الحلقه 26
غدر الاقارب
يوسف مشاله :جهزت طاوله لبرا هي نطلعو
وطلعو ياكلو ويصورو وبعدها قعدو يهدرزو لعند
ايلاف : عليش اجوزتني وانت مش مجبور تاخدني
يوسف :شن جاك 🙄🤪
ايلاف : لا والله جديات
يوسف : شن مالك انتٍ انييي بنجوزك
ايلاف : 💁🏻♀️ بسش انت مش مجبور تاخدني ومتحبنيش والله يعلم تحب ولا ماتخدش حبيبتك عشان انت شافق عليا
يوسف : ت خير بلاك انتٍ ؟ مني قال اني منبيكش ومنحبكشش ت نحبك اني اول م شبحتك 🤦🏻♂️ ف مستشفي اي متشبحيلشش حبيتك ؟ وجيتك مني طرابلس لي بنغازي عشان كلمتك لقيت صوتك مش تمام متحملتش معامله خوتك لييك مش شافق عليك اني نحبكك
ايلاف بحتت فيه ومعرفتش ترد : تحكي جديات ؟
يوسف : واللهي الا مهبوله بريي جيبي المكسرات
ايلاف صبت وابتسمت وخشت للمطبخ حطت يديها ع قلبها 💕 وحست بيه ينبض بقوه وجابت مكسرات وطلعت برا
يوسف : صقع هلباا ي ودي سميطريي
ايلاف تبحت فييه كيف يحكي
يوسف : خيرك تشبحيلي ؟!
ايلاف : لما تحكي طريقه دوتك سمحه 😂💔
يوسف : تعاكسي فيا انتٍ ورفع حاجبه
ايلاف : ههههههه اي نعاكسس فيك " وقلداته "
يوسف صبي : تتسهوكي عليا انتٍ
ايلاف قعدت تجري : لاا واللهي😂😂
يوسف يجري وراهاا
ايلاف : خلاصص 😂💔اسسفهه
يوسف حط يده ع قلبه : طيحتلي قلبي ي فرخه اني شيباني 😂
ايلاف قربت من يوسف وحطت يدها ع راسها : انا فرخه
يوسف وغمزلها : فرخه قنينهههه هلبااا
ايلاف : بطلل قله دب
يوسف : ت راجلك اني
ايلاف فنصت فيه : يوسفففف
يوسف : خلاصص هيي بري اللبسي حاجه دافيه .
ايلاف :باهي
_________________
سالي بحتت ف فرج : مدخلكش بيا كراعي ولا كراعك
فرج : لاااا ي روحي انتٍ لعند لماا تقعدي ع اسميي حافظيلي ع روحك معليش
سالي بحتت ف ام اسامه ونزلت راسها وخشت للدار
ام اسامه : 😒معش احترمتوني انتو ولا كيف
فرج : اميي لبنتت هذييييي بتهبلني ازح
ام اسامه : فرج كان يسمعك باتك حيديرلك قصه
فرج : لكن انا رايدها ع سنه الله مغير تكمل امتحانتها
ام اسامه : لعند لما تكمل امتحانتها منلقكشش جاي شورها اه 😒😒 سادك ضياع
فرج كشخخ وطلع
طلع وراه مؤيد
مؤيد : اوييي
فرج : 😒 كنك
مؤيد : مترقلكش من كلام امك بس عندهاا لحقق را !انت تقولل سالي مراتك لها ثمانين سنين م تتحشمش بكل
فرج : انت صكر فمك لي خذيتها يوم عرسها
مؤيد : بسس منديرش ف جو لي انت ادير فيه
فرج : باه
مؤيد : راا الحاجه تحطك ف راسها معش تفضي 😂
فرج : هههههههههه عديي ارقدد مبردك
مؤيد حس بدهشه ف قلبه قعد يكح وحط يده ع قلبه
فرج خاف : كنك
مؤيد : لالا دهشه عاديه ديما تجيني
فرج : عدي لي دكتور اسال عليها
مؤيد : تم
فرج : نا طالعع شوف انس
مؤيد خش شاف انس لقاه راقد
طلع تمدد ع سريره وقعد يبحت ف سقف
__________________
رغد : هنودي 🙈
مهند راقد : ها يبيبييي
رغد : نوض اقراا ازح
مهند بعد تلفون من ع وجهه يتأكده من الاسم : ؟ مؤيد معايا
رغد : ههههههههه بارد
مهند : واللهي ليوم مشحور
رغد : نوض اقرا وانت ي ع بوبجي ي نوم
مهند : ههههههه ضرتك البوبجي عاد
رغد : ههههههه كرهتهاا شرعآ
مهند دقت عليه نورهان :هاا ي نورهان
نورهان : عيت عميمه سومه جو قالتلك امي
مهند : باهي
رغد : نشاء الله بناتت سومهه جنن
مهند حك ع راسه واذكر ان رغد تحبهنش
رغد :مهنددد ارقدد متنوضضضش
مهند : 😂💔 لا بنوض بنسلم ع بنات عمتي
رغد : مهندددد وربي نصكرر ونحطك ف لحظر
مهند : وراسكك انتِ ي بيبيي منشوف لغيركك
رغد ابتسمت : باهي صبيي اقراا
مهند :باهي هيا صكري😂💗
رغد صكرت
ودزت لمهند مسج " نطلع عيونككك اه"
مهند ضحك وصكر تلفون
وصبي ادوش وقعد يقرآ وطبعا طلع سلم ع عيت عمته قوانين من امه لآنها ساكنتله يخطب وحده من بناتها وهوا يساير ف امه وخلاص .
___________________
بلقيس اطيب ف ف رز ابيض وبرودو وتحمر ف دجاجه وتغني و ف آخر انسجام
ام اسامه : لمنو؟
بلقيس : لِي انس
ام اسامه : لمنوو؟؟؟
بلقيس فطنت : لي قصدي صاحب فرج حرام وجعني هله مش معاه وهكِ حرامم من واجبناا نقصروش معاه ولا كيف
ام اسامه : اها صحح واللهي يوجع هل عيل لباين عليه كويس
بلقيس : طاب لغداء 💕
ام اسامه : ناديي لواحد من خوتكك عطيه لاه
بلقيس لبست محرمه صلاه وطلعت ادق ع مربوعه ع اساسس مؤيد جوا لكن م ردش عليها
وكان انس راقد
فتحت باب مربوعه شويه لقاته راقد
ابتسمت وبحتت ف شكله كيف حلو وهوا راقد
خشت بخطوات بطيئه حطت لغداء جنبه
بلقيس بشويه : انسسس نوض
انس : هممممم
بلقيس : نوضض هيااا
انس بحت فٍ بلقيس : بيبو
بلقيس : بيبو
انس : اي بيبو😂💔 ي بطه حطي الماكله وبرييي هيياا
بلقيس : مانيش بطه
انس : معنديش جهد انوضلك بس
بلقيس طلعت لسانها : أحسسن😂
وجايه بتطلعع سمعت صوت اسامه جمدت ف مكانها
انس : بريي ورا السيتاره بسرعهه
بلقيس صبت ورا ستاره وخش اسامه
انس دار روحه راقد
اسامه استغرب : زعمك من لي حط لوكال هناا ؟؟ توا نخس نسأل ااامي
بلقيس سمعاته دزت مسج لي اميره قالتلهاا انزلي ضبحلي لي اسامه بسرعه ولا حتكون جنازتي
اميره كانت ف كوجينتها شافت رساله نزلت تجري
اسامه خش ع حوش هله :ي امي
اميره : اسسسامهه بندوخخخ
اسامه : اميرهه كنكك ؟
اميره دارت روحها طاحت ومسكها اسامه حطها ع صالون
وبلقيس طلعت تجري دارت روحها كانت ف جنان : هييي ميرو كنهااا شيلها للمستشفيي بسرعههه
اميره شاده ضحكتها
اسامه : هييي هيي نسخن سياره بسس
وطلع يجري
ام اسامه تجيب ف امياه
اميره فتحت عيونها :تخايليي نبباان كذابه😂🤦🏻♂️ حيطلقنيييي
بلقيس :اسس اهوو جاااااا
بلقيس خدت من امها مياه وكبتها ع اميره
واميره تدعي ع بلقيس ودارت روحها كيف واعيه من دوخه : راسسي
ام اسامه : شن صارلك ميرو
اميره : معادش شفت قدامي ي عميمه
بلقيس : سلامتك ميورتيي
اميره تفنص فيها وبشويه : اه ي كذابه
خش اسامه شافها واعيه : فييك حاجه
ام اسامه : لا حمد الله شكلها كويسه كنك راعشه تقول وليه الستر😂😒 وسع بالك
اسامه ضحك لان قرب من اميره وكان راعش عليها وتحشم من امه باعد : تركبي فوق ؟
ام اسامه : خليها عندنا لين تصحصح شويهه
اسامه : باهي
عدا اسامه وام اسامه خشت للمطبخ
اميره : يحقيرره قريب طحت ف دروج ونا نجري
بلقيس : نعليي منك
اميره : شن فِ
بلقيس : ي حنه خشيت ع انس عطيته غداه
اميره شهقت : باهي لي مشافكك كان ذبحك
بلقيس :😒😂 هههههههههه تخايلي
_____________
سالي مقعمزه ع سرير وماده كراعها وتخرف هيا ورغد
وفرج قاعد ف قهوه هوا وشله
فرج رفع تلفونه : الو
سالي : شنن تبي مش هزبتني !
فرج : متفصليشش اميي ااه شنجو كراعك
صاحبه قعد يسمطط :اوووو اووووو مع من تحكي
فرج : نحكي مع هلي ي ****
سالي : فرجج الفاظك
فرج صبي ممن جنب اصحابه : اسمعينيي ههنا كلمتييينن ااه شنن جو كراعككك
سالي : منعرفشش كويسه
فرج : توجعع فيك
سالي : مشعارفف
فرج : نحبك
سالي :منحبكششش وصكرت ف وجهه
فرج : لبهيمهه
ورد قعمز ف مكانه
فرج : ت معقوله لمعيله لي درتوها
صاحبه :😂😒نندرو علييك نحناا تتمعشقق
شوي شاف تلفونه لقاها ترن
فرج بنبره حاده مداير روحه : شن فِ
سالي : عشان نا قلبي طيب ونيتي كويسه مشش كيفك خبيثه حتنا نحبك وصكرت ف وجهه اخري
______________
رغد : انتٍ وفرج خوييا تهبلو بكل 😭💋
سالي : نعليييي
رغد : شوفيي هضضا عندهمم عيت عمتهم سومهه بناتهن حقيرراتت ي انتيييي ويدحنسن عليه وامه تبي تخطبله وحده منهن
سالي : ههههههههه ت غريبه نورهان وينهي مغيبه
رغد : مقتلكش نخطببت؟
سالي : اهااااا ونااا نقققوللل
رغد : بكراا عرس جبريل
سالي : اهاا حرام ايلول عندها متحانات
رغد : اها خالتي دارته فِ وسط متحانات حتي بعدين تبي ديري حفله وهكِ وقالت لي امي جيبيها ايلول تكملت قرايتها وتجي ع لاقل تحضر لحلفه لان جايبين حمزه محجوبي يغني وحفله عشاء وهكٍ
سالي : الله 😍
رغد : اهاا عارفه معرفتش شن نلبسس
سالي : اناا بنعديي عشان حمزه محجوبي🤣
رغد : ههههههه حي را يسمعتكك فرج
سالي : ذبحح🤣
_________________
5:00 ف العشيه
نا راسي من قرايا خلاص
مشيت درت قهوه وقعدلي شويه ونكمل
ناض مؤيد قعد يقرا شوبه وطلع لقي وجهي اصفر وعيوني محلقات
مؤيد : ايلولل!
انا بصوت تاعب وناعس : نعم
مؤيد : عديي ارقدي
انا : بنكملل اخرر 5 صفاحي وخلاص
مؤيد : مزال لعشاء بتاع جبريل را ساعه 8 عدي ارقدي ساعه ونوضي كملي باقي لقرايه واللبسي ع روق
انا : لااا تو نقرا
مؤيد صبي مقابلني وصكر لكتابات : نا قتلك كلمه صح!
ومسك يديا الثنين رفعني فوق : هييا لييي النوم
انا خشيت بنرقد ف دار بلقيس لقيتها تستشور ف شعرها ورغد مولعه اغاني ويرقصن
مؤيد :خشيي ف دارييي وصكريها علييك
انا كنت ناعسه : باهي
خشيت لداره شميت عطره 😍 ف مخداته وبطانيته
مؤيد كان ياخذ ف شحنه : فطلكك را تشمي ف لمخده كان تبي تشمي صاحب لمخده بروحه عادي را وغمزلها
انا : امشيي يي بارد 😂
وكنت ناعسه نحكيي وفاقده
ورقدت ومؤيد طفي ضي وطلع
_____________
ساعه 7 نضت جبت لكتابات كملته
ولقيت سالي لابسه قونه سودا فوق الركبه وعليها تي شرت كتوفه نازلات دانتيل وردي 💋
رغد : ماماا ديري طششه روجج باهي دكنيه
ام اسامه : بيشش يقولنن صبايا نكلبتت هدي
رغد : ي ماماا دكنيه بس
ام اسامه دارت شويه روج 😂
اميره كانت لابسه افرول حوامل لونه احمر باين خيال 🚶♂️ نزلت من دروج وف يدها عبايتها
انا : شنن نلبسس طحح سعدكن
اميره : شورتك ال اسودد والكت لاحمر
انا : بالك صقع
اميره : لكن حوشش هوا
انا ركبتتت لبسست ومكيجت ولبسنا عبايات وجو شباب شالوناا للحوش ونخشو ونشوفو #يتبع
#منقولة
