وتـ͜͡يـن الشـيخ نسـر
..........................
ربّ لا ترجعني إلى ضيقٍ أخرجتني يومًا منه..💙
..........................
لاتنسون التصويت
الڪـاﭑتـبـهہ zainab majid
واكف يم راسه ويتمعن بملامح وجهه وحاير شيسوي لهاي البنيه صاله شهر لانهاره نهار ولاليله ليل يحاول يركز بقضيتهه بس عقله ميفكر غير بيهه
باله وروحه وكلبه كلهن يمهه مايعرف شلون حبهه ولايعرف شوكت
بس الحب ميدك بيبان قبل ليدخل.!
التفت بهيبته من حس واحد واكف ورا عبالك جان بغيبوبه وميدري بالدنيا
ابتسم نص ابتسامه من شاف نسر مرتكي على الباب ويفر بسبحته
وكف كدامه وحجه بأستهزاء
سلطان: اخوك عرف شون يختار بس راح يندم على هذه الاختيار
وكف الثاني وخله وجهه بوجه سلطان وحجه برود
:ندمه شلون ماتريد يخوي بس شايف النايمه على السديه اله وماتصير الغيره وانه الازفهم بيدي لذلك لاتفكر غير تفكير نضراتك ذني اعرفهن
ضحك بقوه على كلامه ولزمه من ياخته وحجه وهوه جاز سنونه
سلطان: اذا انته تزفهم بيدك اني اكتلهم بيدي ولااخليهم واحد ينام بحضن الثاني هاي شغله والشغله الثانيه هاي لو اختك جان كتلت الي سوه بيهه هيج ادري بيهه ماعدهه اخوان ولاعدهه احد غير اختهه وابوهه وانه الواكف كدامك وتحذرني منهه راح اصير الهه اب واخ وحبيب وزوج همين....
نهه كلامه وهوه يأكد على كل حرف يكوله
نفض ادي منه وحجه برود
نسر: اول مره اشوفك هيج عصبي على مود بنيه اتنهد وحجه سلطان ماريد احد يدري لواء محبوس لان معتدي على تالين طلعلك اي حجه
سلطان:ولويش ماكول يالنسر هاي عود انته التعرف حك الله تريدني اسكت
:سلطاااان بس انتظر هالفتره وبعدين احجو واني اكلك شنو السبب لاتصير انته والوكت عليه
سلطان:اسكت بس هالفترة يالنسر لان شغلي وغيرتي ماتسمحلي اسكت عن هيج موضوع ولواء ماطلعه من السجن لو شووشيصير احارب لواء بوضيفتي ولااخلي يوصلل التالين
:تنهد وحجه وهوه يدور وجهه ويفتح الباب ..حارب لواء واخذ التريدهه اني مادخلني لان ماريد صداقة عمر تخرب. مع السلامه
طلعت من الغرفه وانه مختنك اعرف لويش لواء هيج يتصرف وي تالين
لواء انظلم بحياته وصار قاسي بس وياي يضحك ويسولف لان من صغره انه ويا ومتعلق بيه كبر وتربه على الضرب لان بصغره ومراهقته جان مشاكس وماعده مسؤليه ومايجيب بس المشاكل لذلك ابوي دوم جان يبعده عنه ويعاقبه بأشد عقاب رغم صغره يضربه ويمنعه من الاكل يوم كامل لو يحسبه بالمخزن
وفوك هذا حب وحده وخانته انكسر اكثر واكثر
فرحت من شفت نضراته الي كلهن حب وهوه يباوع التالين توقعت راح تغيره ولو شويه ويطلع من عالمه القاسي بس جنت غلطان ..."
أنت تقرأ
وتين الشيخ نسر
Romansaتركض بكل سرعته وهي تبجي بحركه وراها سيارة تلحكها يردون ياخذوه تركض وتصرخ ساعدونيييييي ساعدونيييي فدووه ساعدونيييي شافت بيت كلش جبير واكفين زلم وشباب معكله ولازمين اسلحتهم بالباب ركضت عليهم وشعرها يطير وي الهوى وتتنفس بثكل وتصيح بتعب .... ياااناس سا...
