روبن و الدون ( مكتملة )

الفصل الثاني عشر

في اليوم التالي في المشفي

تدخل رودي غرفة ايهم :

رودي : اهلا اهلا انسة بيلا

ابيلا : اهلا بحضرتك يا دكتور

رودي : اخبارك حضرتك ايه يا استاذ ايهم

ايهم : الحمد لله بس صداع بيجي و يروح

رودي : متخافش كله هيروح بعد العملية

ايهم : حضرتك قولتي انك هتقوليلي علي الميعاد النهاردة

رودي : ايوا ايوا يا ايهم بيه الميعاد اتحدد خلاص

ابيلا بقلق : طيب امتي ؟ و نسبة النجاح ؟

رودي مطمئنة : لا متخافيش خالص كله تمام و هي هتكون بكرا بليل بس محتاجين امضة حضرتك

ابيلا بقلق : امضي ليه ؟

مجهول ٢ : لا يا فندم دي حاجات روتينية

ابيلا : طيب تمام بس بليل ليه ؟؟

رودي : و لا غريبة و لا حاجة بس عشان الدكتور اللي هيعملها هيجي من برا فيعني علي بليل يكون وصل

ابيلا : طيب شكرا لحضرتك بس كنت عايزة اسال عن التكلفة

رودي بنيرة شر : متخافيش يا حبيبتي احنا هناخد التمن دايماا

ابيلا بشك : قصدك ايه ؟

رودي بتوتر مما قالته : لا مش قصدي حاجة انا بقول يعني ان التمن هيكون دعاء منك ليا و لاولادي يعني

مجهول 2 بصوت منخفض : والله ما انا عارف ايه الدمعة هتفر من عيني من كتر الطيبة و الحنية

لتنظر له رودي نظرة اخرسته

ابيلا : اهه طبعا هدعي لحضرتك مش كفاية حضرتك هتعالجي اخوبا الوحيد

لتتركهم رودي و تترك معهم المساعد ليعطي ايهم الادوية الخاصة بعمليته غدا

.............................✨🌠🎩.................................

في اليوم التالي صباحا في الشركة نجد للمرة الثانية في هذا الشهر يدخل كاسر و معه عناصر الشرطة لكن هذة المرة ليس لالقاء القبض علي زاهر الذي خرج بكفالة منذ يومين بل لالقاء القبض علي ياسر

ياسر بخوف : انا مالي انا معملتش حاجة زاهر اللي كتب العقود بتاعت الصفقة

كاسر بضحكة شر : و هو انا قلت لحد اننا قبضنا علي زاهر عشان صفقة المخدرات

ليتصنم ياسر الذي اوقع نفسه في شر اعملاه ليقوم العسكري بشد ياسر الي سيارة الشرطة

ليلحق بهم كاسر

عمر مناديا لابيلا : بيلا عايزك ثواني ثم يلتفت لزاهر و انت يا عم زاهر هترجع مكانك و مش عايزين اخطاء خالص

زاهر بفرح : حاضر حاضر يا عمر بيه

ليخرج عمر تتبعه ابيلا و في طريقهم لمكتب عمر

عمر : بيلا انت عارفة اني كنت عايزك تشتغلي مساعدة ليا بس انتي رفضتي و اصريتي علي الحاسبات صح ؟

ابيلا : ايوا يا عمر بيه

عمر : طيب حاليا انا مسافر يومين و هرجع تاني في الفترة دي عايزك تشتغلي مكاني

ابيلا بقلق : يعني اكون سكرتيرة استاذ كاسر

عمر بتفهم لقلقها : ايوا بصي يا بيلا كاسر طيب بس انتي لازم تعملي شغلك و متقصريش فيه و هو مش هيعمل حاجة هو عصبي شوية  عشان عايز كل حاجة تكون perfect

ابيلا بعد تفكير : تمام يا عمر بيه انا موافقة .

عمر : طيب تعالي معايا بقي اعرفك انتي مطلوب منك ايه

ليذهب كلا من عمر و ابيلا في طريقهم الي المكتب لياتي لعمر اتصال هاتي يجعله يغفل عن بيلا و يمشي امامها لتنظر ابيلا في هاتفها فتصطدم باحدهم

ابيلا : معلش اسفة جدا

السيدة و هي تنظر لها بذهول :.......................

ابيلا باستغراب حالتها : مالك حضرتك كويسة ؟

كان عمر يتحدث في الهاتف و عند انتهائه التف ليري ابيلا و لكنها كانت بعيدة و تقف مع سيدة ذهب لها عمر

عمر : مالك يا ابيلا في ايه لينظر للسيدة ليجدها رؤي جدة كاسر

عمر : مالك يا جدتو في ايه ؟

رؤي بعد ان افاقت من شرودها : اذيك يا عمر مفيش حاجة يا بني بس مين دي ؟ مشيرة الي ابيلا

عمر : دي ابيلا يا جدتو موظفة جديدة هنا و هتكون مكاني لحد ما ارجع من لندن

رؤي معاتبة : انت هتسافر مقولتليش ليه؟

عمر باسف : والله يا جدتو مكنت اعرف عمي معتز لسه متصل حالا و طلب وجودي هناك متزعليش مني

رؤي بتفهم : خلاص يا حبيبي مش زعلانة بس خلي بالك من نفسك

لتذهب رؤي مع عمر و لكن نظراتها مازالت تتفحص ابيلا
ليدخلوا الي مكتب عمر لتحدث رؤي ابيلا التي احست بطيبة تلك السيدة و عطفها

رؤي : و انتي يا حبيبتي ساكنة قريب و لا بعيد عن الشركة عشان كاسر بيحب النظام و اهم حاجة المواعيد المظبوطة

ابيلا بالفة لم تعتدها : ايوا بيتي قريب من هنا بس حاليا بروح المستشفي عشان اخويا هناك

رؤي : ماله ؟

ابيلا بحزن : تعبان شوية و هيعمل عملية انهاردة

رؤي بحزن محاولة مواساة الصغيرة : متخافيش ان شاء الله هتعدي علي خير ادعيلوا بس

ابيلا بحزن : يا رب

ليخرج عمر في ذلك الوقت و يرن هاتف رؤي و لكن لسوء الحظ ينفذ الشحن

رؤي : قفل طب اعمل ايه الوقتي عمر مش هنا و يحيي هيقلق

ابيلا : ممكن تتصلي من موبايلي لو عايزة

رؤي : شكرا يا حبيبتي شكرا بجد

لتاخذ رؤي منها الهاتف و تضغط الازرار لياتيها الرد

#SH🎩