ريم، كعدتني المضيفه وكلتلي راح نهبط كعدت رتبت نفسي هبطت الطياره ونزلت لكيت ولد خالتي ثنين وبنت خالتي هماتين سلمت عليهم رادو ياخذوني لبيتهم كتلهم ودوني لبيتنه واصرو انو اروح وياهم بس ماردت وصلوني البيتنه وراحو دخلت شغلت الاضويه صعدت لكيت البيت مترب شوي صعدت لغرفتي بدلت ونضفت الغرفه ونضفت البيت وسبحت جنت جوعانه وصيت دلفري وجابولي اكلت وكملت شغلت مبايلي لكيت كومه اتصالات من اهلي ومن رعد خابرت امي
اني، الوو
امي، وينج يمه وكفتي كلوينه ليش متردين
اني، هستوني وصلت وجنت اسبح
امي، يعني مابيج شي
اني،لامابيه شي
امي،دير بالج يمه ودزي اكل من المطعم اذا جعتي واحنه باجر بليل نحجز ونجي
اني، حاضر يمه
امي، الله وياج يمه ديري بالج
اني، الله وياج
سديته من امي ضليت اكلب بلبرامج اجتني رساله من رعد كاتب
رعد، شونج وصلتي
غلست علي ومارديت دز.
رعد، ادري بيج اشوفين وتغلسين
هم غلست علي اخر شي عصب كتب
رعد، اطلع كلب ابن كلب اذا اطمنت عليج بعد
مارديت علي سديت التلفون ونمت
رعد،هسه تكولون شسالفه هيج سويت بس والله غرت عليه بشكل مو طبيعي اني اغار عليه من ملابسه انوب اشوفه تكول حبيبي وحبي اموت والله اعتذرت منه ومافاد جانت كلش معصبه وخلت وراحت لاربيل من طلعت كل الي بلبيت ضاجو والبيت صار هدوء وكلهم مفتقديه ماجنت منتبه انو هيه اله هيج تاثير بلموجودين سمعت امه تحجي وياها من خلصت راسلته ضلت اشوف ومترد ضوجتني هاي السالفه وتعصبت عليه وكتله انو بعد ماراسله بس كلبي مايطيني بس كابرت كمت سديت الموبايل ونمت
ريم، كعدت الصبح البيت هدوء كمت غسلت ونزلت سويتلي لفه جبن واكلت اخذت مبايلي وطلعت بلحديقه ضل كاعده اسمع اغاني واصور وانزل بلستوري الانستا بعدين صارت حاره دخلت جوه صعدت لغرفتي ضليت ارتب الملابس والمكياجات خلصت كعدت علئ الجربايه فتحت الفون لكيت خمسين رساله من رعد كلت شبي هاذ اتخبل دخلت كليهن لكيتهن سب وفشار انواع الفشار والغلط الي بالكم دازه الي لان ناشره صورتي كصيت سكرينات للغلط مالته وبعدين رديت علي كتله
اني، اول شي يا مؤدب يا محترم انته لا اخويه ولا ابويه حته تحاسبني اني اهلي يدرون بيه هيج انشر وثاني شي هاذ سلوبك الزباله دليل علئ تخلفك وجهلك لان جان ممكن تحجي وياي باسلوب مال اوادم يا ابن عمي المحترن
دزيته وحضرته اخذت السكرينات وسويت كروب حطيت بي عمامي وابوي ولد عمي وجدي بعد ماخذت ارقامهم من علي دزيت السكرينات بلكروب وكتلهم
اني، يا جماعه هاذ الانسان اذا ادخل بيه بعد عذروني بس ماسوي احترام الاحد واطيح حضه لان اجاوز حده وزايد هماتين هسه اني شمسويه مثلا اني ابوي وخواني يدرون بيه شنشر هوه شدخله بعدين اني ماناشره صوري مصلخه ناشره صور مابيه شي فامن الاخر اذا ادخل بيه بعد اعتبروني اتبريت منكم كلكم لان ضجت من هاي الوضعيه
دزيت الرساله واني افور من العصبيه شافوه كلهم ومحد حجه بس ابو كال
عمي، عذرينه بويه حقج علينه ومسحيه بوجهي
اني، لاعمي انته غالي لاتعتذر
عمي،حبيبه عمو اني اطيحلج حضه
مارديت بعد شوي ودكت علي مريم كالت
مريم، ولج لو تدرين شصار
اني،شصار
مريم، ولج عمامي وابوي وجدي كضو رعد مسحو بي الكاع بلرزايل لان هيج مسوي وياج وجدي اخذ تلفونه ومسح رقمج منه وخلو ايشيل روحه ويطكه بلكاع
اني،يييي هسه ارتاحيت زين يسون بردو كلبي اروحلهم فدوه صار ساعه كاعده هنا افوووور من العصبيه
مريم، بس ديري بالج لان رعد طلع معصب لا يجيج لاربيل تره محد يفككج منه
اني،لاحبي مايسويه لان عرس اخو بليل ومايكدر يتحرك
مريم ، يلا باي حبي اروح اتحضر
اني ، الله وياج كلبي
رعد،
شنو تتوقعون رده فعل رعد وره هاذه كله
