الحلقه 29
" ماقبل الاخيره "
خش مؤيد ع امه : اميي تعاليي بنحكيلككك موضوعععع بسرعه باتييي باتيييي ايلوللللل اسامههههه فرجج سالييي اميررهه رغد بلقيس تعالو كلكم
طلعنا كلنا :كنكك
مؤيد : اسمعني ي باتي ثانويهه وكملتهااا ولمفروض مكملها من سنتينن بس يالله عاديي 👌 نشهد باللهي اني رايد البنت لي مقابلتك اهي ايلول وصارن مواضيع واجد وهكِ ومعش نبي يصير اكثر نبيها بلحلال وعيت عمها هما لي قاتلين باتها وامها ع موضوع ورثه م ورثه وفلوس وهكي نبي فاتحه وزفه وخلاصص منبيش 900 ليله اناا ! منندريش ع لايام جايه شن داستلنا ومعش نبي اي حاجه تفرقنا ع بعضنا من ليوم
انا نفنص فيه نبيه يسكت مبش يسكت 🤦🏻♂️
فرج : كنكم انتو حتي ليوم انس خطب مني بلقيس
بلقيس حست بصدمههه
اسامه : رغد ها مفيش حد خطبك حتي انتٍ !!
رغد : باردد خطاني
بات اسامه : توا ي مؤيد انا لبنت معندي منقول فيها ومشاء الله عليهن هنا الثلاثه والله يرحم لي رباهن لكن وين تبي تسكن حاليآ شقتك مازال م كملتش !
مؤيد : نبي نقعد ف مزرعه عيت مهند لي قعدت فيها لما هربت بيها
بات اسامه : خاطري تعرف ان لي قدامك باتك مش واحد صاحبك
مؤيد ضحك : ماهو ي باتي انت مش فاهم عليا وحقربي رايدها ويبحت ف ايلول ☹💜 ت احسن حاجه صارت ف حياتي
اسامه : كحكحكح احمممممم
بات اسامه دار روحه حول
ام اسامه : تو اسكت انت شن دوته انس لي خطب بلقيس
فرج : واللهي ي امي امس قبل م يعدي لي طرابلس قالي انه بيخطبها وشافها لما سعفوني ف المستشفي وهكِ وقال انه عنده فيلا ف طرابلس وشغله حينقله ف طرابلس كله غادي
ام اسامه : وشن دوته بنتي تعدي بعيد من علييا
بلقيس مش فاهمه شي وحاسه روحها فرحانه وزعلانه مس فاهمه شعور لي حاسه بيه
بات اسامه : انس شاب كويس خلوق مشاء الله علييه وقوله امتي م يبي يجيب هله ويتفضلو ياخذوها بدبشها وهضا نصيبهاا نشاء الله حتي ف لمريخ
بلقيس : قصدي ف كائن حي قاعد هنا تسألوه !
فرج : ومن امتي تكسري ف كلامك باتك انتٍ
بلقيس :مش نكسر كلمته لكن اسألوني بسس حسستوني ان انتو لي تبو تعيشو معاه
اسامه : فرخه شن كلام هضا
بلقيس : 😑 مش فرخه نا
بات اسامه : اسكتو خلوها تحكي عندها حق يعني من كلامك هضا انتي متبيش انس!
بلقيس سكتت
ام اسامه : شكلها تبيه لكن متحشمه !
بات اسامه : خلوها تقولها بروحها
مؤيد وفرج واسامه يبحتو فيها
بلقبس معرفتش تحكي😂💔 : مش قصه منبيهش لكن انتو قررتو هكِ بسرعه هوا كويس مشاء الله عليه مفيش بنت ترفضه لكن هكي بسرعه بسرعه
فرج :ها ي روحي بعد 10 سنين اخري
بلقيس : حسستوني انتو لي تبو تجوزوه
بات اسامه : يعني تبيه ولالا !!
رغد : خلاصص ي باباا تبييه
بات اسامه : تقولها بلسانها عشان مش بعدين تقول زريتوني ومش عارف شن
بلقيس : لي تقوله ماشيه عليه ي بابا
بات اسامه : لا قرارك انتي نكان تبيه باهي متبيهش نصيبه مش عندنا
بلقيس : هوا كان كويس عاديي موافقه
فرج : مانك قلتي كويس ومشاء الله عليه توا طلع كان كويس عادي موافقه كلا انتن لبنات 😂🤷🏻♀️
بات اسامه : ع بركه الله وانت ي مؤيد حاضر حنخطبهاا لكك من اختها لكبيره 🧡 اهي لي مصبيه
اميره : خوذوهاا ي عمي موافقيين وين نلقو خير من مؤيد
مؤيد : متبيش ديري جو حتي انتي ف كائن حي هنا خوذو رايه 🤣🔥
بحتت فيه 😑😂
بات اسامه : خلاص تو انت نبيك تنفذ شروطيي حتشتغل سبوعين ف شريكه 🤦🏻♂️😂 + انك انت معش حتشوف ايلول
مؤيد : وكيفف هذييي
بات اسامه : احترم نفسك شويه 😑 حتطلعع براا ف لمزرعه لعند لما تجوزو
مؤيد : شنن هذب بتلزني
بات اسامه : لا مش بنلزكك لكنن تطلع من حوش لعند لماا تاخذها بكل
مؤيد : عادي تو نتحمل😂💔يالله وشن اخري
بات اسامه : هضا هو
فرج : وانا ي باتي
بات اسامه : وكنك انت!
فرج : شقتيي قريبب تكمل ونشتغل معاكك ف شريكه !! شن تبي اكثر من هكِ نبييي لفرخه لصفراء لي غادي
بات اسامه : تت متعاطين انتو ليوم !
قعدنا نضحكو
فرج : لا ي باتي من قبل داوي لامي نا
بات اسامه : حتي انت خش لم دبشكك
فرج : حيعلمااا ياريتنيي م دوييت بس ي باتي مريض نا
بات اسامه : لا مريض لا سو بلاش طروح
فرج ضحك
بات اسامه :هييا 🤔🤣 حللوه هذ كل واحدد خاش ويقولي بنجوز ي باتي
فرج صبي هوا ومؤيد يلمو ف دبشهم ونحنا نضحكو عليهم
مؤيد قبل م يطلع
انا دزيتله مسج " دير بالكك ع روحكك من ابراهيم "
مؤيد "خذيت معايا سلاحي نحبك تنسيهش بكل لكلمه هذي"
انا " حتنا نحبك 😎🧡"
وصكرت تلفون
فرج : معقوله هكٍ لز 🤣🤷🏻♀️ ي شقيقي
مؤيد : بعوين اسامه ازح 🤣💔
فرج : شي ي راا باتي طلع هابا عليه
مؤيد : مالا شن ع طول ي شقيقي😂 نعدو لمهند ناخذو منه لمفتاح وانت حط شنطك ف سياره تقول فرحان بيها ملزوز
فرج حط ساكو ف سياره ومشو لمهند خذو لمفتاح ومشي معاهم
_______________
انا : ووه وجهيي طاحح بكل
سالي : اشر منك انا
بلقيس : انسس لحييوان مدولش بكل
سالي : هههههه ع اساس انتي تحبيهش
بلقيس : منعرفش🤷🏻♀️ نحبه او لا
سالي : وكيف هذي
بلقيس : حايره ف مشاعري لعند توا
انا : باهي ليش وافقتي
بلقيس : عشان 💜 قررت نختار صح لمره هذي
انا : ربي يهنيك 🔥☹ ي حبي
بلقيس : يرنن علييا ي بناتت حيي علييا زعمك منردشش ولا ندير روحيي راقدهه !!
انا : ههههههه ت كنكك رديي عادييي
بلقيس : هههه باهي وردت ع انس
انس : خيرك ؟
بلقيس :مكنتش جنب تلفون
انس : اي استحشتك
بلقيس : احم
انس :ههههه فرج حكالكم
بلقيس : ع شنو!
انس :اي مازال يعني !
بلقيس : مفهمتش
انس : خطبتك منه اني
بلقيس زمطت ريقها : اها
انس : شني هادي اها ! شن نفهم منك موافقه ولالا
انا وسالي ورغد نديرولها بايدينا بمعني قولي موافقه
بلقيس غمضت عيونها : موافقه 💜
انس : بلقيس تعرفي اول مشفتك شن لي حببني فيك طيبتك وبعدها سحرني جمالك تعرفي انك محظوظه هلببا
بلقيس : وشن ثقه هدي كلها 😂💔
انس : باش تعرفي بس
وقعدو يحكو عادي🧡
_______________
اما عند يوسف وايلاف حجزو وجو للبنغازي مشت لخوها
خشت للحوش لي طلعت منه مكسوره 💔☹ ومهانه خشت للحوش لي عاشت فيه جميع ذكرياته
يوسف عرفها اضايقت مسك يدها 🔥 وع اساس يحسس فيها بلأمان💜 وخشت هيا وياه وكانوا الانظار كلها عليهم
سليمان : ايلاف
ابلاف : لاباس عليك كيف حالك توا
سليمان : لما شفتك قعدت بخير 💔 مسامحتيني ع لاقل لما نموت نموت متريح وفلوسك كلهن ولورث حندبر راسي ونعطيهن لكي
ايلاف دمعت عيونها : اول حاجه ربي يسامحك ع كل حاجه درتها فيها ومش موضوعي لفلوس انا جيت عشان انت طلبتني وثاني شي ربي يطول ف عمرك لي صغارك " طبعا اكيده لاحظتو تغيير اللهجه عند ايلاف 😂🧡 ي خيه بدت تتعود عليهم "
سليمان : توا كيف عرفت عليش امي كانت تحبك انتِ من دونا كلنا ربي يرحمك ي امي وربي يحفظك ي خيتي واسف ع كل شي درته فيك
ايلاف : ربي يسامحك نشاء الله
سليمان : تفضل قعمز ي يوسف
كانن بنات خال ايلاف يبحتن ف يوسف رقتلها
ايلاف : يوسف عنده مشوار بيديره ولا !
يوسف : اي اي وضحك وطلع دزلها مسج " زبطتك كيف غرتيي ي مغروره "
قرتها ايلاف وضحكت وقعدت تمشي ف لجو مع خوتها وتأسفو منها 🔥💜
_______________
مهند : ي ال ملزوزين
مؤيد يدير ف النت : تت فيش تغطيه هنا
مهند : ت ملزوز ويشرط😂🤦🏻♂️
مؤيد: امشي ي وسخخ
مهند : عدي اعلق ع المدار غادي هن تو تجيك تغطيه
فرج : ولي معنداش مدار
مهند : ينتحر😂🤷🏻♀️
فرج : مبردكم
مهند :😂 تٍ تو نولعلكم الفور جي بلاش طروح
فرج : 😂 هييا باهي ولعه
مهند ولع فور جي وادرو نار قدام لباب حطو عليه براد شاهي
فرج : شن هلصقعع ازفف
مهند : اهاا المزرعه معندهش حل وسط ف صيف ام لحموو 🤦🏻♂️😂 و ف شتاء كيف مانك شايف
فرج : ت مش صقع طبيعي هضاا صقع تبيلهه دب قطبي يتحمله
مؤيد : كنك قعدت بلبول انت ازحح ارزن شويهه !
فرج : اسكت انت 😂😂 كلهه منكك تربش علينا طلعتنا من لحوش
مؤيد : مربشتش ع حد نا حكيت لحق
فرج : باه ي حق انت عاجبك 😂 بنموتو من صقع ونا قاعد مريض
مؤيد : ييييييييي بنعدي لي ابراهيم يتقلني نا
مهند : مؤيد خطرها ع موضوع ابراهيم مش خايف منه !
مؤيد يصب ف شاهي : عليش بنخاف
مهند : يعني ! انه يغدر بيك ويقتلك
مؤيد : م نموت الا بعمري
مهند : وايلول
مؤيد :كنها
مهند : عليش متسيبها هيا تعيش حياتها وانت تعدي تعيش حياتك خير م ان ابراهيم هضا يعيشكم ف رعب
مؤيد : انا بوم لي حبيتها حطيت ف راسي احتمال واحد ان هيا ليا اناا وبسس ! لو اني كنت بنسيبها لغيري مكنتش حبيتها من لاول هذي نمبر ون ثاني حاجه ي بردر هضا ليش بنعجل للعرسس 🤞🏻 اناا لأن متوقع ف اي لحظه ينغدر بييا
فرج : بعد لما نموتو نشاء الله ينغدر بيك مفيش كلب ع وجهه لارض يقدر يلمس شعره منكك وانا حي
مهند : 🤷🏻♀️ ت اوكي ي دارما حنبكي نا😂
فرج صبي
مؤيد : وين ماشي
فرج : بنرن ع سالي ومعنديش تغطيه ليبيانا هنا را مدلي تلفونك
مؤيد عطاه له
فرج تباعد شويه
ورن ع ابراهيم لقاه مقفل عشان مغير شفرته وكان بيهزبه بس رن ع سالي وقعد يهدرز معاها
___________________
ابراهيم كل يومم يخطط للي ف عقله
ويمرن لايام وبدن سالي ورغد ف لامتحانات 🔥🧡 وكملن
وبدا يخش صيف واميره بطنها تكبر اكثر واكثر وتوا وصلت ف الرابع وبتخش ف خامس
ومؤيد يتشغل ف شريكه وباته مدله فلوس بدا ف شقته وفرج يشطب ف باقي شقه وانا كل يوم ندعي ☹💔 لربي انه ميخدش مني مؤيد وكل ميردش عليا قلبي يوقف وكل لما يغيب ميجيش يومين ولا اكثر نقول ي ساتر اصعب ايام حياتي لي نعيش فيهن حددنا ان الفاتحه اسبوع الجاي الحوش فيه ناسسس يباركو واجد وكانو فاتحتي نا ومؤيد وسالي وفرج وطلعنا قعدنا نشرو 💜
_________________
وابراهيم لما سمعها رقتله ومكنش متوقع ان نحنا نجوزو توا
انا : اسامه نبيك تعلمني لسواقه
اسامه : هههههههه كيف خطرتلك لفكره
انا : اهو نبيها 😂🤞🏻 نبي نتعلم
ع خشت مؤيد رايح متبهدل
اسامه : اهو توا يعلمم هذ
مؤيد : 😂🤦🏻♂️ شنو بسم الله كيف خشيت
انا : بنتعلم لسواقه
مؤيد : اييوه بيش يحقك معايا باتي ف سياره يحسابني خاطفك
انا : باردد نحكي جديات
مؤيد : باهي نخش نسلم ع امي وندوشش ونعلمك
انا : تمامم
خش مؤيد وطلع ف جنان ركبني ف سياره
مؤيد : اركبي انتي ف كرسي لسواق هي
انا ركبت ويديا يرعشو شويه 🔥
مؤيد : هييي امسكي ف هدي واعفسي ع هدي ... وقعد يعلم فيا
وطلعنا من القراج بتاع الجنان
مؤيد : طولل هكيي تجري بتقتلينا انتي😂💔
انا : ههههههه ت اهو ساهله سواقهه وقعدت نجري
مؤيد : ايلول ي مكلوبه 😂💔
انا : مش مكلوبه اسكت
مؤيد خبط ع وجهه :حتقتليينا 😂
انا وقفت : امسك سوق انت هي
وبدلت نا مؤيد الكراسي وقعد يسوق بيا ،
مؤيد يسوق ويدربك ع الدومان : نقتلل روحيييي لو شاركونيي فييك نقتللل روحييي
ويبحت فيا ويسيب ف دومان مره مره ويصفق :عزيز خالقهه مولاييي ليا بروحي ☹🧡
انا ضحكت : مجنون
مؤيد : مش اكثر منك صح نا مجنون بس انتِ مصيبه وبلوه وبلوتي انا بس
انا : هههههههههه مؤيد !
مؤيد : نعم
انا : تخايل منقعدوش لبعضنا ! ونصيب يفرقنا
مؤيد : ت نصيب هضا صاحبي😂 نا موصيه
انا :بارد
مؤيد : واللهي ي عيوني نا حالف كان متكونيش ليا نقتلك وخلاص
انا : خفت😂💔
مؤيد : 😂💔 هههههه هبله ازح
_____________
وصلني للحوش مر يومين
انا نضت من نوم حالمه بي بابا 🤦🏻♂️
انا : سالي اللبسي عبايتك ومتخليش اميره تفطنلك
سالي : كنكك
انا : اللبسي بس
انا : اسسامه نبي سبارتك والنبي نبو نشرو حاجات شور لفرح وهكِ
اسامه : هاكييي هاه ومطولنش
انا : باهي
طلعت نا وسالي
سالي : ع وين
انا : عند عمامك لكلاب
سالي : ي ايلول نا خايفه
انا : متخفيش 😑 نحنا ماشيين نبو ناخدو حق هلنا
سالي : 🤦🏻♂️ هييا باهي
انا مشيت لحوش عمي مفتاح
لقيت ابراهيم قدام الباب خفت وقلبي طاح
بس حسيت بقوه رهيبه
فتحت باب سياره
ابراهيم :
انا :#يتبع
#منقولة
