وتين الشيخ نسر

بارت 6

وتيـن الشـيخ نسـر
.........................
وعودتني منين ما اعوفك اجيك ..

عودتني منين ما تلجمني احبك ..

و عودتني الليل سالوفة حبايب للصبح ويطيح سالوفه ندى بحضن الورد !

عودتني اشهك خضارك واشتهي النسمة بربيعك لمن يطيح البرد ..

وعودتني شما تضيگ الدنيا اشمك !
..........................
وتين

كمنه اني والبنات رحنه للحديقه كعدنه ع المرجوحه
اني بالنص وتالين وشمس كاعدات يمي من الجهتين وبراء جابت كرسي كعدت عليه بس براء ماجانت على طبيعته ماحجت ولا حرف وصافنه

.برااء شبيج ذابته على الصامت مو من عوايدج
حجت شمس بضوجه وهيه تباوع على براء الي نزت من صفنتهه تعرفهه من تضوج ومن يصير وياهه شي

.مابيه شي بس ضايجه شويه
حجت بهدوء وهيه تعدل كعدته وتلم اديهه الصدرهه

.اييي ادرري ضاايجه وانتي ماتضوجين بدوون سبب شنو سالفتج
صالج يومين على وضعج هذه تصفنين ووجهج اصفر

.اووو شمس كاافي كنالج مابيه شي
حجت براء بنترة وكامت من الكرسي مشت كم خطوه وكفت بمكانه ورجعت بخوف كعدت على كرسيهه
كلنه ضلينه مستغربين من خوف براء هيه مو من النوع الي تخاف بالعكس هيه اجرء وحده بينه
شمس زعلت من براء لان نترت بوجهه تالين اصلا بغير عالم حتى مو ويانه
اني هم اخذتلي صفنه وياهن على الواهس
اخر شي قررت اروح البابا كمت من مكاني والجماعه كد ماصافنات حتى مانتبهلي ضحكت وكملت طريقي للبيت بابا خصصوله غرفة ماعرف ليش بس احسهم يعرفون بابا من طريقة تعاملهم وياا وخصوصا عمو نسر

دخلت للغرفة لكيت بابا يخابر رحت كعدت يم رجليه على الجربايه
خلص اتصاله وباوعلي بأبتسامه رديتله الابتسامه وحجت بهدوء
.شوون صرت بابي يوجعك شي

هز راسه ب لا وعدل كعدته وطلع ورقه من جوه راسه ولزم اييدي
.لا بابا الحمدلله صرت بخير ولكيت بيت بس هاليومين على مايجهز ننتقل بي لحد ميهدء الوضع ونسافر الدبي بس وقعيلي على هاي الورقه محتاجهه

.عادي اوقع بس ليش نسافر شعدنه تحسسني احنه د نختل منهم وخايفين
حجيت واني اوقع على الورقه حتى ماقريت محتواهه