وتين الشيخ نسر

بارت 5

وتيـن الشـيخ نسـر
.........................
غـارقٌ فيـك من الوريـد للوريـد💗
.........................

.وتيني اني مابقالي غيرج وغير تالين اريدج تبقين قويه ومتخلين احد يكسرج لو ينزل دمعتج اني مادري يمته الله ياخذ امانتي لان الي حاول يقتلني مره يحاول بعد مرة وعشرة لحد مايحقق الي يريد يوصله واني امنتجن عد اشخاص لان بس الله اليعلم شنو مضموملنه اريد اموت وني مرتاح ومطمأن ميصيرلجن شي اما الي قتل امجن وحاول يقتلني
فهو اخووي الي من دمي وابنه عمجن ابو احمد واحمد الي كان سابقا خطيبج وتين
.........................
وتين

خليت ايدي على حلكي احاول استوعب الي حجا هزيت راسي ب لا ودموعي زادن مامعقوله لا ميوصلون لهلدرجه
كمت من يمهم بسرعه طلعت للحديقه كعدت بالكاع بجيت بشهكه وصرخت صرخه جنت كاتمته بكلبي
ضليت اصرخ واضرب اديه بالكاع اريد اطلع ولو شويه من الحزن البكلبي

مادري شكد مر من الوقت وني فاقده بس اصرخ واضرب الكاع لو وجهي
حسيت بشخص حضني من ضهري وربط اديه بأديه يمنعني من الحركه
بس وين وني فاقده ضليت ارافس

بيومه الي يشوفني يكول مطلعيني من مصح
دارني الهه خليت وجهي بوجهه ودموعي ماوكفن جان عمو نسر
حجيت بجي وني اشهك
.نسررر احمدد مايسويهه كول متوهمين كول اي شي احمد يحبني مايسوويه هوه كالي مايحب يشوفني ابجي كوول شي نسررر كلي مووهووه

.اهدي يابعد روحو للنسر اشش اتنفسي

هدئت ولو شويه بس دموعي ماوكفن جانت الخنكه البصدري قويه بسبب الربو لاكن مابينت ولاكلت بلكي اموت واخلص من هالعذاب
خله ادي جوه رجليه وشالني نتبهت كلهم واكفين ومن بينهم بابا مستند على تالين والدمعه بطرف عينه درت وجهي ماتحملت نضرات بابا وكميه الحزن الي بيهن

دفنت راسي بصدرة وغمضت عيوني بهدوء
الالم الي جنت احسه ماينوصف
صعدني ودخل بغرفة وسد الباب ورا اني كبل نزلت من حضنه ورحت ع الجربايه نمت على بطني بشكل فوضوي اريد انام اغيب عن الواقع غفيت من التعب والقهر وني مخنوكه

فزيت وني احس بثكل على ضهري وخصري عدلت نومتي على جهته حضنته من خصرة وخليت راسي على صدرة وكل الي بالي هذا أحمد رجعت يمكن خمس دقايق وغفيت

حسيت بشي يتحرك على وجهي بهدوء
فتحت عيوني اجت عيني بعين عمو نسر جمدت بمكاني وني اباوعله شجابه يمي صفن بعيوني وايده تتحرك على خدي
اجت عيني على تفاصيل وجهه لحيته وشواربه سود وثخان محددات وهوه ابيض حيل
خشمه مثل السيف وصغير عيونه كبار ولونهن عسلي
ورموشه ثخان بس موطوال وسط شفايفه مامبينات منهن بس الشفه الجووه ورديه وبيهه زراك مال جكارة
صفنت بملامح وجهه هاي اول مرة اركز بيهن جان وسيم حيل
مادري ليش ارتاحله مرات اكول معقوله هذه ابويه الثاني ههه مادري تفكيري
انتبهت الروحي صافنه بوجهه شفت ابتسامه صغيرة على شفايفه
درت وجهي وني بعدني مستغربه من روحي شمالني هيج صفنت شيكوب عليه تنهدت وني اذكر الصار كعدت لميت رجليه وتربعت وباوعتله
وهوه هم عدل كعدته وتربع يمي