ريم: صار ثاني يوم واجو اهلي ورجعنه لحياتنه الطبيعيه صح صرت اشتاقله وصرت احس بنقص لان ضل ميراسلني ولا يحجي وياي ابد قطع كل علاقاته بيه وعرفت ليش اني هم مراسلت ولا بادرت بشي بس ضليت نهوه الرعد مرت سنتين علئ تخرجي وفتت كليه تحليلات لان هذا حلمي اجت عطله نهايه السنه وطبعا نجحت جنه كاعدين علئ العشه وكال بابا
بابا: حضرو نفسكم نروح للعماره
هوه كال عماره واني احس كلبي يريد يطلع من مكانه
كلنه كلناله حاضر خلصنه عشه وكمت غسلت المواعين وصفطتهن وصعدت الم غراضي لان الفجر نطلع لميت جنطتي وحضرتلي ملابس وتمددت وصفنت علئ السكف واني افكر شون راح اروح هناك شون راح اشوفه واباوع بوجهه ياتراا هوه مشتاقلي هم ضاله بنفسه يحجي وياي ضليت افكر الليل كله مطدرت انام ويه اذان الفجر كمت توضيت وصليت ودعيت تمر علئ خيرر وراها فتت سبحت وبدلت ونزلت ونزلت جنطتي وضليت انتضر اهلي لان اني اول وحده خلصت نزلو كلهم وطلعنه وصلنه للمطار وصعدنه الطياره اني كبل نمت
نروح للطرف الثاني
رعد: عبالكم نسيته موو ضليت سنتين متروح من بالي انام واكعد اذكرها بس قررت ماتواصل وياها ابد ابد جنت اتحسر عليهه بكل يوم كل ماذكر عركاتي وياها كل ضحكه اله بلبيت جنت اذكرها حسيت حياتي صارت فارغه بدونه كلش كلش مشتاقله ميت عليه مرت سنتين واني متعذب عذاب بس الله يدري بي لاليلي ليل ولانهاري نهار ذبيت روحي بلشغل حته احاول انساها ومفاد شكد حاولت انساها بس متروح من بالي ضلت نهوه الرعد مافكيت نهوتي عنه شكد لحو عليه افك النهوه ومفكيته واجه اليوم الي راح يجون بي للعماره لان جدي عزمهم كعدت الصبح وجدي كال جهزولهم ذبايح احنه هم رحنه ذبحنه وبده الطبخ وبدة الناس تجي دزيت ولد عمي يرحون للمطار يستقبلوهم هل مرا مرحت اني جان عدي خطار كومه بس متلهف اشوفه
ريم: نزلت الطياره ونزلنه اخذنه غراضنه ولكينه الولد يستقبلونه جان بنفسي اشوفه جاي وياهم بس خيب امالي وما اجه ركبنه السياره ورحنه للبيت جان الطريق شويه طويل فنمت لان نعسانه كعدتني امي من وصلنه وشفتهم واكفين يستقبلونه نزلت بسرعه ارد اشوفه وياهن او لا وفعلا جان واكف وياهم ماكدرت اشيل عيني عنه صاير كلش حلوو اخخ لو المكان فارغ جان كمزت بحضنه كد ممشتاقتله نزلو الولد غراضنه ودخلوهن واني مشايله عيني عنه وهوه نفس الشي عيونه يحجن شكد مشتاقلي سحبتني امي ودخلتني جوه اخخ لو عليه ابقه براا مادخل ابد
رعد: عرفت بيهم وصلو طلعت استقبلهم ونزلت ريمتي من السياره اووف ربي ماكلكم شحسيت لو ما العيب جان بجيت كلش مشتاق لهل وجه وهل طول ونوب صايراا احله بهواي كلش حلوه صايرا والشعر صاير اطول وهيه فالته بقيت صافن بوجهه وتفاجئت من شفت بعيونه انه مشتاقتلي نقس ماني ميت عليه ارد احضنه بس المكان متروس زلم دخلت جوه هيه وامها واني دخلت للديوان وانشغلت بلناس وبعمي ومكدرت ادخل جوه
وهذا بارت ادري صالي كومه مناشرا بس يلا عادي تحملوني
