الحلقه 9<br>
الدكتور : للأسف نقدرش ناجل لعمليهه لازم نديرها فوراا لان الحاله بدت تسوء والاحتمال نجاحها بدا يضعف <br>
اسامه : 💔 تمامم <br>
الدكتور : بكرا تم!<br>
اسامه : حاضر <br>
طلع اسامه و ف يده تقارير خوه 😢💔 ومش قادر يديرله شيي <br>
عدا للفندق <br>
اميره : اسامه كنك<br>
اسامه : بنقولك حاجه تقوليهش لي امي<br>
اميره : شنن ف خوفتني عمي ف حاجه؟<br>
اسامه : لالا مؤيد حالته زادت سوء 💔 واحتمالل يبو يزرعوله قلب جديد <br>
اميره : 😱😱😱😱 <br>
اسامه : ونسبه نجاح العمليه 3% <br>
اميره : ي روحيييي مزاللل صغيررر <br>
اسامه : مش عارف شن بندير بنطرشقق😠 <br>
اميره : ولقيتو متبرع<br>
اسامه : اها لقيناا <br>
اميره : ربيي يشفيه ويطلع منها ع خير ي ربي<br>
مؤيد كان قدام لباب وسمع كله حاجه <br>
خش عليه خوه يضحك : شن كنكم زعلانين <br>
اميره : مؤيد انت هنا<br>
مؤيد : ويينن دكتور نفسييي شنن زعلانن عادي تتفكو ممني<br>
اسامه :معش تحكي هكي ؟<br>
مؤيد : بنروح لي ليببا نبيش نديرلعمليه بنعدي بنكمل باقي ايامي ف ليبيا <br>
اسامه : مؤيد!! <br>
مؤيد : اسامه خلاص احجزلناا بنروحح<br>
اسامه : مؤيد مغير اسمعني<br>
مؤيد : انت لي اسمعني نبيشش نموت تحت ايدين دكاتره ويمرطزونييي وهنيييي وتدفعو عليا فلوس و ف نهايه بكل نمووتت <br>
اسامه : ف امل انها تنجح<br>
مؤيد : و ف امل كبير انها تفشل <br>
اسامه : مؤيد<br>
مؤيد نزلن دموعه وضحك : خلاص ي اسامه قربت اها وماتحكيش لامي شي نقولوها دكتور قال فيش داعي عمليه وهني ! حالتي كويسه<br>
اسامه : نقدرش نكذبب عليهاا مؤيد م تزعلهشش دير لعمليه<br>
مؤيد قعمز ع سرير ومسك راسه بين يديه <br>
اسامه : انا توا نازل نبي نطلب عشااء <br>
اميره : خوذني معاك<br>
اسامه واميره طلعو ،، <br>
اسامه : واجعنيي اززفف <br>
اميره : نصيبهه💔💔<br>
اسامه : أححح ربي يعنه بجد<br>
اميره : نشاء الله ربي يعافيه <br>
اسامه مسح دمعته بسرعه البرق وطلب عشاء وكلم امه ومؤيد ونزلو يتعشو <br>
_____________ <br>
انا مقعمزه كلمتني بلقيس<br>
بلقيس : ايواا<br>
انا : اهلا<br>
بلقيس : بنقتلللل انسس صاحب فرجج هضاا باردد <br>
انا : كنه شن دارلك😂<br>
بلقيس : باردد ازففف مش عارف امتي يروح <br>
فرج : نسمع فيك ي حيوانه<br>
بلقيس : اسكت هاه<br>
انا نضحك : مازلتو تتعاركو <br>
بلقيس : وانتي كنك تسهوكي نحكي جد والله غداء وعشاء وفطور وعصريه ولحوش كله فوق راسي ورغد تقولي انا مجبسه محدش يحكي معايا 😠😠 <br>
انا : ههههههههههههههههههههه <br>
بلقيس: ايلول نحكي جد نا <br>
انا : عدي عند خالتك<br>
بلقيس : مش عارف مبدري كلمتني هناء قالتلي قاعده ف حوش هلي تعالو<br>
انا : عديلها غيري جو<br>
بلقيس : بابا يحبش ياكل برا ! فهمتيي <br>
انا : اهااا باه ديريله حاجه مثلا يتغداء بيها وفرج يعرف يطيب يدير مكرونه ف ليل و تاني يوم تعالن انتي ورغد<br>
بلقيس : مش عارف حايسه كيف حال طرابلس<br>
انا : تهبلل❤ ع قد م نقولكك تهبل تهبل <br>
بلقيس: سهفتيني انجي<br>
انا : هههههه تعالي <br>
بلقيس : رصيديي يصفر تفي تشاو<br>
انا : هههه باي <br>
صكرت منها<br>
سالي : تعاليي تحت قاعدين تحت كلهم <br>
" ف جنان " <br>
انا نزلت <br>
سهي : مرحبا<br>
انا ابتسمت : مرحبا <br>
احمد : كيف حالك<br>
انا : كويسهه <br>
كريمه: امتي تنحيه الجبس <br>
انا : مش عارفه<br>
كمال : يوسف غدوا ارفعها للمستشفي <br>
يوسف : حاضر ي بوي<br>
فتون : كم عمرك<br>
انا : 18 <br>
فتون : وسالي؟<br>
سالي : 17<br>
ايمان : ي ودي تهبلو❤😍 <br>
انا : ي خيه شكرا <br>
بيسان : كريمه تقومي معاي نديرو لعشي <br>
شذي : اني بنتعشي ف مطعم ****<br>
يوسف : حاضر ي عوينات يوسف <br>
سجي : واني<br>
يوسف : برو اللبسو دجكات وتعالو<br>
انا : تبصر عليهم😂؟<br>
يوسف : لا 😂 بنرفعهم بلحق ! تمشي معانا <br>
انا : وكراعي ؟<br>
يوسف : ت عادي 😂 هيا اطلعي <br>
انا : باه استناني نلبس حاجه ونطلع
ركبت لبست وخذيت " قيلتي 😂" الي هوا كيف العكوز
وقعدت نمشي بيها ونزلت ولقيتهم ف سياره
ركبنا ف سياره وقعدت نشوف ف طرابلسس قديش هيا حلوه ❤ وكبيره
يوسف : وين سارحه 😂
انا : هههههه لالا مغير نتفرج
شذي : خاطري نشبح بنغازي ،❤
انا : تعالي عندنا 💆🏻♂️ غادي
شذي : نسأل مامي
انا ضحكت ع برائتها
وبعدين نزلنا ع المطعم
يوسف : شن نطلبلك ؟
انا : مش عارف اي حاجه
سجي : اطلبي بيتزا عندهم اهني لبيتزاا حاجه قنينه هلبا
انا : تمام حنطلب كيف م قتلتلي سجي بيتزا😍
يوسف : تمامم وانتِ شذي
شذي : اني نبي شاورما
يوسف : تمامم ومشروب ببيسي ؟
انا : تمامم عادي
وصبي يوسف طلب ورد قعدنا نحكو وطلع فيه جو صاح مره مره دمه يقعد ثقيل بس فيه جو
_______________
ام اسامه : شن هلخبر الي ميتحشمن ؟ معقولهه هل لبس
اميره : ههههههههه عمتي هذي المانياا عادي
ام اسامه : مش لهدرجه ي خيتييييي 🤔
اميره : ههههههههه
اسامه : تحسابيهن كيف اللبيبات ي امي
اميره بحتت فيه : وكنهن اللبيبات؟😏
مؤيد يضحك : 🤣 جبتها لروحك تستاهل
اميره : 😂 ماه اصلا قالها توم كروز فهمت كيف
اسامه : ت انا توم كروز يشبهو فيه بيا
ام اسامه : لا م تبالغش😂😂😂
اميره : اسامه تعطيني تلفونك
اسامه : بتحرشي فيا باتي ؟
اميره : لا براده😂 بنكلم ايلول
مؤيد حس الوكال صبي ف رقبته
اسامه : امسكي
رن عليا انا رقم دولي عرفته طول اميره
انا : ايواا
اميره : ايلولل
انا : رايفت عليك ي بارده
اميره :حتي نا تصدقي
انا : وين قاعده
اميره : قاعدين نتعشو
انا بنسألها ع مؤيد بعدين فته : كيف حال اسامه وعميمه
اميره : كويسين كلهم كيف حالكم انتو ؟
انا : كويسه ميه ميه قاعده انا وولد خالي وبنات خالتي لثنين نتعشو برا صقعع عليك😂😂🖖🏻
اميره : ولد خالي من يوسف ؟
انا : منين تعرفيه
اميره : ماما من قبل كانت تحكيلي عليه
انا : اهاا هواا
اميره : باهي سلميلي عليهمم و ع ساليي
انا : تمامم
اميره : كيف حالل كراعك ويد سالي
انا : سالي بتفك الجبس بعد بكرا
اميره : وانتِ
انا : مش عارف مازال م عديتش
اميره : باهي تشاو
انا : باي
ام اسامه : كيف حالهن
اميره تمد ف تلفون لي اسامه : كويسات ايلول قاعده تتعشي برا😂
مؤيد " باهي جوها تمام تتعشي برا ودارت صحبهه 🤦🏻♂️ دومهااا ي ايلول "
مؤيد : عارفين نا نعسان بكلل بنعدي بنرقدد❤ تصبحو ع خير
ام اسامه : وانت من اهلو ي وليدي ☹🖤
ركب مؤيد فتح سناب لقاني منزله صور مطعم وعشاء تفرج عليهن وقعد متمدد ف لسرير
انا روحت للحوش خشيت ع سناب شفت ان مؤيد شافهن حسيت بغصه ف قلبي وكان خاطري نكلمه فتحت لواتس ورنيت عليه واتس
مؤيد كان متمدد وشاف رقمي ع واتسس يحساب روحه يحلمم
مؤيد : ايواا ؟
انا : الو
مؤيد : ايلول
انا : كيف حالك ؟
مؤيد : كويس ماشي وانتِ
انا غمضت عيونه : امتي عمليتك
مؤيد : بكرا
انا : تطلع منها بسلامه
مؤيد : شكرا
انا : انا كنت فاتحه واتس استك تلفون رن ع رقمك بلغلط سامحني معليش
مؤيد : لا عادي ولا يهمك باي
انا صكرت
مؤيد "ههههه تحسابها تكلم فيك عشان تبيك ولا تحبك تحلمم "
انا " اوففف عليشش قتله هكِ "
_____________
ثاني يوم ف المانياا بتحديد "
مؤيد : اسامه نا بعد نص ساعه خاش للعملياتت دير بالكك ع امي وباتي اه نوصيكش 🖤 وكان لاقدر الله ربي خذا امانتهه ماتنسونش من الدعاء 🤦🏻♂️ وسامحيني ي امي كانن عليت صوتي عليك ولا زعلتك ولا اي حاجهه حتي انتِ اميره انا ف لاول م عملتكمش كويس سامحيني
اميره : نشاء الله تطلع كويس منهاا ❤❤
مؤيد : سلمولي ف بلقيس ورغد واجد
ام اسامه : معش تحكي هكي واللهي نزعل منكك
رن تلفونه بحت ع امل نطلع ناا لكن طلع مهند
مهند : وين ي غالي خاش للعمليات
مؤيد:نصص ساعه ونخش ي غالي
مهند : شد حيلكك نبوك تروحلنا بسرعه
مؤيد : مهند كان صرتلي حاجهه
مهند قاطعه وصوته رقرق ودموعه نزلن : معش تدوي هك ي *** وحق الكعبه نصكر ف وجهك تلفونن
مؤيد ضحك : ههههههههههه باهه ي تيس خلاص الممرضين جو
مهند نزلن دموعه : ❤ حندعيلك ي صاحبي لعند لماا تطلع منها وتقوليي انا نضتت
مؤيد : تم ي غالي 💔
وجو الممرضين خششو مؤيد لغرفه العمليات
انا رنيت ع اسامه
انا : الو
اسامه : اهلا ايلولل !
انا : اميره جنبك
اسامه : اهاا اهيه خوذيها
انا : الو ميرو
اميره : الو ايلولل
انا : كنه جو اسامه مش حلو متعاركين
اميره :لالا مغير توا خششو مؤيد لغرفه العمليات
انا : ومعنوياته شنو ؟
اميره : عاديي 💔
انا : باهي قلت نسأل عليكم وع اموركم
اميره : امورنا تمام حمد الله
انا : لما يطلع طمنيني
اميره : باه
___________
ف بنغازي
رغد : بلقيس صبييي ! ديري عشاء لخوك وصاحبه
بلقيس : ف عينكك
رغد : تت عيبب
بلقيس : كان انتٍ حانه فيه عديله انتِ :)
رغد : يدي مكسوره نا
بلقيس : حتي نا كبدي دارهاا
فرج : لعشاء وين
بلقيس : لبوم منبوش نديرو عدي جيب من معطم
فرج مسكها من شعرها : نعم ي حنه
بلقيس : تت احح حول انبصرر شن تبو
فرج :اي حاجه بسرعه
رغد بحتت فيها وتضحك : متجيش الا بلعيين الحمرا
بلقيس بحتت فيها بشرر
وخشت طيبت عشاء وحطاته وترن ع فرج بيش ياخذه م يردش
خذت سفره للمربوعه ودقت لباب
انس فتح لباب : فروجهه جيت
بلقيس نفجعت : ءء امسككك سفرهه
انس : يسلمو
بلقيس مدتله سفره وخشت تجري
رغد : كنه وجهك اصفر
بلقيس : م كنيش شي خطيني
______________
مؤيد خشش للعمليات وقعد 6 ساعات لان كانت العمليه صعبه جدا
طلع الدكتور : نكذبش عليكن ونقوللكم الحاله مستقره حالته خطيره ادعوله بسس نحنا توا حطيناه ف العنايهه والعمليه نجحت وقدرنا نديروله قلب جديد لكن توا بنشوفو رد فعل الجسم هل يتقبل القلب الجديد او لا
ام اسامه : ترجمولي فيش يقول !
اسامه ترجملها
ام اسامه تبكي وتبحت ف مؤيد من لقزاز
اميره : ي عميمه اهو طمنتي عليهه هي نعدو للفندق اقريله قرآن 🖤☹ وصلي ودعيله وتريحي شويه
اسامه : صح ي امي كلام اميره
كان فندق جنب المستشفي
نزلتام اسامه من مستشفي ماشيه للفندق
اميره :اسامه هدي روحك تمام خوك حيقعد كويس ❤
اسامه تنهد
اميره حضناته : ادعيلهه بسس ❤
اميره بعدت من عليه ونزلت لحقت ام اسامه
____________
قعدنا ثلاث ايام ومفيش حاجه تغيرت 💔 مؤيد مازال فِ العنايه ويعتبر ميت سريريآ وام اسامه حالتها حتي هيا بدت تسوء ع ولدها 💔 وبلقيس ورغد تعبانات وفرج خايف ع خوه ونحنا مفيش اي جديد
انا : اممم يوسف
يوسف : اي
انا : تقدر تحجزلي لي المانيا
يوسف : خيركك 🤣
انا : نسأل فيك ف طيران ولا ؟
يوسف :مش عارف لكن توا ندير دوره ونكلم وليد صاحبي ونشوفهولك
انا : باهه
يوسف طلع شويه وجا
يوسف : كلمته قالي تاخذ طياره من هني لتونس ومن تونس لي المانيا لكن التأشيره تبيلها هلبا بيش تطلعلك
انا : يوسف نبيهاا ضرورييي لازم نمشي اليومين هدينا
يوسف : فِ حاجه ؟
انا كذبت عليه : اميره اختي تعبانه وتبيني جنبها لكن م تقولش لسالي
يوسف : اشبحيلي هني توا غدوا نمشي لمكتب لحجز ونشوفلك الجو وغدوا باش تفكي الجبس
انا : باهي
طلع يوسف ودارو عشاء
ايمان : تفضلو تعشو
انا : لالا معنديش نيه صحه
سهي : خيرك؟
سالي : تتوحم 😂😂 ي خالتي
انا بحتت فيها : اننانننن
ركبت فوق لحوش سهي بحتت ف سقف 💔 وحاسه روحي بتطلعع من مكانها عشان مؤيد صح هوا لزنا من لحوشش لكن فياا حاجه تحنلهه فياا حاجه خاطرها تشوفه وتسمع صوته وتحكي معاه وتبحت فيه وتشوف نظره عيونه وضحكته وغمازاته ولحيتهه وكل حاجه فيه حتي ابسط التفاصيل حتي عصبيتهه "
سالي كانت مقعمزه تتعشي رن عليها فرج
سالي : الو
فرج : حداك حد
سالي : اهاا
كلهم قعدو يبحتو فيها
سالي : اهااا حبيي تبي صفحه هدكاهي توا ندزها لكِ مغير توا نتعشي اول م نفضي توا ندزها لكِ
فرج : باهيي فهمت اوكي
سالي صكرت ولباين ان فرج رقيله كملت سالي لعشاء وساعدتهم شويه وركبت رنت عليه
فرج عاودلها : الو
سالي : خوفتني احكي
فرج : ☹ تعبان
سالي : كنك
فرج : مؤيد له تلات ايام ف عنايه مفتحش عيونه
سالي : ادعولهه حينوضض منهاا وتوا تشوفف❤
فرج : سالي محتاجكك جنبي ء خاطريي تقعدي معانا ونقعمزو كيف قبل ونحكو لعند امتي بتقعدي ف طرابلس
سالي سكتت
فرج : أنسي انسيي اموركم تمام
سالي : كويسين
فرج نزلت دمعته : نا ناعس بنرقد
سالي : اصبر خلي..
صكر ف وجهها طوطوطوط
____________
ثاني يوم ف الصبحح
يوسف دزلي مسج " اني للوطه "
انا لبست وشاح ونزلت
يوسف : هادي تذكرتك
انا : ولتانيه هذي لمنو
يوسف : ليا وليك اكيده مش حنخليك تمشي بروحك
انا : بااهه شكراا ❤
يوسف : عفواا ولوو
انا ركبت وتيتت شنطتي
سالي : وين ماشيهه
انا : لي المانياا
سالي : ههههههههه بيش تاخذيني ع طريقك لي جزر مالديف
انا : نبصرش راه
سالي صبت : مع من ماشيه
انا : يوسف
سالي : بسس عليشش ؟
انا : سالي معشش قدرتتت نبي نشوفف مؤيد تخايلي تصيرله حاجه ولا هني نقعد اندم ف روحي عشان م مشيتش
سالي : خوذيني معاك
انا : بلاشش طروحح فروخ
سالي : نبيش نقعد هناا اناا رديني لبنغازي
انا : عند من تبي تقعدي
سالي : عند عيت اسامه
انا : عليش وحتي اختك مش قاعده تبي ناس يحكو علينا
سالي : خليهم يحكو تو نكلم فرج يحجزلي وماشيه
انا : اخريييي ! باه كلميه سي فرج هضاا وعدي لبنغازييي ديري لي يريحكك
وتيت دبشي ونزلت سلمت عليهم وقتلهم ان اميره مريضه وهكي وتبيني ومش مطوله نطمن ع اختك ومروحه
مشيت نا ويوسف للمطار
يوسف : هي
ركبنا للطياره مشينا التونس قعدنا ساعه ووصلنا ❤
يوسف : طياره تانيه بعد ساعتين
انا : باهيي انا جعانه
يوسف ضحك : اهم ساندوتش امي 😂 ديرتهملي من لصبح
انا : هات
وقعدت ناكل وبعد ساعتين ركبنا لطياره تانيه
______________
ووصلنا الالمانيا " وانا كنت نعرف اسم المستشفي لي هما قاعدين فيها " يوسف سأل واحد ع اسم مستشفي وركبنا تاكسي ومشينا 🖤☹
يوسف : عارفهه كرعيا معادش نحس بيهم من اللف والودان
انا : 😂 ماه تنبالل اهو خلاص وصلنا للمستشفي
يوسف : شن اسمه هوا لمريض لي قاعد هنا
انا حسيت بغصه : مؤيد ال***
يوسف سأل ريسبشن وقالتله قاعد ف عنايه ف طابق الثاني
ركبنا شفت اسامه
انا : اسامه
اسامه : ايلوللللل؟
انا نزلن دموعي : كيف صار ف مؤيد ؟
اسامه : ءء كويسس قصدي كيف م هواا قاعد ف عنايه بس كيف جيتيي ومن هضاا
انا غمزتله : ماه كلمتني اميره قالتلي تعبانه وهكِ جيتت
اسامه : اهاااااا قاعده ف فندق اميره تعالي نوصلك لها
انا كان خاطري خش ع مؤيد
مشينا للفندق
اسامه : اميره اللبسي وشاحح واطلعي
اميره نفجعت طلعت حضنتني وقعدنا نبكو
انا : رايفتت عليكك
اميره : حتييي اناا بكللل
اسامه : هئحم هضا ولد خالتك
يوسف مد يده : مرحبا كيف لحال!
اميره : لحمد الله بخير كيف حالك انت
يوسف : الحمدالله بنعمه من ربي
اميره : يوسف ولا
يوسف : إي يوسف 😂 سلامتكك قالتلي ايلول مريضه شويه ؟ انتِ
اميره بحتت فيا وتبي تقول لالا فنصت فيها
اميره : ههههه اهاا تعبت واللهي شويه
يوسف : مالا نستأدن ناا
اسامه : تعرف حد هنا
يوسف : اي هلبااا نص صحابي من هني
اسامه : باهيي عندك شفره عشان نكلموك عليها
يوسف : توا نشريي وندزهولك ي ايلول ع الواتس
انا : باه
خشينا للغرفه سلمت ع ام اسامه لقيتها رايحه ضاعفه وتاعبه 💔🤦🏻♂️
انا : ميرو بنشوف مؤيد
اميره : ت شن قصتك تحبيه ولا شن ؟
انا : ءء نحبهه ف عينككك مغير رايفتت عليكك جيت وبنشوفهه عشانن مشوقه نشوفه بسس
اميره : اهاا باهيي نعدي نشوف اسامه ف لغرفه لاخره تاعب من امس م رقدش
انا : به
طلعت اميره
لبست كبوطي ووشاحي وطلعت وقعدت نصور ف شورارع والفندق عشان منريحش وخشيت للمستشفي ركبت لقسم العنايه لقيت عند مؤيد ممرضين شويه هكِ وطلعو وخشيت نا كان وجهه اصفر وناقصصص ومكان العمليه باين وكله اجهزه قعمزت جنبه وقعدت نقراله ف قرآن وندعيله 🖤 وصورته صوره جت حلوه ❤☹ ومسكت يده كانت مجمدهه حسيت بصوابعه يتحركو❤ قعدت ندويله ف وذنه : مؤيد هيااا نوضض كلهم يستنو فيكك براا مؤيددد عمتيي تستنا فيكك واسامههه وكلهم منقهرين عليك قاوم لمرضض ونوضض انت اقويي من هكِ حسيت بلحركه بتاعه بدت تزيد طلعت كلمت الدكتور هزبني عشان زياره ممنوع بس فرح عشان مؤيد اطورت حالته ❤ وتقدمت خطوه لاقدام طلع دكتور ينطق ف اسم ايلول بغرابه
ايلول قالتله " انا "
دكتور " يريد التحدث اليك "
انا خشيت لقيته فاتح عيونه
مؤيد : نحلم ؟ انا
انا : ههههههه لالا حقيقه ❤❤ لحمد الله عشانن فتحت عيونك وصحتتك تمامم الحممدد الله ي رببب
مؤيد مسك يدي ويغمض ف عيونه وبفتح فيهن : ايلول منبيش انوض من لحلم نلقاك ف ليبياا ايلو ل ل " ورقد "
انا " دكتور هل هذا طبيعي "
دكتور " اجل طبيعي يجب علي الجسم ان يتأقلم ع وضع القلب الجديد "
انا " شكرا لك "
دكتور ابتسم ومشي
انا قعمزت قدام لغرفه فرحانهه ❤
بعد ساعتين نقلوه لغرفه وحده ثانيه عاديه وخشيت قعمزت جنبه وكان راقد
فتحت نت من لكافي لي تحت لقيته اميره فاتحه
اميره " انتيي وبننننن "
انا صورتلها مستشفي " هن "
اميره " تعاليي روحي قبل م ينوض اسامه "
انا " مؤيد نقلوه للغرفه لعاديه وناضض وحكي معايا"
اميره فرحت : ي عمتييي مؤيدددد ناضضضضض وحطوه ف غرفهه عاديه
ام اسامه من قوه فرحتها قعدت تزغرت
ام اسامه من قالها لكِ
اميره : ءء ايلول نزلت تجيب حاجه من محل تحت قالت تمشي تشوف حاله مؤيد ، شويي لقاتهم نقالين لي غرفه عاديه
ام اسامه : تاخذيني له
اميره : براا مطر وصقع خليها بكرا صبحح خير ❤
ام اسامه : مالاا نخشش نتوضي ونصلي ومتنوضيش اسامه حرام خليه متريح
اميره : باه
ام اسامه : وقولي لي ايلول تروحح صقع
اميره : باه
طلعت اميره من غرفه بتاع عمتها وخشت لغرفتها هيا واسامه لقاته راقد وسالح التي شرت وبنه الدار دخان
خشت غطاته وفتحت روشن شويه طلعت البنه من دار وقعمزت جنبه ع سرير قعدت ديرله ف شعره لعند لماا نعست حتي هيا وحطت راسها ع كتفه وخذاها النوم ❤🤞🏻
____________
مؤيد ناض عطشان : اميااه
انا : دقيقه نسأل لممرضه
طلععت سالت ممرضه وقالتلي عطيه امياه لكن مش واجد
انا شربته شويه مياه
مؤيد : صقعع " كانوا مش ملبسينه تي شرت عشان اجهزه بتاع العنايه "
انا فتحت دولاب بتاع غرفته لقيت فيه الصاكو بتاعه فركست فيه لعند لما لقيت تي شرت صوف لونها دمي لبستها له
مؤيد : ت دقيقه قصدك نا نحلمش ؟؟ امتي جيتي انتِ
انا : اليوم ف عشيه
مؤيد : وعليش جيتي
انا وجعتني لكلمه :اميره مرضت شويه جيتها
مؤيد : اهاا وفيش ديري هنا ساعه 10 ف ليل ف المانياا ف صقع ومطر وبرق ورعد وبنت صغيره كيفك انتِ
انا : كنك تهزب فياا انت ؟؟ هضا جزاتي عشان جايه نطمن عليك انا اصلا طالعه
مؤيد : شن طالعه بروحك هذي خشي انطمريي ! جوا
انا : بس بنروحخ اكيده اميره تستنا فيا
مؤيد : نعنجد تستنا فيا كيف نطلقك بروحك وانا قاعد راقد هناا ! تخايلي تصيرلك حاجه ولا هني قعمزيي هن لعند لما يجي صبح ويجي اسامه ويوصلك
انا : تت هنا صقعع دار وشوف لابسه تحت الكبوط نص كم مش مدفيه روحي ثاني شي اسامه خوك شن بيقول لو شافني عندك !!
مؤيد : تو نقوله نا مسكتها
وبعدين قعدنا ساكتين قاطع علينا تلفونه لي قعد يرن
مؤيد : ترا جيبيه ليا معليش قاعد ف صاكو
مديته له : مهند
مؤيد : ردي عليه وافتحي سبيكر
انا رديت عليه : الوو
مهند : نزغرتت ولااا ندربككككك واخيراااااا فتحت ع تلفونككككد
مؤيد يخبط ف راصه : قصدييي افتحيي عليه بس مش تدوي معاه الوو هاا ي نصي
مهند : حتي وانت مداير عمليه مش مهني روحك ؟؟
مؤيد : صكرر فمكك السبيكر مفتوحح
مهند :من لي جنيك
مؤيد : ايلول وتحكي حرف نقصلك رقبتك توا كيف نضت وحطوني ف غرفه عاديهه
مهند : قبل بكرا حاجز وجايك
مؤيد : لا اموريي تمامم انا 3 شهور بلكثير ومروحح
مهند : واجد 3 شهورر
مؤيد : ت حتي شهرين بس ماه عشان المراجعه هذي
مهند : باهي ي عيوني كنت نطمن عليك
مؤيد : تم ي عيوني جعني م نفقدك
مهند : ولا نفقدكك ي راسس
صكر مهند
انا : معش تهزبنيييي
وصبيت ع روشن لغرفه ومؤيد غمض عيونه ورقد
انا جايه نبي نطلع من دار
مؤيد : ايلول خشي جوا
انا : تت مؤيد حرام عليك نعسانه
مؤيد : وارقدي اهي كنبه قدامك
انا : الي يشوفك تقول داير عمليه ع الالوازز مش عمليه قلب بكلل
مؤيد : تؤتؤ ع حسددد
انا : جعانهه ننزل للكافي نجيب حاجه باه
مؤيد : نزليني معاكك
انا : كيف بتصبي
مؤيد : شن فيهاا
انا : لالا فكني تخايل ممنوع تصبي ولا حاجه
مؤيد : ت لا كان هضا كان قالك دكتور تعالي ساعديني بس
انا : وتغذيه
مؤيد : تو ننزل بيها
انا : باهي هي
مؤيد يصبي و #يتبع
#منقولة
