وتين الشيخ نسر

بارت 4

وتـ͜͡يـن الشـيخ نسـر
..........................
يَـ فزة نومتي والـ ليش و الـ يمته
يـ لهفة شوگ بيه انتَ .
.........................

وتين

بقينه للصبح كاعدين نخاف انام ونخاف نطلع اول مره يصير بينه هيج موقف مرعب لان بالعاده اكو حرس بالباب وتلفون تالين بقته بالمطبخ مجابته
حتى نتصل منه
اخر شي قررنه ننزل لماما وبابا لان منتحمل نبقى اكثر
نزلنه اني وتالين وحده لازمه ايد الاخ من الخوف
فتحت باب غرفة اهلي وهنا وتجمدت بمكان من الاشوفه

ضليت متجمدة بمكاني وني اشوف ماما وبابا ع الجربايه
غاركين بدمهم
كعدت بالكاع رجليه ماشالني دموعي كامت تنزل بخنكه اريد
اصرخ بس ماكاعد اكدر احس شخص وخانكني اخر شي سمعته
صرخة تالين وبعدهه مادريت بشي

كعدت على اصوات ناس يمي اتذكرت الصار بس بلحضته توقعته حلم
رفعت جسمي وني اباوع المكان الي بي هذي مو غرفتي ولابيتنه
وين اني؟!
نسوان داير مدايري بنات صغار وكبار كل واحد كاعد بجهه
خفت حيل ماعرف شنو الي حسيته بلحضته بس احساس يخوف
يمكن احساس الوحدة
دورت بعيوني على اهلي بس ماكو احد ارتعبت بشكل
كمت بسرعه من مكاني الانظار كلهه توجهت اليه جانت اكو بنيه
قريبه عليه باوعتله بخوف وحجيت برجفه

.اهلي وين

كامت البنيه جانت صغيرة اجت يمي ولزمت ايدي وحجت بأبتسامه
.حبيبتي اختج تالين شويه وتجي انتضريهه هنا لتخافين اهلج احنه

كلبي يدك بخوف خايفه الي صار حقيقه خليت ايدي على كلبي ودمعتي نزلت اتنهدت ابجي وكعدت بالكاع خليت راسي بين رجليه
مامعقوله الي صار ماكاعد استوعب مايدخل عقلي
ماما وبابا شبيهم هسه وشصارلهم تالين وين

حسيت شي على ضهري رفعت راسي باوعت بصفي
رجال لابس دشداشه سودة مخلي ايده على رجله وبيه سبحه
وايده الثانيه على ضهري باوعت بوجهه بفضول
بس لمحته عرفته عمو نسر شنو الي جابنه يمهم شون اجيت هنا
للحضه حسيت بأمان من شفته وانو اني مو وحيده
دموعي كامن ينزلن اكثر واكثر كمت اشهك مثل الطفل
شمرت روحي بحضنه وشبكته مادري ليش سويت هيج بلحضته
حسيته ابويه
كعد بالكاع وخلاني بحضنه مثل الطفله وحضني بقوة
خله راسه بشعري وجر نفس كلش قوي وتنهد
كمت ابجي بصوت اريد اهلي وخايفه حيل

.عموو اهلي وين تالين وينهه اريدهمم
حجيت ابجي وني اشهك
مسح على شعري وحجه بخنكه حسيته بصوته

.اششش يبعد عمج انه كل هلج

.ارريد اهلييي عموو فدوة وديني الهم