لما انا ؟

الجزء الثالث

كم صعب ان نفترق لثانيه 😔الا ان حبنا مجرد قصة تكتب على الورق 😍ونظراتنا تشرح نقاوة مشاعرنا 💖
*************
حسن:هااي شنوو ليش
ريماس:اسفة اسفة ما اقصد اعذرني خل اساعدك
ونزلت اساعده وجمعت الاوراق ويا وبعدين انطيته اياه واعتذرت

ريماس :اسفة اعذرني

حسن:😅مصار شيء وشكرا على المساعده

ريماس:تسلم حسن بااي

حسن :بااي

ريماس:
رجعت للبيت بعد مخلص الدوام سلمت على خالتي ورجلها وصعدت لغرفتي قريت كل دروسي ونمت

حسن :
سلمت الاوراق للادارة ورجعت للبيت بدلت وقريت كل واجباتي وكتبت ابحاثي ونمت

ريماس:
كعدت ب٩ باليل غسلت ونزلت حضرتلي عشه واتعشيت كعدت بالصاله ويا خالتي هي تحجي واني مندمجه وياها ههه سوالفها حلوة بس من جابتلي سيرة ما احبها ابد بس هاي المرة سئلتني بشكل مختلف

خالتي:ريماس اكو احد بحياتج

ريماس:
ثواني صفنت ما ادري ليش صورة حسن وابتسامته  اجت ببالي ابتسمت

خالتي:هاا اشو توزعين ابتسامات هاا😉

ريماس: لا خاله ما كو شيء بس اتذكرت موقف صارلي بالجامعه ويا طالب

خالتي:ومنو هذا 🤔؟؟

ريماس: طالب اسمه حسن من المرحله الرابعة اليوم راقبنا بالاختبار وصارت مواقف بيناتنا

خالتي:اها يلا بنتي باجر وراج دوام كومي نامي

ريماس:ابتسمت ببراءة وبست رأس خالتي وركضت لغرفتي كعدت على السرير واني اكل كاكو وأفكر بحسن ثواني حسيت نفسي ابتسم لا إرادي من اتذكره هههه معقوله حبيته لا الحب مو حقيقي واني حتى لو حبيته مستحيل يحبني ولا راح يهتم الي .وخرت الافكار من راسي ونمت .

خالتي: الوو ابني
     
راشد :هلا عمه ابتسام

ابتسام: اعذرني هي ما تحبك اترجاك ابني عوفها ليش تريد تجبرها اترجاك عوفها

راشد:عمه والله احبها ليش متفهم أموت من  اشوفها تحجي ويا غيري واني ابن عمتها اولى فيها من الغريب

ابتسام:شوف راشد ريماس هي بنتي يمنع منعا باتا تجي لحدها مفهوم .وصير على علم طول ما اني عايشه مستحيل اجبرها على اي شيء

راشد:مثل ما تريدين اني اعرف اشلون اخليها الي بااي .سديت الموبايل وذبيته على الجربايه وضربت الباب قوي اجت امل على صوتي

امل:ها راشد شبيك
راشد:ما كو شيء ارجعي لدروسج يلا حبيبتي

امل:ايي

راشد: طلعت امل واني كعدت ابجي اي ابجي لان أريدها احبها اموت عليها هاي بنيتي اني حبيتها من لمن جانت طفله لو لزم  الامر انهي عليها هي حياتي.

حسن:
كعدت الصبح بدلت قميص ثلجي وبنطرون اسود وحذاء رياضي ابيض ولبست نظارتي وجاكيت جلد ونزلت حركت سيارتي ووصلت للجامعه مبين اليوم غائم اكيد راح تمطر زين جايب مظلتي أخذت المظله ودخلت للقاعه كعدت اراجع البحث حتى أقدمه اني معروف بالقاعة بقله كلامي لهذا أغلب الناس متحجي وياي.

ريماس:
كعدت الصبح بدلت بدي اصفر يوصل للركبه حياكه ولبست تحته بنطرون اسود وحذاء رياضي اسود وجنطه سوده وتركت شعري مفتوح لونه مائل للاصفر ولبست كبع اسود ويا حلق بسيط وحطيت مرطب شفاه ولبست نظارتي واخذت كتبي وملفاتي نزلت خالتي اتفاجئت من شكلي اصلا اني مصدومه من نفسي اول مرة اترتب للدوام بهذا الشكل

ابتسام: اللهم صل وسلم وبارك على سيدنا محمد وعلى آله وصحبه أجمعين. يمه شهل الجمال والأناقة
طالعه باربي

ريماس: انتي الاحلى خاله .جوعانه اريد شيء اكله

ابتسام :من عيوني .حظرت لريماس ريوك اتريكت وطلعت اني كلش فرحانه لان داشوفها تتغير اكيد بسبب هذا حسن امم اتمنى تكون سعيده

ريماس:طلعت للخط وصلني للجامعه وراح نزلت ردت افوت جان اشوف حسن مدري ليش وكفت اتصفن بملاحمه لحسن حتى ابتسمت بدون علم هههه
كلبي ينبض ويرجعلي الحياة من اشوفه .قاطع صفنتي سما اوووف هاللزكه

سما:ها اشو هنا بت العم

ريماس:صباح الخير .اروح اتأخرت على المحاضرة وطلعت اركض ما تريد اختلط فيها هذا اكيد راشد دازها تراقبني امم

سما:  هاي شبيها اوووف واني شدخلني خل اروح اتأخرت.

ريماس:دخلت للقاعه ومع دخولي كل الطلاب انتبهوا اليا بحيث الكل كال

الطلاب:طالبه جديدة

ريماس: صرت طماطه ههه معقوله شكلي القديم هلكت يبزز المهم تنهدت وكلت

ريماس:لا اني ريماس

اراس:معقوووله انتي النابغة هيج طالعه

ريماس:خدودي صارت حمر واراس هو اوسم شاب بالقاعة كل البنات تركض ورا بس اني اكرهة كلت

ريماس:تسلم اخوي

اوراس:كومي الاء خل شطورتنا تكعد

ريماس: معجبني كلامه فكلت
عفوا ما اريد اكعد يمك اعذرني ورحت كعدت آخر شيء

الاء:بوووم في منتصف  الجبهة هههههه

اوراس:فشلتني كدام الطلاب بسيطه ريماس بسيطه هيج تسوين بسيطه

*مرت الحصة بدون تجديد صارت الاستراحه وبدأت الأحداث المهمه .

الى هنا وينتهي البارت اتمنى استمتعتوا لا تنسوا نجمتي +ورائيكم بالقصة والبارت وشتتوقعون يصير .

شغلوا اغنيه( الوعد وعد   ) للفنان حسين الديك
الاغنيه ترهم على هذا البارت

باااي ♡