ريم،اجت مريم اتكعدني اليوم النيشان كتله بعدين اكعد انوب اجن خواته وجهالهن وصارت الغرفه مهرجان طلعت ادورلي غرفه هادئه انام بيه لكيت غرفه بارده وفارغه كبل ذبيت نفسي علئ الجربايه ودخلت بسبات
رعد،كعدت الصبح من وكت اليوم نيشان اخوي ايسر نزلت سلمت عليهم بعدين طلعت اشوف التحضير مال الاكل بعدين رحنه للحلاق كلنه كملنه ورجعنه للبيت صعدت ابدل افتح باب غرفتي مقفول مينفتح صحت علئ مريم
اني، مريم مريم
مريم، ها خويه
اني، منو بغرفتي
مريم،والله مادري
اني، شنو ماتدرين فلوسنه والذهب والسلاح كلشي جوه منو بلغرفه
مريم، خويه والله مادري
اني، جيبيلي المفاتيح الاحتياط وصيحيلي الولد
مريم، حاضر
راحت مريم اجيب المفاتيح وشوي وصعدو كل الي بلبيت فزعه تحت الباب ودخلنه انصدمنه بريم نايمه بفراشي
مريم،هاي شسوي هنا اكول وين راحت تنام
علي، خرب يومه وكفت كلوبنه
ايسر، هسه من اكعد عليه اكطع نفسه احد يكلي ليش
اني، كافي عوفه نايمه نحلت المشكله عبالنه حرمي طلعت تنبل مال نوم طلعو كلهم من الغرفه كلت بكلبي خرب يومج خرعتينه اباوع الشعر نازل من الجربايه الوجه مال ملائكه تقربت يمه عطره صطرني وخرت عنه وفتت اسبح طلعت لكيته هستوه تفتح عيونه كتله
اني،صباح الخير
ريم بنعس،صباح النور
اني،شسوين هنا
ريم انتبهت علئ نفسه وكالت، انته شسوي هنا
اني، تره هاي غرفتي
ريم بفشله، اها مو بس هاي الغرفه لكيته هادئه ومابيه احد نمت بيه
اني، عادي ماصار شي
ريم، يلا خل انزل
اني، الله وياج
طلعت من الغرفه ونزلت جوه اني هم بدلت لبست دشداشه بيجي فاتح وشماغ اسود وبي خيوط بيجي وساعه ومحابس وعطر طلعت من الغرفه ونزلت جوه
ريم، طلعت من غرفته فشلانه رحت لغرفه مريم وسولفتلي شون عبالهم اني خرامي متت من الضحك بعدين غسلت ونزلت جوه اكل دا اصب الجاي ونزل الشيخ اني كد ما صافنه علي بدل ماصب الجاي بلكلاص صبيته علئ ايدي صحت
اني،اخخ
اجه رعد علئ صرختي اخذ ايدي حطه جوه المي بلسنك وكال،شبيج مشوفين
اني ببجي،رعد ايدي جاي توجعني
