لما انا ؟

الجزء الثاني

اللقاء جميل .لكن هل طرقنا تتلاقى. هل خلقنا لبعض .هل خلقت من عضدك. يا فارسي 💜
*************

سما:هي انتي هذا مكاني

ريماس:هلا صباح الخير اسفة اعذريني

سما(دحكت الها بنظرة تعجب اشلون هيج متدافع عن مكانها امم) :ايي تمام

ريماس:كمت من عدها وكملت طريقي لغير مقعد كعدت بآخر مقعد وبدأت اراجع للامتحان ثواني ودخل الدكتور بس فاجئني من كال اسئله خارجيه اني مجان عندي مشكله بس الطلاب كلهم رفضوا بس الأستاذ اصر بنص الاختبار جان يجي للأستاذ اتصال رفع موبايله جان يصيح(هسة هسة جاي دقيقة ) اتفاجئت منه جان حاير ما بين الاختبار الي راح يحدد مصيرنا ولا الحاله الطارئه ثواني وشفت ابتسامه انرسمت على وجهة العجوز جان يرفع موبايله ويسوي اتصال..١٠ دقائق مرت جان يفوت شاب شكله مرتب وشعره مرتب عطره سبقة ما اجذب انعجبت بمظهرة جان يقطع حبل افكاري صوت الأستاذ الي كال هذا راح يراقبكم من تخلصون تسلمون الاوراق اله وطلع قبل محد يحجي وهذا الشاب مصدوم من فعل الأستاذ اعتقد ما كانوا هيج متفقين  بعدين انرسمت ابتسامه خاطفة على وجهة واقترب وكعد على المكتب هو ويكعد جان يكول
حسن :هلا طلاب المرحله الاوله اني حسن طالب من المرحله الرابعة اتمنالكم الموفقيه

ريماس:  ابتسمت لكلامه حبيت تصرفه اللائق بس ركزت على ورقتي وجاوبت بشكل مثالي تقريبا كل الطلاب طلعوا قبلي ضلينا اني واراس هذا طالب وياي   هو شال ورقته واني كاعده جان يروح اوراس باتجاه حسن ويكله شغله باذنه شفت اوراس ضحك بينما حسن مصدوم ويباوعلي صراحة بوقتها   حسيت بخجل وخوف عبالي اوراس كال هي غشت او انطاه صورة محلوة عني بعدت الافكار  عن راسي وركزت على الاختبار راجعت لاخر مرة وشلت محفظتي وكمت مع وكفتي جان يوكف حسن وقتها مدري بشنو حسيت كمت اقترب بخطوات بسيطه وهو كذلك من وصلنا إلى خط وكفنا اثنينا جان حسن يشيل ايده ويمرره بهدوء بالي راح لبعيد اجيت أصيح شفته حط ايده على حلكي وكال

حسن:ههه اشش لا تفظحينا بالج ليروح بعيد اريد اخذ ورقة الاختبار بس هسة اشيل ايدي بس بدون صياح

ريماس:ضحكت بداخلي على تفكيري وهزيت راسي بمعني اي وهو وخر ايده وسحب الورقة وابتسم بوجهي ابتسامته حلوة غمازاته طلعت هههه ابتسمت لا ارادي وسلمت علي وكلت

ريماس :بااي حسن

حسن:بااي 😂

ريماس:عدلت مناظري وقمصلتي بسبب توتري وطلعت من القاعه واخذت نفس قوي ومشيت باتجاه الكافتريا ولأول مرة احس نفسي فرحانه بعد وفاة اهلي قاطع ابتسامتي كعدت نفس البنت الي وياي بالقاعه

سما:الشمس طالعه اليوم  .خيرك يا طير اشو فرحان وغمزتلي

ريماس:هههه ما كو شيء بس موقف اتذكرته وضحكت

سما:هاا يعني ماكو شيء منا منا

ريماس:اكلج اشو اخذتي ميانه وياي اعرفج تعرفيني

سما:ههه ما تعرفيني

ريماس:منو انتي

سما: اني سما بنت عمتج ليلى

ريماس:هههه هلا هلا سماوة اشلونج اتوقعي ما عرفتج ههههه

سما:ايي اكول ليش شخصيتج كلش ضعيفة ها

ريماس:اختفت الابتسامه من وجهي وحسيت قرب سما راح يسببلي مشاكل ويا عمه ام امل جان اكول

ريماس:اسفة سما ما اكدر احجيلج كلشي هاي حياتي الشخصيه يلا استودعج

سما:ريمااس ريماس لا راحت هاي شبيهة شكلنا اممم اعوفها على راحتها

************
حسن : اليوم جنت كاعد بالكافتريا جان يجيني اتصال من الدكتور حمزه يكلي تعال لقسم صيدله مرحله اولى شلت غراضي ومشيت باتجاه المرحله من وصلت جان مار تقريبا ١٠ دقائق من دخلت كال الأستاذ الكلام المذكور؛وطلع اني اتفاجئت بس بعدين ضحكت على نفسي بداخلي جان ادخل القاعه واكعد على المكتب سلمت على الطلاب بس آثار انتباهي طالبه حاطه نظارات ومسويه ذيل  حصان منتبهة على الاختبار بينما باقي البنات كاعدين يعاينوني ما عجبني تصرفهن .ساعات مرت كل الطلاب طلعوا ضل طالبين واحد خلص اجه باتجاهي فكالي باذني
(هاي الي كاعده أخير شيء راح تطول كلش لان نحنا نسميها النابغة ههههه) انصدمت من كلامه بس وقتها اتأكدت انه اكو ناس تحب العلم والدراسه كلش فرحت بس ابتسمت بوجهة من شافتني نزلت راسها وخلال نصف ساعه شفتها كامت وكفت ويا وكفتها وصرنا اثنينا نتقدم على بعض الى ان مدين ايدي حتى اسحب الورقة هي شهكت ورادت تصيح بس حطيت ايدي على حلكها ومنعتها من انه تصيح وبنفس الوقت ضحكت على تفكيرها الي راح بعيد هزت راسها وسلمتني الورقة وطلعت بعد ما ودعتني عجبني خجلها ههههه وخاصة من تتوتر 😂المهم هزيت ايدي وجمعت الأوراق واني اتجه للادارة جان انصدم بشخص وطارت الاوراق رفعت راسي وشفتها جان نكول بنفس الوقت
حسن وريماس:انت ؛انتي

لاتنسوا نجمتي +   رائيكم