لما انا ؟

الفصل الثاني (الجزء الاول)

كنا كما الربيع ،لكن ما ان جاء الشتاء حتى تجمدت قلوبنا،ولم نعد نهتم لبعض كما كنا سابقا!!
______________________________

ريماس:خاله صيحي عمو خالد يلا بسرعه

قمر:هسة عمه

قمر:خالد خالد خالد خلودي

خالد:كرصت خدودها وكلت هااا شكو

قمر:هههه عمه ريماس تصيحك

خالد:ها يلا خل نروح نشوف شتريد رموسه

ريماس:ها خالد جبتوا الذبايح

خالد:علمود هذا جبتيني من برا لحد المطبخ

ربماس:وجهت نظرة برود اله وكلت

اي لو لا

خالد:محد يكدر يتشاقة وياج عيني اي جبناهم

ريماس:تمام يلا روح ميصير تبقى عيب

خالد:هسة صار عيب يلا عموما اني اطلع اشوف وين صار عريسنا

ريماس:عفية باخويه يلا رووح

خالد:تمام ،طلعت من البيت واتجهت للسيارة شغلتها وحركتها حتى اروح لصالون الحلاقة عند صلاح

سامر:ايي يا اخويه هاي راح تتزوج قبلي ومن منو هههه الحب يمه الحب

صلاح:متنجب لا اهفك براشدي

سامر:اشكلنا غير اريد اخجلك

صلاح:بربك تريد تخجل ضابط بالجيش  ههه غباء

سامر:هذا خالد اجه
هلا خلودي

خالد:هلا سامر يلا مخلصتوا

صلاح:مخلص من زمان بس منتظرين سيارة الزفة

خالد:اني جبتها يلا العروسه منتظرة.

**صعدوا للسيارات بينما العريس (صلاح)كعد بسيارة    الزفه وهو يسوقها حتى يجيب عروسته امل !!!

امل: ماما خايفة

ام امل:لا تخافين بس كوني بطبيعتج هذوله يعيشوج ملكه اشكري ربج ولد عمج ما عارضوا ننطيج للغريب

امل:امم

صلاح :هلا عمه

ام امل:مراحب وليدي اتفضل عروستك جاهزة

صلاح:يلا اموله خل نروح

**اخذ صلاح امل وصعدها السيارة وخلص العرس صعدوهم لغرفهم وكل هاي الاحداث وريماس متعرف منو العروس!!لان ببساطه ما حبت تتدخل بشؤون البيت الي استقبلوها بعد ما شردت من بطش عمامها. او تكون سبب تدمر علاقتهم الاسريه الجميله.

ريماس:مهتميت هواي بعرس صلاح لانه هو ما يحبني ولا يطيقني واصلا اتغيرت هواي بعد ما صارت المشكله لهذا صارت الزفه واني بعدني ما شايفة العروس او منو هيه ولا اهتميت بمعرفتها كضيت العرس بالمطبخ احظر جاي وماي واكل العزيمه وبس ومن خلصت صعدت لغرفتي ونمت للصبح فزيت الساعه ٧:٠٠ غسلت وبدلت نزلت مع نزلتي شفت صلاح طلع ويا زوجته لكن الصدمه الصدمه الي مستحيل اي وحدة تنساها معقوله امل هي زوجة صلاح !!!فتحت عيوني على كبرهن طلعني من صدمتي صوت خالتي وهي ترحب باهل امل بس مدام امل زوجة صلاح هذا يعني انه أمها هي عمتي ام امل !!هذا الشيء اضطرني ادخل لغرفتي واكعد حتى صلاح اتفاجئ من تصرفي !بوجود امل هنا اكيد راح تنفتح مواضيع قديمه واذا انفتح هاي المواضيع يعني اني ما راح اطول ايام وارجع لعمامي واكيد حكمهم اما موتي او تزوجي واحد من ولدهم بس اني ما اكدر ارجع بعد الي صار ما اكدر ارجع من جديد لراشد لو حسن لو ابقى تحت تهديد امل وامها !!!

***بعد مرور ساعه

امل:نزلت كعدت على التخم منتظرة أخت صلاح الي كالوا عليها ما شافتني بالعرس لهذا اتحمست اعرفها

ريماس:بدلت ونزلت بكل ثقة وموجهة النظرة الواثقة الي كسبتها بسبب غدر الزمن وكفت بالصاله وشفت امل كاعده من شافتني وكفت وكالت

امل:هلا اني زوجة صلاح

ريماس:من كالت هاي الجملة،عبالك خنجر وفات بكلبي شغلة موتتني،هل لهذا السبب صلاح هيج سوى بيا،معقولة يهون علي وجعي وحسرتي!طلعني من صدمتي     صوت امل وهي تكول بصدمه !!!

امل:انتي ريماس بنت عمي !!!!!!

A.W