدا

قصي : والله يا ماما احنا كويسين و قدامك اهو

رؤي : لا انتم مش كويسين

مازن : والله احنا اهو

ابيلا و كاسر و هم يدخلون من باب القصر : انا عايز/ة اعرف كل حاجة

لينظرا لبعضهما ليقاطعهما قصي

قصي بلامبالاة : اقعدوا و انا احكيلكم
ليجلس الجميع بمن فيهم عزت الذي اتي بعد ان اطمئن من ان روجي في السجن و يبدا قصي بالكلام

قصي : الحكاية و ما فيها بالاختصار كدا ان اليوم اللي اتصبنا فيه عزت عرف بالصدفة ان معتز مات في حادث و مكنش قدامنا الا حد مننا يتنكر علي هيئة معتز بعد ما اتاخر قرار حماية الشهود و انا هسافر بهوية مزورة كانت خاصة بمهمة كنت فيها قبل كدا و انا سافرت و لما وصلت هناك مكانش قدامي الا اني اكمل بهوية قصي القاسم

مازن مكملا : اما انا كنت بدور علي رودي لحد ما عرفت اللي روجي عملته و انها حبساها حاولت كتير اني اخذها منها بس

ليكمل عزت : مكانش ينفع يا مازن كنت هتخلي كل العيون عليك و انت عارف اد ايه معتز كان بيكره رودي هتبقي غريبة اما ينقذها من روجي

ابيلا ناظرة لروي : و انت يا سيدي ايه اللي دخلك ؟

روي بلا مبالاة : و لا حاجة يا ستي انتي عارفة ان اني ليا في في اجهزة المراقبة و قصي قالي اني احط فيه جهاز تتبع  بس بعد موت قصي بفترة لقيت الاشارة قريبة من لندن و روحت للمكان لحد ما وصلت لقصر و قعدت كذا يوم لحد ما قدرت ادخل و اتفاجئت ان قصي قدامي و بعدها فهموني كل حاجة و مازن اللي خلاني اشتغل مع روجي و اوصله كل اخبارها و اخد بالي من رودي هانم

كاسر : طيب و روبيلا عملت فيها ايه و هي فين الوقتي؟

مازن مطمئنا اياه : هي مع رودي حاليا في المستشفي و شوية و هيجوا

لتدخل كلا من رودي وروبيلا لتتفاجا ابيلا من الشبه

الكبير بين رودي و روجي فقد كانت اول مرة تراها

لتسرع رودي الي عمتها رؤي محتضنة اياها و تسرع روبيلا الي مازن

رودي بحب : ماما وحشتيني اوي

رؤي بحزن مما عرفته عما حدث لها : سامحيني يا حبيبتي اني معرفتش افرق بينكم حتي بعد اللي كانت بتعمله قلت انك اتاثرتي بموت مازن

مازن بمرح : موت مازن فال اللي و لا فالك يا حجة

يحيي بغضب : اتلم يا لا

لتذهب رودي الي يحيي

رودي بحب :وحشتني اوي يا بابا

يحيي :و انت اكتر يا بنتي

ثم تنظر لكاسر الصامت

رودي بحزن : مش هتسلم عليا يا كاسر

كاسر مقتربا منها بمعالم وجه مبهمة : ازاي بس لياخذها في احضانه و يبكي كالطفل الصغير

لينظر قصي لصغيرته ليجدها تنظر لهم بحزن

قصي ناظرا لهم جميعا  : بما ان الكل فرحان بعودة الحال لحالة القديم فعايز اقولك خبر حلو

#SH🎩