روايه جديده غدر الاقارب حتورينا عبر واجده 💜 كيف توثقش ف اقرب الناس لكي وكيف تحطش ثقه ف الاقارب وكيف تعتمدي ع روحك او مهما قسي عليك الزمان حتفرج ،ع دنيا كيف ادور ✨👀<br>
____________<br>
الحلقه 1 <br>
فتحي : اميره اميره <br>
اميره : نعم باباا<br>
فتحي : انتي توا كم عمرك😇❤ <br>
اميره : 27 ؟ عليش<br>
فتحي : جاي دكتور اطلبك مني وانا عطيتك <br>
اميره كان فتحي عنده كلمه ع بناته وهنا يتحملنش ف شي : شوف لتريحك ي باتي 💔 وصبت من جنبه <br>
خديجه : لبنتت هذي لي اسمها ايلول مش عارف امتي بتعقل وبتنوض وبتساعدني <br>
ايلول : 😠 تت خلوني نرقدد النممم <br>
خديجه : احترمي نفسكك قليله ادب<br>
ايلول : اوف اوف اوففف هاهه نضت وصبت خشت للحمام ،، <br>
فتحي : بنعدو نعزو بعدين<br>
خديجه تحط ف لغداء : حاضر <br>
اميره : انا معنديش نيه نتغداء <br>
وخشت لدار تبكي <br>
سالي : كنكك ميرو<br>
اميره حكتلها ،، <br>
سالي : باهيي افرحيي بتجوزي ❤ ي ميروو <br>
اميره : بس انا نحب شغلي 😭 " تشتغل أبله انجليزي " <br>
سالي : باهي تعرفي عليه بالك واحد كويس ويحبك ويسترك ويخليك تشتغلي ويخاف ربي فيك <br>
اميره : 💔💔 مش عارفهه مش عارفهه مشوشه ترا طفي الضي خليني نرقد عندي معهد بعدين <br>
سالي طفت ضي وطلعت 💔✨<br>
ايلول طلعت من لحمام <br>
فتحي : تعالي تغدي <br>
ايلول : معنديش نيه ي بابا توا كيف نضت<br>
خديجه : ماه كان ترقدي وتنوضي زي ناس كان م هضا حالك مش عارف امتي تبدا لمدرسه وتلمك <br>
ايلول : ع اساس انا عريانه ف شارع ي امي تلمني شن <br>
فتحي : احكي مع امك كويس <br>
ايلول فتحت نت وتشرب ف نسكافي <br>
سالي شالت لسفره تغسل فيها<br>
خديجه : هيا نلبس عبايتي ونطلع <br>
فتحي : صكرن لباب وتفتحنش لحد <br>
سالي : باه وطلعو فتحي وخديجه '' <br>
ومن هنا تبدا لقصهه <br>
____________<br>
انا ايلول الوسطيه ف خواتي عمري 18 سنه نقرا ثالثه ثانوي عصبيه وطبعي واعر ومنحبش حد يتحكم فيا ومعانديه وعايشه براسي وبتفكيري ومعنديش صحبات 🌚 . اختي الكبيره أميره عمرها 27 سنه عاقله وفاهمه وتحب لحياه ولقرايا واختي الصغيره سالي عمرها17 سنه هاديه و ف حالها ✨ ومعندنش خوت <br>
اميره ناضت ع مغرب <br>
اميره : وين ماما وبابا <br>
ايلول : طلعو يعزو ف مرات سيدي علي<br>
اميره : طولو صح ؟ ترا رني عليهم <br>
انا: عنديش رصيد <br>
اميره : تو نكلمهم <br>
اميره ترن عليهم ميردش : ياربييي يردوش عليا <br>
سالي : 😭 بديتت نخافف<br>
انا : تو يجو بلا خوف زايد <br>
ومع ساعه هكي دق لباب <br>
انا : اكيده جو <br>
صبيت فتحت لباب لقيته عمي مفتاح وولده لثقيل ابراهيم<br>
انا : بابا مش قاعده كان تبو <br>
مفتاح : اها عارفه مش قاعد اميره اختك وين<br>
انا خفت : عليشش ؟؟ كنهه باباا<br>
اميره طلعت : عمو مفتاحح ؟؟؟ شن ف ؟<br>
مفتاح : انتم مؤمنات بقضاء ربي <br>
انا : تكذب؟ <br>
ابراهيم : كان مش مقدر وضعك كان ضربتكك كفف لفكك <br>
انا : تضرببب شننن يعني خلاصص ؟ ماما وبابااا <br>
سالي : لااا ي رببييييي لااااااا <br>
اميره : ووووووووه عليا ي خواتي 💔💔 <br>
انا قعمززت ع باب ودموعي واقفات يبوش ينزلو كان فيا شعور حرققق مش قادره نعبر بيه بدو يلتمو الناس وكنت مقعمزه جنب الباب ومصبيتش وساكته لا عيطت لا بكيت 💔 شعور مكبوت داسته جوا <br>
بعد أسبوع ماما هلها ف طرابلس بعاد علينا <br>
عمامي الثلاثه <br>
مفتاح . مختار.محمد <br>
مفتاح : 😒 طبعا كيف م انتن عارفات بوكم وامكم ليوم طقو اسبوع<br>
انا : عليش محسسني انك انت فرحان ؟<br>
محمد : ايلولللل <br>
انا :لخلاصهه هاا عند من تبو تخلوناا <br>
مختار : حتقعدن عندييي <br>
اميره : لا سامحنا ي عمي انا لكبيره ف خواتيي ونعرفف زين كيف نمشي حوشنا وبارك الله او فيكم وباتي الله يرحمه مربينا ع الزين والطيب والكرم وربنا 😀✋ صح وكويس <br>
محمد : نحنا عندنش بنات يقعدن ف حوش بروحهن<br>
انا : ونحنا من حوشنا مش طالعين وبارك الله او فيكم ✋ <br>
مختار : خلاص خلوهن ع راحتهن انا جارهن قاعد وانا وعيالي معاهن تخافوش عليهن <br>
مفتاح : مش عارف انا فرخات يمشن كلمتهن ✋😒 <br>
محمد غمز لي مفتاح وطلعو برا <br>
محمد : لبنات لخبر عليهن كانن واعر 💔 وصدمه خليهن شويه مع روحهن وبعدين يصير خير <br>
مفتاح تنهد وطلع كلم مراته وبناته وروحو <br>
وروحو وصكرنا باب حوشنا <br>
__________ <br>
سالي من كتر لتعب رقدت تبكي <br>
واميره مقعمزه ف صاله وحاسه هموم دنيا كلهن ع راسها <br>
انا >> صحح نبان قويهه 💔 بس موتت بابا وماما كسرتنيي ومش قادره نبكي مش قادره نعيط ومش قادره ندير اي شي مش قادره نحكي مش قادره نفضفض نحس فيا نارر ونبي دموعي ينزلن ميبنش ينزلن خشيت لي فراشي كالعادهه ونبحت لسقف ومافيش شي جديد <br>
ثاني يوم ف الصبح <br>
نضت ع صوت سالي تبكي وتصلي <br>
صبيت توضيت حتي انا وصليت💔 ودعيت لربي ولبابا وماما وبدينا ف استقبال لناس <br>
لعند يوم ال 40 جونا عمامي ،، <br>
انا فتحت لباب<br>
ابراهيم : خشن البسن وشاحكن <br>
انا : من جاي ؟<br>
ابراهيم : نحنا من يعني ! <br>
انا : وعليش جاينن؟ <br>
ابراهيم : استغفر الله جالطه <br>
وخشو عمامي <br>
مفتاح : ف موضوعين<br>
اميره : تفصل ي عمي <br>
مفتاح : لموضوع الاول جاني عريسك <br>
اميره : رافضهه من قبل م تكمل<br>
مختار : ولموضوع ثاني هضا حوش باتي الله يرحمه ولحق نحنا نبو حقنا ! <br>
انا : نعم نعم ؟ <br>
<br>انا : فيشش تحكييي انت ؟؟ مستحيلل هضا حوشنا حوش بابا 😠😠 <br>
مختار : هضاا حوشش باتي باتك مكنش عنده حوش باتي عطاه له موده منه هوا وتوا نحنا مضايقين نبو حقنا<br>
انا : حقكم ترمونا ف شارع؟<br>
مختار : هضا كلامنا وخلاص<br>
سالي : انتم عمام انتمم صح لي قال ماعمره العم م يكون ف مكان الاب <br>
مفتاح : احترميي نفسك وهي سلام وعليكم <br>
وطلعو<br>
اميره تبكي : وينن بنعدو<br>
انا : مش عارفهه💔 الله يلعنهم <br>
اميره : مفيش الا حل واحد 💔<br>
سالي : الي هوا <br>
اميره : 😭 نجوزز الدكتور وناخذكم تعيشو معايا<br>
انا : لا مستحيلل انتي تبيهش متضحيش بسعادتك ف سبنا نحنا<br>
اميره : سعادتي راحت يوم الي ندفنو هلك 💔 ورفعت تلفونها وكلمت عمي مفتاح وقالت موافقه بس شرطها خواتها يعيشو معاها <br>
بعد يومين<br>
سالي : يعني بتقري لفاتحه وبنعدو 💔 وبنسيبو حوش عشنا فيه الحلوه ولمره نسيبو اخر ذكري الماما وبابا نسيبو سرايرنا 💔 كوجينتناا <br>
انا : بنسيبو حوشنا الي شايل ذكرياتنا حسبي الله ونعم الوكيل<br>
اميره تبكي : لميتن كل حاجه <br>
نحنا : اها <br>
وبحتنا ف حوشناا وحضنا بعضنا💔💔 وطلعنا <br>
راجل اميره كان اسمه " أسامه " <br>
ف سياره<br>
أسامه : اعتبرن ارواحكن ف حوشكن ❤ وانا خوكن الكبير ومتحسنش لا بحشم لا شي حوش اختكن وخوكن هضا وانا نسكن فوق هلي عندي اختين وخوين انا لكبير وعمري 29 سنه ❤ دكتور نفسي وبحت ف اميره واختك كان مشلنهش الوطا نشيلها بعيوني <br>
اميره ابتسمت ابتسامت حزن <br>
ووصلو لي حوش اسامه " <br>
وصلنا استقبلونا هل اسامه بزغاريت <br>
ام اسامه: سامحيني عارفتك حزينه ع امك وباتك بس فرحت لولدي <br>
اميره : لا عادي خوذي راحتك 💔😭 <br>
اسامه : هذي اميره ي امي مراتي . ❤ وهذينا خواتها <br>
انا مديت يدي : أيلول <br>
سالي : سالي <br>
ام اسامه استغربنا انها حضنتنا : من ليوم 💜 انا امكن ومتحسنش انكن ف مكان غريب هضا حوشكن<br>
سالي : شكراا ❤<br>
خواته "" بلقيس ورغد <br>
بلقيس : اهلاا انستنونا ❤<br>
رغد: واخيرا بيجي يحد يحول كسادنا 😂💙 <br>
وسلمنا عليهم <br>
وركبنا للشقه <br>
كانن اربع ديار وحمامين حشاكم ومطبخ ومربوعه وصاله انا وسالي خذينا دار لقينا اسامه مفرشها <br>
اسامه : أميره ❤ بكرا نحنا ماشيين لي شحات نقعدو فيها اسبوعين<br>
اميره : وخوا.. قاطعها اسامه<br>
اسامه : قاعدات عندنا وامي وباتي وخواتي وخوتي تحتهن شن بيصرلهن ونحنا عرسان ولا نسيتي ؟ انا مقدر وضعك وعارفه انك حزينه ع باتك وامك وبنحاول نطلعك من لجو لي انتي فيه وثلاجه فيها مصروف <br>
اميره : باهي نطلع نحكيلهن <br>
اميره خشت علينا ف دار <br>
اميره : اسامه قالي ** <br>
انا مسكت يدها : عدي ي ميروو غيري جوكك وحاولي تنسي 💔 مرارناا شويه اسامه شكله طيب وولد حلال <br>
سالي : عدي وتخفيش عليناا 🌚❤ نحنا تربياتك ولا نسيتي<br>
اميره ضحكت : 😂 باه وسعن نرقد بينكن <br>
انا دفيتها : لا ي عمري امشي راجلك😂😂 <br>
اميره : 😒😭💔 تفي تلزي فيا <br>
انا : امشي اهاا 😂😂 <br>
خشت اميره لقاتها قاعد ع نت <br>
خشت للسرير ورقدت😂😂 <br>
ونص ساعه ورقد اسامه <br>
اما انا فاتغير عليا لمكانن 💔 قعدت نتقلب ف سريري وحاسه بضيقه بحتت من روشن لقيت بات وام اسامه مقعمزين ف جنان 💔 حسيت بضيقه وغصه ذكرت بابا وماما صبيت صليت وقريت قرآن ورقدت .. <br>
ثاني يوم عدت اميره واسامه لشحات ..<br>
شويه هكي ودق لباب <br>
انا : منو ؟؟ <br>
رغد : اناا <br>
انا نايضه شعري مشفشف وعيوني حمر : صباح لخير 💔😂<br>
رغد : خير خير 😂 قالتلكم امي تنزلو تفطرو معانا ولا نجيبولكم فطور لعندكم <br>
انا : لا قوليلها تعبش روحها 💜 تلاجه معبيه توا نوضو نديرو بروحنا <br>
رغد : بلاا طروحح نستنو فيكنن تحت <br>
انا : باه <br>
صكرت لباب ..<br>
انا : اوفف نبيشش ننزلل <br>
خشيت لسالي وعيتها <br>
خشيت للحمام طلعت صليت ولبست سروال امريكي وبلوزه طويله ووشاح ونزلت انا وسالي <br>
ام اسامه : صباح الخير <br>
نحنا : صباح النور <br>
انا : واللهي ليش تعب كنا فطرنا فوق<br>
ام اسامه : لا فيها تعب لا شي قعمزن بس 💜 <br>
بات اسامه : مرحبا مرحبا كيف حالكن<br>
نحنا : الحمد الله <br>
وفطرناا <br>
وصبي بات اسامه <br>
___________<br>
ناض مؤيد خش للمطبخ<br>
بلقيس : تطلعش للجنان<br>
مؤيد : ليش ؟<br>
بلقيس : خوات اميره برا<br>
مؤيد : اميره منن ي بنتي؟<br>
بلقيس : تت مرات خوكك اسامه <br>
مؤيد : 😂 ت اها هنا جن سكنن هنا <br>
بلقيس : اهاا وخلاص وجك 🐸 <br>
مؤيد : طروفف<br>
بلقيس : براا <br>
مؤيد طلع يضحك 😂😂 خبط ف فرج خوه لاخر<br>
فرج : افطنن 😒😒<br>
مؤيد : سامحناا فروجههه😂🌚 <br>
فرج : هبل لفرخخ هضا وقسم بالله<br>
مؤيد خش لداره قعد يتمرن ع آله الجري <br>
_________________________<br>
اما عندنا نحنا <br>
بلقيس : شن تقرن <br>
انا : خاشه 3 ثانوي 😊 <br>
بلقيس : اهاا اصغر من مؤيد خويا بسنتين يعني<br>
انا : مؤيد من <br>
رغد : خويا لكن معاود سنه ومتأخر سنه😂😂 يعني نداد بعضكم ف سنه دراسيه بس لعمر لا <br>
انا : هههههه اوكي فهمت <br>
سالي : وانا ثانيه ثانوي <br>
رغد : حيي كبري😂😂 <br>
سالي ضحكت : 😂😂 من دادي <br>
بلقيس : وانا 22 سنه وفرج خويا 25 <br>
انا : ياريت عندي خو💔<br>
بلقيس : واللهي الا هم<br>
انا : بلعكس ف لمحنه لي مرينا بيها تمنيت عندي خو <br>
رغد حبت تغير لموضوع : اهاا عندكن فبس<br>
نحنا : اها عندنا
رغد : كان كسدتن اهوه رمز نت
انا : شكراا ❤ هيا سالي<br>
بلقيس : هدرزتكن ينملش منها خلينك ❤ <br>
انا : واللهي راسي يوجع فيا <br>
سالي : خلاص كان هضا انتي اركبي<br>
انا : باه مديتلها نسخه ع مفتاح حوش<br>
انا ركبت لي لشقه رقدت <br>
معش نندري ع شي الا تنوض فيا سالي ساعه 9 ف ليل 🐸 <br>
انا : اووففف نعسانه بكلل <br>
سالي : نعسانه ت طبختيها نومه سمحه اميره كلمت مبدري <br>
انا : باهيي جعانه امشي ديري حاجه نكلوها 😒<br>
___________<br>
اسامه : اهو شاليه نشاء الله عجبك<br>
اميره : 💜💜 سمحح <br>
اسامه : مش أحلي منك <br>
اميره ابتسمت خشو للشاليه وحطو دبشهم <br>
اسامه : أميره <br>
اميره : نعم<br>
اسامه : نبيكش تخافي مني ولا تحشمي 💜 ومسك يدها انا توا قعدت راجلك يعني سندك وظهرك وتأكدي اني حنعوضك ع كل دمعه نزلتيها من عيونك وعارفك خذيتيني غصب عنك من ظروفكم اميره بتحكي<br>
اسامه : اشش تحكشش 💜 انتي اسمعيني بسس <br>
اميره اضحكت <br>
اسامه : ايوهه نبيكك تضحكي وضحكتك سمحه هذي ديما ع وجهك <br>
اميره قلبها قعد يدق بسرعه وخشت للكوجينه : امم اه امم ءء شنن تبي تاكل<br>
اسامه ضحك : ف مطعم هنا هي تعالي ناكلو فيه<br>
اميره : باه <br>
وطلعت من لمطبخخ وركبو للسياره وعدو للمطعم واسامه ع قد ميقدر يحاول ينسيها<br>
_______________<br>
سالي دارت عشاء قعمزنا نتعشو <br>
انا : لمدرسه بعد 6 ايام <br>
سالي : عنديش نيه نمشي 💔<br>
انا : مدرستي قديمه معش نبيها انا كرهتها واحتمال نسسيب قرايتي بكل <br>
سالي : حتي انا تصدقي كرهت كل حاجهه 💔 <br>
انا : أشر منكك نتمني نمووتتت <br>
سالي : ااه 💔 ليش هك ف لحظه حياتنا دمرت <br>
انا : 💔 تعبت مرايفه ع بابا وماما خاطري نبكي خاطري نقدر نطلع شعوري لي جوا ي سالي مش قادره نبكي 💔💔 كارهه روحي وكارهه الناس وكارهه كل شيي حاسه اني انتهيت <br>
سالي : 💔 ربي يرحمهم ويصبرنا ع فراقهم <br>
رنت عليا بلقيس<br>
بلقيس : هيا انزلو تعشو معانا<br>
انا : لا تعشينا نحنا شكرا <br>
بلقيس : باهي صحه <br>
انا : سلمك <br>
وصكرت <br>
-__________<br>
بلقيس : تعشن<br>
ام اسامه : ينارييي يوجعنن <br>
مؤيد : ت شن قصتهن هناا<br>
ام اسامه : امهن وباتهن ماتوا ف حادث وعمامهم قالولهن نبو لحوش لي انتن قاعدات فيه ومسكينات طلعن 💔 <br>
فرج ياكل : خزي ف عمام هكي<br>
بات اسامه : ياما تشوفف نبيكم من ليوم وغادي محد يضايقهن بكلمه وحيقعدن 💗 خواتكم انتم اه <br>
فرج مؤيد : حاضر ي باتي <br>
___________ <br>
عدا اسبوع واميره ترن علينا وعيت اسامه مش مقصرين معانا <br>
كان ثاني يوم لمدرسه <br>
اميره : انا قتلكممم امشو صحح <br>
انا : اميره منبيش منببششش <br>
اميره: تت شن تبنش خو اسامه سجلكن ف مدرسه ف مدرسه رغد 😒 ورحمهه ماما وبابا وكانن م تمشنن نروحح <br>
انا : اوفف مبردكك <br>
وصكرت تلفون <br>
اسامه : ميرو ها شن صار<br>
اميره : ايلول معانديه بكلللل<br>
اسامه : هههههه مش طالعه لأختها<br>
اميره : لالا😂 <br>
اسامه : اميره تبي تشتغلي ؟<br>
اميره : ياريت<br>
اسامه : خلاص اول م نروحوو عدي لشغلكك💗💗<br>
اميره : احلففف<br>
اسامه : ههههه والله <br>
اميره بدون م تفطنن قرصتله خدوده : شكراا <br>
اسامه : لشكر عندك بقرص لخدود انتي 😂 <br>
اميره تحشمت : ههههه اسفه<br>
اسامه : أسفهه شنن ؟ 😂😂 بلاا طروح بلا رسميات<br>
اميره : اسامه احكيلي عليك و ع طبعك وشن تحب وشن تكرهه<br>
اسامه : ي ستي انا شخص عادي نحب شغلي ونحب امي وباتي وخواتي وخوتي وامي عندي التوب ونحب لمراه الي تحبب راجلها وتصونه وتلتزم ف حوشها ومنحبش لمراه لمعانديه ولي تعيط وبس <br>
اميره : وبس😂😂 <br>
اسامه : اها بالك عندك مانع ي قصيره<br>
اميره : صقعع هناا بكل<br>
اسامه : صقع وين حمو 😂😂 قاعدين ف شهر 7<br>
اميره : 😂😂😂💔 واللهي صقع<br>
اسامه : تعالي ندفيك<br>
اميره : اسامههه 😒😒<br>
اسامه يضحك : خلاص سكتت 😂😂 <br>
______________<br>
انا عدلن لمنبه ع ساعه 6:30 انا وسالي <br>
نضت صليت الفجر وطلعت استرتش اسود وبلوزه ع نص الفخد خضره داكنه وكندره سوده كيف التمبر وشنطه سوده ووشاح اسود . ولبست سالي كبوط بيج وسروال اسود ووشاح مخربش وكويش ابيض <br>
انا نكشخ خذيت تلفوني وطلعت نزلت تحت <br>
لقيت رغد تحت تستنا فينا هيا وام اسامه دايره سندوتشات مدتلنا انا وسالي وطلعنا ركبنا ف سياره مع خوهم <br>
مؤيد كان مقعمز ف سيارته وحاط نظارات وكالعاده 👀 يجلطط <br>
مؤيد : صباح لخير<br>
سالي : خير<br>
مؤيد : ولي جنبك تحكيش شكلها ؟ <br>
رغد : مؤيد<br>
مؤيد : شن قلت 😂؟ <br>
كنا كلنا ف مدرسه وحده نزلناا كانت مدرسه فخمه <br>
انا : زعمك من لي دفع لفلوس ؟ <br>
سالي : مش عارف <br>
انا : رغد ديري بالك عليها <br>
رغد : حسستيني انها ف اولي ابتدائي 😂 خشيي خشي بلا طروحح <br>
كانت مختلطه *<br>
الي هضا خش لي فصله وكانن نظام لدراج كل حد بروحه <br>
مؤيد معذب لبنات طبعا 😂💪 <br>
مؤيد اصحابه معاذ ومهند <br>
معاذ : ف بنات جدده سماح😂😂 هنا<br>
مؤيد : حسيت حتي انا 😂😂 <br>
مهند : انت شوفف العدسات ورموشش ودبش وشعر 😂😂 ت ايه ده <br>
مؤيد : هضا كله بيش يعجبوني ي طيري😂😂<br>
مهند : 👏😂 شكلكك هبل بااباا <br>
مؤيد : أطيب ي صقرر😂😂😂<br>
انا كانوا الفصل كله يحكي ع تلفونات ودبش ولماركات ولسفر 🐸 ولجو هضا انا نحبش كانت حصه فاضيه قلت نمشي لي سالي ورغد <br>
طلعت <br>
<br>من لفصل نمشي ف لممر
شاب : ع وينن ي حلووه <br>
انا : مدرسه بوك مالا *<br>
شاب : لا مورثها ليا باتك ههههههههههههه <br>
انا اذكرت بابا وشلفطته كف : 😠 بابا كان حي اصلا كانوا امثالكك يبوسو ع كرعيهه لكن دنيا حقيرع خذاتهه منيي <br>
شاب : سامحينا معليش وعدا وسيني <br>
انا حسيت بخنقه خشيت لي حمام لمدرسه ودموعي نزلو شلالل وكأنن بركانن وفاضض معش بن يوقفن غسلت وجهي وانا مزلت مستمره دموعي معش وقفوو ونشهقق وكأنا ف حاجه خانقه علياا طلعت من لحمام تقابلت مع سهي حضنتها وقعدت نبكي بلقووه : باباا ماتتتتت 💔💔😭😭😭😭😭😭😭😭😭😭😭😭😭 ومامااا ماتتتتت تواااا كيفففف استوعبتتتتت كنتت مكذبهه كنت نحس ف كل شي كذببب وكابوس وحنوض منههه ي سهييييي ونضغط ع سهي وسهي قعدت تبكي ورغد تهدي فينا وانا مستمره ف لبكاء ونشهق وقعدت نعيط 💔 لدرجه لمدرسه كلها طلعت من لفصول<br>
سهي بحتت ف رغد : من يوم ماماتو بابا وماما نزلتش دمعه 💔<br>
رغد : يناري مصدومه<br>
انا نعيط ونفترشش وطحت ع ركابيي 💔<br>
مؤيد : ت كنها لبنت ؟ رغدد <br>
مهند : تعرفها <br>
رغد : مش عارفه قعدت تبكي بروحها ونهارت <br>
مؤيد : اوييي انتيي * انتييي <br>
انا مستمره ف لعياطط بأسم ماما وبابا &q>
سهي : ايلول هيا نوضي 😭 تخوفينش عليك <br>
انا : <br>
رغد بحتت فوق ونزلن دموعها <br>
#يتبع <br>
شن رايكم ف لحلقه 1 ❤<br>
وشن تتوقعو باقي الحلقات <br>
حبيتوها ولالا ؟ <br>
وشن اكثر شخصيه حبيتوها * !<br>
واكثر شخصيه حبيتوهش * !!<br>
شن تتوقعو لحلقات جايه حيصير
.#منقولة
