အခန်း(၁) - လမ်းကြားထဲက ရန်ပွဲ
ကျောင်း၏အနောက်ဘက်တွင်ရန်ပွဲတစ်ခုကသည်းကြီးမဲကြီးဖြစ်ကောင်းနေသည်။
အော်သံတစ်ချို့နှင့်ပြည့်နှက်ကာထိုးကြိတ်သည့်အသံများကလည်းနေရာအနှံ့.......
ထိုးကြိတ်နေကြသည်မှာအထက်တန်းယူနီဖောင်းဝတ်ကျောင်းသားတစ်စု......
တစ်ဖက်ကကျောင်းသားသုံးယောက်နှင့်တခြားတစ်ဖက်ကတော့ဆယ်ယောက်ကျော်မည့်လူအုပ်....
ဒါပေမယ့်သုံးယောက်အဖွဲ့ကအသာစီးရနေသည်ကအဆန်းတော့မဟုတ်......
တစ်ပါတ်မှာအနည်းဆုံးသုံးလေးကြိမ်ရန်ဖြစ်လေ့ရှိသည့်ထိုကျောင်းသားသုံးယောက်ရဲ့လက်ရည်တွေကတိုးတက်လာစမြဲ....
ကြမ်းကြမ်းတမ်းတမ်းလက်သီးချက်များနှင့်ခြေကန်ချက်များကြားတွင်တစ်ဖက်ကျောင်းသားအုပ်စုမှာအတုံးအရုန်းနှင့်အလဲအကွဲ....
လမ်းမပေါ်တွင်လဲနေသောကျောင်းသားတွေကိုနောက်ဆုံးအနေဖြင့်ပိတ်ကန်လိုက်ပြီးနောက်မြေကြီး
ပေါ်သို့သုံးယောက်သားခြေပစ်လက်ပစ်ထိုင်ချလိုက်ကြသည်။
အရပ်ရှည်ရှည်၊အသားညိုညိုနှင့်တောင့်တင်းသောခန္ဓာကိုယ်ရှိသောကျောင်းသားကထလိုက်ပြီးခပ်လှမ်းလှမ်းတွင်ကျနေသောကျောပိုးအိတ်ကိုကောက်ယူလိုက်၏။
ထိုကျောပိုးအိတ်ထဲမှစီးကရက်ဘူးကိုထုတ်ပြီးနှုတ်ခမ်းတွင်တေ့ကာမီးခြစ်ကိုခြစ်ပြီးမီးညှိလိုက်သည်။
ပြီးနောက်တစ်ခြားကျောင်းသားနှစ်ယောက်ဆီသို့ဆေးလိပ်ဘူးနှင့်မီးခြစ်ကိုလှမ်းပစ်ပေးလိုက်ကာခေါင်းကိုမော့လိုက်ပြီးမီးခိုးငွေ့များကိုမှုတ်ထုတ်လိုက်ကာဝမ်းသာအားရအော်လိုက်၏။
"အား!!!!!!!!!!
ရန်ဖြစ်လိုက်ရတာကောင်းလိုက်တာကွာ
စိတ်တွေပေါ့ပါးသွားပြီးနေလို့ထိုင်လို့ကောင်းလိုက်တာ"
သူ့နောက်ဘက်တွင်ထိုင်နေသောအသားတော်တော်ဖြူသောကျောင်းသားကထလာပြီးစီးကရက်ကိုဖွာရှိုက်လိုက်ပြီးခပ်တိုးတိုးရီလိုက်သည်။
မတ်တပ်ရပ်နေသောကျောင်းသားနှစ်ယောက်၏နားတွင်ခြေပစ်လက်ပစ်ထိုင်ချထားသောကျောင်းသားကတော့အသံတိတ်စီးကရက်ကိုဖွာနေလေသည်။
YOU ARE READING
TRIANGLE
Fanfictionတစ်သက်လုံးလူရမ်းကားဖြစ်လာတဲ့ကောင်ကမင်းသာအလိုရှိရင်ချစ်စရာခွေးပေါက်လေးအဖြစ်လည်းပြောင်းလဲပေးနိုင်တယ် A man who has been a rogue his whole life can turn into a cute little puppy for you, if only you desire it.
