لما انا ؟

الجزء السادس

ريماس: اتمددت على سريري وادحك للسقف منتظرة اي شخص يجي احس نفسي ضايعه والاسوء كلبي ديوجعني فجاءة اتذكرت حسن كلت ليش ما اخابره
دكيت عليي جان يرد بسرعه

حسن: هلوو ريماس اشلونج وينج لج لمسوج اولاد الكلب

ريماس: ضليت مصدومه وكلت بصوت متقطع
ااا ننن ييي بببخيرررر ااه شكرا على خوفك هه

حسن: هاا اسف انفعلت بسبب خبر قريته المهم ليش اتصلتي عليا

ريمااس:  حسن محتاجتك

حسن: ليش سلامتج

ريماس: كنت احجي بصوت مخنوك
حسن تعال احس نفسي راح اختنك

حسن: ايي هسة اجي لا تخافين وينج

ريماس: امم. اني بمستشفى ****

حسن: هسة جايج

*******
راشد: دفنه عمه سناء وكل هذا ريماس بعدها متدري اما زوج سناء يحاول يعرف سبب الجلطه خفت اكله اني و تصير طلابه. خليت وطلعت للمستشفى حيث ريماس بس مجنت متوقع راح انصدم

حسن: وصلت للمستشفى نزلت وعرفت غرفتها دكيت الباب وكالت اتفضل من دخلت شفتها تبجي
ركضت لعندها وكلت بخوف
حسن:اشبيج لي ليش تبجين هاا

ريماس: واني كاعده انتظر حسن بس اجاني اتصال عبالك صاعقة وكعت على راسي وهي ابن خالتي دك علي وكلي 

سامر: ريمااااس صدوك امي ماتت احجييي

ريماس: ششتكول هه داتجذب شنو ماتت أكد تجذب

سامر: فدوه احجي مو خايف عليها هواي

ريماس: ما م م ما اعرف ب ب بس اذا عرفت شيء كلي

طول دقائق ودزلي رساله يكول فيها 

*ماتت *
هاي الكلمه جانت مثل الصاروخ كمت ابجي بحركه يعني اتيتمت من جديد ليشش اهئ كمت ابجي بصوت ناصي الى ان دخل حسن شافني بهلوضع كام يسئلني جان اكله

ريماس: حسن خاله ماتت مااااااتتتت اهااااا اتيتمتت من جديددد حسسسسسسسن ولك ااااخ كله من وره هاااذا راشد   اهئ اهئ

حسن : كلش ضجت على حالها تبجي وتناغش مثل الطفله

ريماس: شفت حسن منزل راسه كأن عنده هواي كلام بس مابعرف اشلون يحجي جان انط لحظنه لان جنت محتاجه حزن دافئ بس ال ما كان بالحسبان دخول راشد

راشد: دخلت الغرفة وشفت ريماس بحظن شاب هنا انصدمت كلش لدرجه وكفت مصدوم من هذا الشيء واصلا ما استغربته لان ريماس متحبني بس تضل بنت عمي ومحسوبه عليا

حسن: افكر اشلون اهدئها ردت احجي جان تحظني وقتها مدري شصار حسيت نفسي مسوي جريمه بس صدك صارت جريمه من دخل شاب للغرفة وصدمته وريماس اتراجعت بسرعه والخوف مبين بعيونها

يتبع
لاتنسون نجمتي +رائيكم بالقصة وشتتوقعون يصير