طبعا كولش اسفه دا اتاخر بلنشر بس ضروف والله
نبدي
_______
رعد، طبعا من دخله لحد ماصعدن ينامن واني كاعد علئ اعصابي شون هيجي تركص كبال الولد اخزر بيه ميفيد لو ضاله دقيقه زايده جان سحلته من شعره المهم ترخصت من الكاعدين وصعدت فوك دخلت الغرفتي سبحت وبدلت وذبيت نفسي علئ الجربايه اجت ابالي شون تركص بعدين كلت اني ليش هيج مهتم بيه واغار عليه لا يا الله ماريد احبه بعدين طردت هاي الافكار من راسي وبلكوه نمت
ريم، اجت امي تكعدنه الصبح بس ماكعدنه ضلينه نايمين شوي وماحس الا ماي مجرش انذب عليه طفرت من مكاني اباوع امي وعمتي ذبن علينه ماي وطلعن بسرعه اني ماتحملت نزلت وراهن وضليت اصيح كلت
ريم بغضب، شنو هاي شكو مكعداتنه
امي، حته تكومن تشتغلن ويانه
اني بغضب وصوت عالي كلش، وقحط بنات تشتغل اجيتن علينه تركضن مو هاي الصاله متروسه نسوان شنو يسموه هاي نزل رعد يركض عباله عركه
رعد، شكو شكو شصاير
عمتي، صعدنه كعدناهن ماكعدن ذبينه عليهن مي اجت بت عمك معصبه هوه باوعلي شافني معصبه كلش وجهي احمر وشعري مفتوح واتنفس بقوه باوع علئ عمتي وامي وكال
رعد، جا يمه حقه شمسويات بيهن جا هوه اليكعد هيج يكعد
اني بعصبيه ، قسم برب العباد اذا احد صعد للغرفه وكعدني مرت الخ اشمره من الدرج ياهو الجان ودرت وجهي وصعدت مريم هم تعاركت وياهم شوي وصعدت بدلت ملابسي ورجعت نمت
رعد، كعدت علئ صوت صياح قوي نزلت اركض كلت اكيد صاير شي بس من شفت ريم جاي تتعارك اول مرا اشوفه بهاي العصبيه الوجه احمرر دم الشعر مفتوح عيونه يكبن شرار وملابسه مبلله من فتهمت شبيه كلت حكه انه لو مسوين بيه هيج جان نعلت سنسفيلهم صعدت فوك و واني هم رجعت كملت نومتي لان الساعه ب7 الصبح
ريم، فزيت من النوم باوعت ب2الضهر كلت عزه هاذ كله نايمه باوعت مريم هستوه جاي تكعد كمت دخلت للحمام سبحت وطلعت بدلت لبست كلابيه سمائيه كلش حلوه وضفرت شعري ضفيره هنديه حطيت كحل ومرطب وتعطرت ونزلنه اني ومريم لكيناهم يتغدون كعدنه اباوع امي وعمتي وجهن ثكيل علينه كلت يجوز علئ سالفه الصبح طنشتهم وكملت اكل وكمت لملت المواعين ويه البنات وصبيت جاي ورحت وزعت وصلت يم الشيخ رعد كتله
اني،تفضل شيخ
رعد، لاتدنكين صدرج طالع
اني ماكلكم الفشله وجهي صار احمر من الفشله هوه جان اخر شي انطيته وفلتت فوك كعدت بلغرفه اتصفح بموبايلي ومنطيه ضهري للباب حسيت احد دخل عبالي مريم كلت
اني، مريم فتحيلي شعري شو كان يوجعني
ماردت فتحت شعري وضلت تلعب بي شوي وحسيت شي بركبتي درت واشوفه رعد كمزت من مكاني وكلت رعد شسوي هنا
رعد، اريد احجي وياج
اني، اطلع رعد عيب تجيني واني بحدي بلغرفه
رعد، بس اريد احجي وياج ماسوي شي
اني، اطلع عفيه ودفعته طلعته من الغرفه واني كلبي الخوف يقره الف بعدين اجت مريم سويت نفسي مابيه شي وطبيعيه ومرت الايام ضليت اتجنب رعد وماضل بمكان بوحدي مادري ليش صار عدي فضول اعرف شنو يريد بس بنفس الوقت ماريد احجي ويا
اجه يوم الحنه احنه البنات كلنه لبسنه نفس الفساتين ونفس الون جانن فساتين حوريه جويتي لونهن بدون ردانات ولبسنه كعب كلنه لون ذهبي بس المكياج يختلف نفس تسريحه الشعر سويناها لان كلنه شعرنه طويل سوينه مثل الضفيره علئ طول الشعر ونزلنه خصل علئ وجهنه وطلعنه نموت نزلنه ولانضار كله علينه شغلو الديجي نزعنه الاحذيه وضلينه نركص لحد ماكالو راح يدخل العريس يحنيه كعدنه و البنات لبسن عبي اني حطيت شال علئ جتافاتي دخل العريس وجدي ورعد وعمامي ورعد اول مادخل ضل يباوعلي من فوك ليجوه ومعصب ويخزر اني ماهتميت حناها وطلع رجعنه نركص اجتني مريه كالت وين امج عرفت تريد تخطب اشرتله علئ امي وراحلته شوي وخلصت الحفله والناس طشت احنه البنات كبل لا يدخلون الزلم صعدنه لبسنه تراكات ونزلنه لكيناهم كاعدين كعده يمهم كالت امي
امي، مدام الكل كاعد خل اكلكم شغله
ابوي، خير انشالله
امي، باوعتلي وكالت خير اليوم اجت مريه خطابه
جدي، هلا بيه عليمن
امي، علئ ريم
امي بس كالت ريم سمعنه اكزاز انكسر اباوع رعد ضاغط علئ الكلاص ونكسر بيده كلهم كمزو علي واني مصدومه بمكاني ماتحركت وخرهم عنه وكال
رعد، وخرو عني وانتي يا مرت عمي اتكليلهم محجوزه لابن عمه وهاي كدامكم كلكم والحاضر يعلم الغايب اجه وكف يمي وسحبني وكفني علئ حيلي وكال ريم بت عمي واني ناهي عليه
ياتره شنو راح يصير هل ريم راح تسكت عن هاي النهوه المافجئه
